Efesios 5:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Vichiguiño' ỹaatqajam ỹajñita ca 'neeta ca na'maqataxaguii. 'Neeto' lotqai 'ñiitari' ca qaica ca ỹa'den. Ta'ta'a quiyim 'ñiitari' ca 'deenaxanqachaqaic.

Efesios 5:15 Iomraidhean Croise

Job 2:10

Ca' so Job 'naaco' caso'maxare: —¡'Aalo'e', se ỹa'maxañi quiyim se no'uen ca 'xachi'! Ma' qomi' seconaxaguit ná'maq lo'yaxanec nelatalo qomi' ñi qota'olec, ca ¿negue' quet cá'maq 'neeta quiyim se seconaxaguit ca se no'uen? Ca' quedá'ogue dajo so Job qaica ca lasauaxaset, chaqai vire'ta qaica ca ỹo'maauec la'qaatec.

Salmos 73:22

ma' ỹim qaica ca sa'den; ¡shintari' ca isecỹac seloqoto'ot qami'!

Éxodo 23:13

Ca' pacqajñichigui dá'ogue dá'maq shinac caqamiri, chaqai quiyim sqaica ma' 'ue quet ca qara'xaỹa caqamiri ca leenaxat ca liỹa nashiilec.

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 25:2

Cinco' saua qaica ca ỹa'deenda'a, chaqai cinco' saua 'deenaxanqachaqai.

Mateo 27:24

Ca co'na' so Pilato retan quiyim qaica ca nemaq so qomyipi, ta'ta'a quiyim noquiiquetashiguim nqai'en na naỹaac, ca relaataxanaco' so huaxaỹaq, ca' quiỹo' naua lqai'laqate' qaỹa'ajantac sá'ogue. Ca 'naaco': —Ỹim sqa saỹapegueu'a ca lelauaxa dajo ỹale, ma' qaica ca lasauaxaset. Ca' chaqaiqamiri 'viiquiñitac.

Mateo 27:4

Ca 'naaco' quesaua'maxare: —Ỹim 'ue da ỹasauaxaset, ma' saañiguit da lelauaxa so ỹale qaica ca ỹasauaxat. Qam saua'maxare 'neraco': —Dajo coqomi' ¿negue' quet cá'maq 'negue? Ma' ¡dá'maq dajo chi rasauaxashichi'!

Mateo 8:4

Ca' so Jesús 'naaco' queso'maxare: —'Neeto' lotqai 'ue ca 'qaataxañita quedajo. Ta'ta'a quiyim quirepegue', nachaxañireu'a ñi letaxaỹaxanqajnec na qomyipi quena' qaretaxaỹa'pegue' ñi qota'a, chaqai 'ỹaañiro ma'le aca rachitaxanataxanqachi'i' cá'maq relaataxanlec na'le so Moisés, qaiyi ná'ogue ỹa'den quiyim rimi'rec queso ralolaxa'e'.

Lucas 24:25

Ca' so Jesús 'naaco': —¡Ỹaatqajam qaico' ca 'yiiñii qamii, chaqai chalego laỹaloxo quiyim viilec ná'ogue na la'qaataxanaxaquipi so la'qaataxanqajanqaipi ñi qota'a!

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.

Gálatas 3:1

¡Aicuéra caqamiri Galacia lase', ỹaatqajam qaico' ca ra'deenataxanaxaguii! ¿Nega'ỹo' cá'maq ỹachi'iñi qamiri quiyim sqai viilec dá'maq na'qaatec ỹaatqajam lliqueta? Ma' quesó'maq 'avichiguiñi qara'qaataxanaxac ỹaatqajam sachaxanqa'tema qamiri so Jesucristo na' qaipateno queso qo'paq.

Gálatas 3:3

Ca' ¿chi'negue queta' 'ec tot qaica ca ra'deenataxanaxaguii? ¿Loqo'm 'ñiitapega quiyim quedá'maq chi na'ñaaqataxaguii, ca nalogoñi nqai'ñii dá'maq nachaalataxaguii chicqo'ot so Espíritu?

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Efesios 5:33

Qam qai'neeta 'naac quiyim quiñi 'óna caqamiri 'maxaraic quiyim i'xoren aca loua, 'nejem dá'maq quiyim chi ne'xorenalta', chaqai acá'maq 'aalo se napacalec ca loua.

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

Colosenses 1:9

Vichiguiño' qomi' quecá'maq na'xa'a na' novi' da qara'xaỹaxac, chaqa'ma' se neme ñqouagaxainqatalgoto qamiri, sashiilqatac ñi qota'a quiyim ỹa'deenaxanaxanque qamiri cá'maq ỹahotaque ñi'maxare, chaqai quiyim ỹaanema qamiri ná'ogue nanchaqaina na'deenaxanaxa quiyim 'yiiñichigui na se re'xogui chicqo'ot so Espíritu.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.

1 Tesalonicenses 5:15

Chaqai richilliỹa'ta' quiyim qaica ca ỹopilaxajlec ca se no'uen ca liỹa. Ta'ta'a quiyim 'viichii ca ỹa'maqachiguiñi quiñi 'óna caqamiri chaqai quená'ogue na liỹa qomyipi.

1 Timoteo 6:9

Qam cá'maq ỹahotaque quiyim nesallaxanec se nalo'guit dá'maq ne'guenaxac, vire'to' ma' 'eco' lepachigui ma' paguelec na lqo'itaxanqachic quená'maq qaica ca 'negue. Ma' na'maxare na'axat ca qom, chaqai 'eco' iyinñi nqai'en, chaqai ỹovireta'a quiyim na'laxatañi.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

Santiago 3:13

No'm 'ue ca 'óna caqamiri ỹajnaxaraic chaqai ỹaatqajam 'xoic ỹa'den, ca no'uen quiyim ỹachaxan da ỹa'maqachiguiñi no'ueenataxac chaqai da neneequesenaxac dá'maq chicqaugui da la'deenec.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.