Efesios 5:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Sqai coñiỹapegueu'a ná'maq qaica ca 'negue quená'maq ỹo'ueetetac ná'maq ñaqai hueetaugui na napalaxa. Ta'ta'a quiyim chaxañiuec, qaiyi qaỹa'den.

Efesios 5:11 Iomraidhean Croise

Génesis 20:16

Qai'neeta 'naaco' caso Sara: —Ná'maq saanem da rqaỹa'e' ỹaatqajam 'xoic lecaic añi laseuete. Na'maxare nala'guit quiyim quepaqataxanlec queca se no'uen na'qaataxaqui', qaiyi ná'ogue ná'maq neeto'ot qami' sqaica ca la'qaatec se ỹa'maxañi taalec nqai'en aqami'.

Proverbios 1:10

Ca no'm na sauaqhuaiquipi ỹahotaque rayiñi', qam qami' ỹaalcolec, ¡se na'xaỹaxañi'!

Proverbios 1:31

¡Ỹo'uet ma'le ca re'xoriguii dá'maq chi no'ueenataxaguii! ¡Rquemariỹa'gue ma'le dá'maq se no'uen ro'ueenataxanaxaguii!

Proverbios 25:12

'Ec aca nichicshaqate chaqai aca nqola chicqaugui ná'maq no'uen 'oro, ná'maq paguec loyac napaxaguinataxanaxac quecá'maq ỹa'den icoñi'chiguit.

Jeremías 15:17

Vire'ta se llapooguit ná'maq chi ỹahotaque reualaxaitac; shi'gue na' qami' yatoiquiñi'sac, ca chaqa'ma' yodaatapeguec, ma' no'xa nqai'ñi' aỹim queda ronogoxonaxaqui'.

Levítico 19:17

'Neeto' hueetagui nqai'ñi' añi re'taxanata'e' ca qavilli' queca rqaỹa'e'. Ta'ta'a quiyim 'ue canchaqaica, ca' taqaita ca rqaỹa'e'. 'Neeto' lliquirau'a ca lasauaxaset.

Mateo 18:15

No'm ca rqaỹa'e' 'ue ca se ỹa'maxañi 'ne'tegue caqami', ca' taqaira'pegue', roda'ichichiguit, ca' 'deenaxanaxañitegue cá'maq ỹo'maqajantac. Ca no'm na'xaỹaxana qami', ca' raviguiqui' ca rqaỹa'e' quiyim rapil.

Lucas 3:19

Ca' so Juan retaxaỹa so nashi Herodes sauaxat loua aso Herodías só'maq loua so lqaỹa Felipe, chaqai so liỹa loiquipi se no'uen so'maxare.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

Romanos 16:17

Ñi'xoresentouguilo qamiri ỹaqaỹarolqa, quiyim na'ijñii'tegue cá'maq reuacqataxantac chaqai cá'maq ro'taqataxantac. Ma' ca'maxare 'eco' npa'guente'e' dá'maq shi'gue 'yiiñii napaxaguinataxaguii. Noỹoochiuec queca'maxare.

Romanos 6:21

Qam ¿negue' cá'maq 'neco' na'le dá'maq dajo, dá'maq nagui ỹo'uet na rayiloxohi? Ma' da'maxare qaidaata da nelauaxa rauecqataxantau'a.

Gálatas 6:8

No'm 'ue ca qom ỹanñi dá'maq chi lqo'itaxanqachic na loshicmaxa, ca' dajo no'ueenataxac ỹo'uet ma'le quiyim naqat ca chi lelauaxa. Qam cá'maq ỹanñi cá'maq ỹahotaque so Espíritu Santo, ca' so'maxare ỹaanem quiyim naqat ca'maxare dá'maq chi lca'laxa sqaica ca lqodoc.

Efesios 4:22

Ca quedá'maq shi'gue 'ñiitari' quen, ca' lachii só'maq 'auaxaic no'ueenataxaguii ma' se ỹa'maxañi, chaqai qaỹachichiguiñi, ma' queeta'pegue' da lamaanaxanqachic quena se no'uen.

Efesios 5:12

Ma' ỹo'uet da nayiloxo quiyim chi qaỹa'xat dá'maq ỹo'ueetetac ỹoxotetañi na'maxare.

Efesios 5:7

Ca' vichiguiño' se lapohita'guit ná'maq 'neetari' dajo.

Colosenses 1:12

chaqai 'ỹaañitacot da na'aachicyaxaguii ñi qota'olec, ma' ñi'maxare ỹa'maxatetañi ỹaanem cá'maq ỹachaxantac ná'maq lalamqateripi ma' ỹovita quiyim seuqataugui cá'maq lauaq ñi'maxare.

1 Tesalonicenses 5:7

Quená'maq laq, laq quiyi pe, chaqai ná'maq quiñiuguet, lquiñiuguetaxaqui yi pe.

2 Tesalonicenses 3:14

No'm 'ue ca se na'xaỹaxana da qara'qaatec hueetalec najo qoderecse lere, ca ỹaatqajam na'ijñii'tegue ca'maxare. Ca' ime, ca se naqachiiguit, qaiyi nayiloxon ca'maxare ma'le.

2 Tesalonicenses 3:6

Qamiri qarqaỹa', saqataxalo qamiri quiyim noỹoochiuec quecanchaqaica qarqaỹa quiyim se nqo'ta ro'ueenataxan, chaqai quecá'maq sqai quelec da qarapaxaguinataxanaxac saanqaima qamiri.

1 Timoteo 5:20

Qam cá'maq queetalec sqai ỹaxanñi da leualoxonqaishic, ca' ca'maxare ỹaatqajam taqaira'a, 'qaatac nqai'ñi' ná'ogue na liỹaripi, qaiyi ỹa'den no'chi.

1 Timoteo 5:22

Mesqai chaqa'ma' coñira'a cá'maq viraque la'gaxala' ná'maq mashic icoñiguit da na'qaatec, 'neeto' lliquirau'a ca lasauaxaset ca liỹa. Ỹaatqajam richilliralta' quená'ogue na se ỹa'maxañi.

1 Timoteo 6:5

chaqai da napetaxanaxac qaica ca lqodoc. 'Eda da 'neeta na qomyipi quiyim mashic tot ỹalamaq da la'deenataxanaxac chaqai tot ỹa'den dá'maq ỹaatqajam lliqueta, ma' na'maxare 'neetapega quiyim chicqaugui da re'qoochigui nesallaxa quiyim icoñiguit da na'qaatec. Noỹoochirec ma'le quená'maq qom 'neetari' dajo.

2 Timoteo 3:5

Na'maxare qaidaata quiyim 'naac queetalec da na'qaatec, qam se icoñiguit cá'maq ỹaatqajam lquesaxanaxa da'maxare. Ca' 'ena ná'maq rovichisa'a ma'le.

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Tito 2:15

Ca' dajo dá'maq paxaguinataxañitegue. 'Ñaaqataxañisac chaqai se ro'chiralec quiyim lamqataxañi', qaiyi qaica ca napacalec qami'.

Apocalipsis 18:4

Ca na'le, ca' sa'xaỹaque so liỹa na'qaatec 'maqot na piguim, 'naac: —Oquii'e najo na'a' lodegaxat qamiri ma' qamiri ỹalamaxarete', qaiyi sqa lliguiu'a da lasauaxaset, chaqai se ỹovire'galo qamiri ca nqa'viic.