Efesios 5:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Reuogoxoỹa'pegue' quiyim 'yiiñii ca leloxoỹaxac cá'maq ỹa'maxarenta so qara'gaxala'.

Efesios 5:10 Iomraidhean Croise

Salmos 19:14

'Maxariñite' naua ỹa'qaatqa chaqai naua ỹa'deenataxanaxaco, qami' qarashi, i'guenaxala' chaqai ica'laxaqui.

Isaías 58:5

¿'Ñiitapego' quiyim ca yqo'ta qopaaqataxac taỹaugui quiyim ỹahotaque ca le'xoric, chaqai quiyim nanaxañi nqai'en ñi lqahic 'ec aca na'uaate chaqai quiyim nenanñi queeta'anto caua loho ne'xoyaxaqui' hueetañigui ca lo? ¿Chaqaido' dá'maq 'ñiỹac qopaaqataxac chaqai ñi qara'gaxala' nqo'ta sojo na'xa'a?

Romanos 14:18

Cá'maq 'neetari' dajo quiyim ro'ueenataxanot so Cristo, ca' qaỹa'maxarenta quiñi qota'olec chaqai quena qomyipi.

Filipenses 1:10

chaqai 'yiiñii nca'aiua'a cá'maq ỹaatqajam ỹa'maqachiguiñi. Qaiyi ỹaatqajam co'teeta da nachaalataxaguii, qaiyi qaica ca 'ue ca lasauaxaset ma' novi' so Cristo.

Filipenses 4:18

Ma' ỹim mashic shi'gue paguec ana secoñiguit quecá'maq ñotauanaxac quet, ca cá'maq qanela' na'le queso Epafrodito aso'maxare ỹaatqajam nalau'a ná'ogue ná'maq souentaque. Ca' sojo rotaanaxanqachii aso'maxare 'nejem ca nichiinaxanaxat lo'daxaraic lahita quiyim qaỹavigaxat, ca' qoỹaanot ñi qota'a, ca ỹa'maxarenta ñi'maxare.

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

1 Tesalonicenses 5:21

Qam 'guiñii ná'ogue, ca cá'maq ỹa'maqachiguiñi, ca' chaqaica cá'maq 'maxachii.

1 Timoteo 2:3

Ca' dajo qanqouagaxainaxac ỹaatqajam chaqaida leloxoỹaxac, ca' ỹa'maxarenta ñi qota'a ñí'maq qarca'laxaqui.

1 Timoteo 5:4

Qam no'm aca pa'ỹe 'ue ca llaalec loqo'm laual, ca' caua'maxare ỹa'auaxane' idaandelec da chi no'ueenataxague', chaqai quiyim ỹotauane' ca chi lauote' le'ec, ỹo'leenta'a dá'maq notauanaxac quecaua leta'al, ma' dá'maq dajo dá'maq ỹaatqajam no'uen chaqai nqo'ta ñi qota'a.

Hebreos 12:28

Da lo'ueenataxanaxac ñi qota'a quiyim ỹoiquentac ná'ogue najo, dá'maq ỹaanema qomi', chaqaida dá'maq se qaishit qaidaxan. Ca saanqatecshiguim da qana'aachic quedajo, chaqai semaqachinqatac ñi qota'a, ñañaanqa'tot, sa'deenqatapega cá'maq ỹa'maxarenta.

1 Pedro 2:20

Ma' no'm qamiri 'ue ca 'viichii se no'uen, ca' chaqaica ca ñiichigui quiyim qaỹo'uet ca nouaxanaxashichii, ca' sqaica quet cá'maq 'negue quiyim na'ñaxachiita'piguit. Qam no'm 'ue ca re'xoriguii quiyim 'viichitac cá'maq ỹa'maqachiguiñi, ca' na'ñaxachiguit, ca' dá maxasa' ỹaatqajam ỹa'maxarenta ñi qota'a.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

1 Samuel 17:39

Co'na' ime, ca' so David que'eenaho so lecat queso nosaataxaqui, ca' i'guen. Qam ma' sqai naỹa'gue sá'ogue so'maxare, ca 'naaco' queso Saúl: —Ỹim se seshit sañiñi naua'maxare, ma' se sanaỹa'que. Ca' saua'que naqate'.