Efesios 4:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca ¿negue' cá'maq reloqo'tegue cá'maq 'naac dá'maq “taashiguim queda piguim”? Dajo 'naac so'maxare nenojño' na'le quenajo paguec pa'aañi quena 'laua.

Efesios 4:9 Iomraidhean Croise

Génesis 11:5

Qam ñi qara'gaxala' renotec ỹa'ajan ca na'a' chaqai aso naue ỹo'ueetetac so qomyipi.

Salmos 139:15

Mesqaida quiyim se re'xogui quet dá'maq lqo'naxac na ỹoshicmaxa, ca dá'maq se re'xogui na' qaya'maxatetegueñi, na' qayo'ueetetac ỹaatqajam spa'ỹaañom quena 'laua.

Salmos 63:9

Ná'maq ỹahotaque yalauat ta'ñigui ma'le aca napal lahi';

Salmos 8:5

Ma' sham nalo'chiguit nqai'ñi' qami' na'le, chaqai 'ỹaañitem quiyim qaimaqachin chaqai da lichoxoric,

Éxodo 19:20

Ca' ñi qara'gaxala' nqo'ñi'ña na lo'lo ada qa' ladocai Sinaí. Ca 'naapega so Moisés quiyim nqo'ñishi'ma yi'maxare. Ca' so Moisés nqo'ñishiguim.

Ezequiel 31:14

Chaqai tot qaca aca liỹa qo'paq, 'eno'm hueeto'ot ca huaxaỹaq, tot nqo'in da llaxataxa 'nejem aso'maxare. 'Eno'm ỹaatqajam ỹaquiteto'ot, qam se ỹovijshi'ma na naueguelec, chaqai tot ladoc. Ná'ogue taỹa'a quiyim ileu, ca ta'ña yi pa'aañi quena 'laua, ca lapooguit ná'maq mashic hueetañigui ana lahi'.

Mateo 12:40

Ma' dá'maq 'neeto' na'le so Jonás co'na' hueetagui na lauel so nallin lodegaxat tres na'xata' chaqai tres piri, ca' chaqaida 'neeta ma'le najo ỹale llaalec hueetaugui ma'le na lauel na 'laua tres na'xata' chaqai tres piri.

Juan 20:17

Ca' so Jesús 'naaco' caso'maxare: —Yayaxañirec, ma' ỹim saqa' shicpegue' yi neetashi'me ñi ita'a. Qam mo'e', 'qaataxañitalo caua ỹapaxaguinatqa ỹaqaỹa' quiyim saigue da neeta'gue ñi ita'a, ñí'maq qataa'i qai'neeta, ñí'maq qota'olec caỹim chaqai caqamiri.

Juan 3:13

Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 6:33

Ma' cá'maq pan ỹaan ñi qota'olec, chaqaica cá'maq nenojñi chicqashiguim queda piguim, ca ỹaanem da lca'laxa na qomyipi.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Juan 6:41

Ca' quedajo, ca so judioipi queeteguelec so Jesús quedá'maq 'naac quiyim 'naac: “Ỹim chaqaỹim ná'maq pan chicqo'ot na piguim.”

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Juan 6:58

Ỹim sa'xatetac so pan chicqo'ot na piguim. Najo pan mesqai 'nejem so maná só'maq ỹa'gue' saua 'auaxaqa reta'allii, qam qaiyiita ileue'. Qam cá'maq ỹa'ic najo pan, ca' tot ileu.

Juan 6:62

¿Negue' quet ca 'ñiita queta' huañishi'megue najo ỹale llaalec pilshiguim quedá'maq shi'gue neeta'gue?

Juan 8:14

Ca' so Jesús 'naaco': —Dajo ỹa'qaataxanaxac ỹaatqajam 'ue da 'negue, 'eno'm chi ña'xateteguelta'. Ma' sa'den dá'maq sachicqa'gue, chaqai cá'maq saỹa'gue. Qam qamiri sqa 'yiiñii cá'maq sachigoxogue, chaqai cá'maq saỹa'gue.

Hebreos 2:7

Ca' chaqai cocho'qui' nqo'ñiichiguiño' na'le nqai'ñi' quena nelaatqaipi piguim laseripi. Qam ñi'ragui da lecaic chaqai da lemaqachic, chaqai 'ỹaañitem da lquesaxanaxa quiyim reloxoỹa'a ná'ogue ná'maq ro'ueenachiqui'.

Hebreos 2:9

Qam qomi' seuanaxa so Jesús só'maq ñi qota'a paguec nqo'ñiichiguiñi nqai'en quena lelaatqaipi piguim laseripi, qam se ladoguec. Ca quedá'maq le'xorenataxanaxa ñi qota'a, ca ỹo'uet quiyim ileualec ná'ogue; ca' nagui qoỹanagui da lecaic chaqai da lemaqachic, ma' ỹovirau'a da le'xoric na' ileu.