Efesios 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ 'oonoqui' ñi qota'a ñí'maq leta'a ná'ogue. Ñi'maxare ỹomatalec ná'ogue najo, chaqai ro'ueenataxantapouguilo qomá'ogue, chaqai qomá'ogue ỹalequetauguilo.

Efesios 4:6 Iomraidhean Croise

Génesis 14:19

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;

Salmos 95:3

Ma' ñi qara'gaxala' chaqaiñi ñi qota'olec lodegaxat, chalego lecaic lashi ná'ogue na nashiilqaipi nqolaquipi.

Isaías 63:16

¡Qami' ná'maq qami' qareta'a! 'Eno'm so sachigoxosoxougui Abraham 'ec ỹora'alo nqai'ne' qomi', chaqai so laual Israel se ỹo'leenta'alo qomi', qam qami' qara'gaxala', qami' ná'maq qami' qareta'a; chaqai shi'gom se neme quiyim 'ootaxañiseguelgoto qomi'.

Malaquías 2:10

¿Ca mesqai 'oonoqui'o' cá'maq sachigoxosqaugui qareta'a, ca chaqaiñi ñi qota'olec ñí'maq qomá'ogue qomi' lo'ueenatqaipi? Ca' ¿chi'negue ma' chi ñayinqatecta', ca' seualaxainqatac da 'deenaxac ỹo'ueeto' na'le ñi qota'olec queso 'auaxaic qareta'allipi?

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Mateo 6:9

Ca ma' nqouagaxaiñii, ca 'ñiỹaco'sa': Qami' qota'olec ma' ñiiso'ot na piguim, qaimaqachin dá'ogue da qadeenaxachi'.

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

Juan 17:26

Mashic sa'deenaxanaxaneguelo qami' naua'maxare, qam qaiyiita shiquetalec sa'deenaxanaxanta'peguelo, qaiyi dá'maq re'xorenataxanaxa'e' caỹim hueetauguilo naua'maxare, chaqai quiyim ỹim seuetauguilo naua'maxare.

Juan 20:17

Ca' so Jesús 'naaco' caso'maxare: —Yayaxañirec, ma' ỹim saqa' shicpegue' yi neetashi'me ñi ita'a. Qam mo'e', 'qaataxañitalo caua ỹapaxaguinatqa ỹaqaỹa' quiyim saigue da neeta'gue ñi ita'a, ñí'maq qataa'i qai'neeta, ñí'maq qota'olec caỹim chaqai caqamiri.

Romanos 11:36

Ma' ná'ogue nanchaqaina chicqo'ot ñi qota'olec, chaqai chi lo'ueenatqaipi ñi'maxare, chaqai chi lalamaxareteripi. Ca vichiguiño' ¡se neme semaqachinqatac ñi qota'olec! Ajá'a, chaqaida 'neeta dajo.

1 Corintios 12:6

Chaqai sqai dá'ogue da leloxoỹaxac da lo'ueenataxanaxac na qomyipi, qam chaqaiñiita ñí'maq qota'a ñí'maq ỹo'uet quena' ỹo'ueenataxanaxan na'maxare.

1 Corintios 8:6

Qam qomi' sa'deenqata quiyim 'oonoqui' ñi qareta'a, leenaxat qota'olec. Ñi'maxare ỹo'uet ná'ogue nanchaqaina chaqai ỹa'vii qomi', ca' qomi' lalamaxarete'. Chaqai 'oonoqui' so qara'gaxala', leenaxat Jesucristo, só'maq ñi qota'a ỹachigoxochichigui ná'ogue ná'maq hueetalecna, chaqai vire'talo qomi'.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Efesios 1:21

ca' pa'xanashiguim napacalec nqai'en ná'ogue na nquesaxanaxa, ná'maq relaataxanac, nashillipi, na'gaxalateripi hueeto'ot na piguim, chaqai ná'ogue ná'maq 'ue ca qaỹamata'gue, quenauá'maq seuqatauguilo na'xata', loqo'm quenaua naasaho na'xata'.

Efesios 2:22

Ca' qaican ỹapaguec caqamiri quiyim na'yiitau'a so Cristo, ca lapohiguit ná'ogue na liỹaripi, chi ỹovireta'a quiyim 'ec qamiri 'imec. Ca' neetaugui ñi qota'a queso Espíritu Santo.

Efesios 3:17

qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

Efesios 6:23

Ca' ñí'maq qota'olec chaqai so qara'gaxala' Jesucristo ỹaanem na qarqaỹaripi da na'maxa chaqai da ne'xorenataxanaxa, liỹaata nqai'en da npi'ỹaxac.

Deuteronomio 6:4

Ñaq na'xaỹaxañii, qamiri Israel llaalqaipi: Ñi qara'gaxala' qota'olec coqomi', ñi'maxare qaiñiita qara'gaxala', qaica ca liỹa.

1 Juan 3:24

Ná'maq na'xaỹaxane'talo naua naqataxaco, ca' na'deetau'a ñi'maxare, chaqai ñi'maxare na'deeta'guita caua'maxare. Sa'deenaq quiyim ñi'maxare hueetauguilo qomi', ma' ñí'maq ne'Espíritu ỹaanema qomi' qara'deenaxanaxan.