Efesios 4:5 - La'qaatqa ñi qota'olec Qota'olec & Qota'olec Novita Na Qomyipi

⁵ 'Ue so 'oonoqui' qara'gaxala', 'oonoqui' da npi'ỹaxac, 'oonoqui' da chilaxac,

Efesios 4:5 Iomraidhean Croise

Zacarías 14:9

Ca' quecajo na'xa'a, ca' ñi qara'gaxala' ỹoiquentac ma'le ná'ogue na 'laua. Ca ma'le, ca' qaiñiita ñi qara'gaxala', chaqai qai'neeta qanodaqajantec da leenaxat.

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

Hechos 2:36

Ca ná'ogue na Israel laseripi ỹaatqajam ỹa'deenta quiyim so Jesús só'maq qamiri pachiñiho, ca' chaqaiso só'maq ñi qota'olec ỹanagui quiyim qara'gaxala' chaqai nashi nca'laxaqui.

Romanos 3:30

Ma' qaica quet cá'maq liỹa qota'olec. Ca' chaqaiñi ñí'maq qota'olec ñí'maq icoñi'chiguit ná'maq 'ue ca lpi'ỹaxac, se ipacaque quiyim 'ue ca netanec na loshicmaxa, loqo'm 'e'.

1 Corintios 1:13

Qam shinac: ¿peeta'a neuagaxata'chi so Cristo? ¿Loqo'm ỹim qaypatenalgoto qamiri? ¿Loqo'm qarachilaxanataxana caqamiri na'le da ỹeenaxat?

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

1 Corintios 12:13

Ma' qomi' 'eno'm qomi' judío lase', loqo'm sqai judío lase', loqo'm qomi' nelaatqa, loqo'm sqo qomi' nelaatqa, qam na' qanachilaxane' qomi', ca 'eco' qarenocau'a so 'oonoqui' noshicmaxa chicqochigui so Espíritu. Chaqai qomá'ogue 'ec qane'taxanguilo só'maq 'oonoqui' Espíritu Santo.

1 Corintios 12:5

Chaqai ỹoreta'oguit na leloxoỹaxac quiyim qaro'ueenataxanot so qara'gaxala', qam 'oonoqui' só'maq so'ueenataxanqatacot.

1 Corintios 8:6

Qam qomi' sa'deenqata quiyim 'oonoqui' ñi qareta'a, leenaxat qota'olec. Ñi'maxare ỹo'uet ná'ogue nanchaqaina chaqai ỹa'vii qomi', ca' qomi' lalamaxarete'. Chaqai 'oonoqui' so qara'gaxala', leenaxat Jesucristo, só'maq ñi qota'a ỹachigoxochichigui ná'ogue ná'maq hueetalecna, chaqai vire'talo qomi'.

2 Corintios 11:4

Ma' qamiri ỹaatqajam na'ñaxachiiguit ná'maq ỹoviretape'ogalo qamiri ỹa'xatetac ca liỹa Jesús sqai 'nejem só'maq sa'xatqatac qomi', chaqai livillii'chiguit só'maq ỹoqa'a espíritu quesó'maq shi'gue coñiguit, chaqai da na'qaatec ỹoqa'a quedá'maq na'qaatec chicqaugui da nca'laxa shi'gue 'xaitapega.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Efesios 4:13

chi ỹovireto'o' ma' qomá'ogue lapoỹata' da qarpi'ỹaxac chaqai quiyim sa'deenqata so llaalec ñi qota'a. Ca shinqatari' ca mashic ỹi, vire'to' ma' 'ec qaraloxoua so Cristo.

Filipenses 2:11

chaqai qaiyi ná'ogue ỹa'deena'a chaqai 'naac quiyim so Jesucristo ỹaatqajam na'gaxala', quiyim qaimaqachin ñi qota'olec.

Filipenses 3:8

Qam mesqaidaata dajo, ma' ná'ogue ná'maq hueeto'ot quet aỹim qaica quet cá'maq 'negue nqaishin, ma' se nalo'guit nqaishin dá'maq 'neeta quiyim seuana so Cristo Jesús só'maq ỹa'gaxala'. Ma' chaqaiso só'maq Cristo só'maq 'em quiyim ná'ogue ña'laxatañi, chaqai ná'ogue 'neetari' nqaishin ca lete, ma' sahotaque ỹaueguec so Cristo,

Tito 1:1

Aỹim Pablo, aỹim la'ac ñi qota'a chaqai aỹim lelaatec so Jesucristo quiyim sotauan da lpi'ỹaxac na lca'acseripi ñi qota'a, qaiyi ỹaatqajam ỹa'deenta na'maxare dá'maq ỹaatqajam leloxoỹaxac dá'maq llic na'qaatec qomi' seuaqlec,

Tito 1:4

Qami' Tito, shinta'gue quiyim 'ec qami' ỹaalec, ma' ỹim chicqo'ot quiyim 'ue da rpi'ỹaxaqui' dá'maq hueeto'oto qomi'. Selata qami' ana ỹerecse, ma' sahotaque quiyim coñichiguit ca qouagaxa, chaqai da ne'xorenataxanaxa, chaqai da na'maxa chicqo'ot ñi qota'olec chaqai so qara'gaxala' Jesucristo só'maq qarca'laxaqui.

Hebreos 13:7

Se couahi'e ná'maq ra'gaxalaripi ná'maq shi'gue ỹa'xatema qamiri da la'qaatec ñi qota'a; 'yiiñitapega dá'maq chicqochigui da nachaalataxac chaqai denaxachiichigui dá'maq 'neeta da lpi'ỹaxac.

Hebreos 6:6

ca najo qomyipi, no'm liỹa pilac inoxonec, ca' tot ishit liỹa netogochigui lauel nqohin, ma' chaqaina ná'maq liỹa patentapego so llaalec ñi qota'a chaqai nachaxanta quiyim i'neetac.

Santiago 2:18

Qam no'm 'ue ca 'naac: “Qami' 'ue da rpi'ỹaxaqui', qam ỹim 'ue da ỹo'ueenataxanaxac ỹa'maqachiguiñi.” Qam ỹim shinac: “Ñigo' chaxañitem aỹim ca rpi'ỹaxaqui', quiyim qaica ca ỹa'maqachiguiñi ro'ueenataxanaxaqui'. Ime, ca' ỹim sachaxanem qami' dá'maq ỹa'maqachiguiñi ỹo'ueenataxanaxac chicqochigui da ipi'ỹaxac.”

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

Judas 1:20

Qalaxam qamiri ñauochaxaua' ỹaqaỹa', ỹaatqajam quiijlec dá'maq no'uen napaxaguinataxaguii viilec na'le. Nqouagaxaiñii queda lquesaxanaxa so Espíritu Santo.

Judas 1:3

Qamiri ỹaqaỹarolqa, ỹaatqajam 'xoic da shinta quiyim shiriñi dajo caqamiri queda qarca'laxa hueeto'oto qomi'. Qam nagui, ca' seuana quiyim ỹouen shiriñi dajo caqamiri quiyim ñi'xoresentouguilo quiyim se neme loguilgoto daua qanapaxaguinataxaco dauá'maq mashic qoỹaanem ná'ogue ná'maq lalamaxareteripi ñi qota'a.