Efesios 4:32 - La'qaatqa ñi qota'olec Qota'olec & Qota'olec Novita Na Qomyipi

³² Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Efesios 4:32 Iomraidhean Croise

2 Samuel 7:21

Ná'ogue ná'maq 'viichi' chalego loyac, ca' chaqaina ná'maq vi'saque chaxañi' qaiyi sa'den.

Jeremías 38:12

Ca' 'naapega: —Lli'ro'oto naua rishaaqatquichi', qaiyi se rcoñirqachichi' na ñic. Ca' so Jeremías chaqaida 'ne'tegue.

Mateo 6:12

Chaqai palaxachi' ca qarasauaxaset, chaqai 'nejme' qomi' sapalaxataq cá'maq se no'uen qohine'teguelo qomi'.

Marcos 11:25

Chaqai ma' ñaq nqouagaxaiñitac, ca no'm 'ue ca 'ue ca ỹasauaxat caqamiri, ca' sqo quiỹapeguem. Ta'ta'a quiyim 'xoriñii, qaiyi ñi qota'a ñí'maq viilec neeto'ot na piguim sqai caapeguem ca rasauaxashichii.

Lucas 1:78

Ma' chaqaida dá'maq le'xorenataxanaxa chaqai dá'maq lqouagaxa ñi qota'olec quiyim ỹa'uo' ca chicqo'ot nqai'en na piguim quiyim ỹaanema qomi' ỹahotaque quiyim coỹarelec ca dalaxaic na'xa'a,

Lucas 11:4

Chaqai palaxachi' na qarasauaxaset, ma' qomi' qai'neeta sapalaxataq ná'ogue ná'maq se no'uen ca 'neeta'pegue coqomi'. Chaqai sqa shiñichiguita qomi' ca qane'guenaxac, qaidaata quiyim 'ootaxañiseguelgoto qomi' queca se no'uen.

Lucas 17:4

'Eno'm chaqai ỹovi' siete ỹo'uet ca se ỹa'maxañi queca na'xa'a, chaqai siete rapilau'a qami' quiyim 'naapega qami', 'naac: “Nagui tot sopilalec 'ue ca so'uet se ỹa'maxañi caqami'”, ca' qami' paguec la'maxa quiyim sqo quirapeguem chaqai 'xoriñisac ca'maxare.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Lucas 6:37

Sqai michiỹaque ca lasauaxaset ca riỹahi, qaiyi ñi qota'olec se imite' qamiri. Chaqai sqo 'viichii ca nouaxanaxaset ca riỹahi, qaiyi ñi'maxare se ỹa'ue ca nouaxanaxashichii. Qam 'xorenataxaño', qaiyi ñi qota'olec i'xorene' qamiri.

Hechos 28:2

Ca ná'maq chi la'a'yi qomyipi ỹaatqajam ỹa'maxate'teguelo chaqai quelolalo qomi'. Qam ma' 'xoic ca no'oomaxa chaqai ca ỹaxat naquetañi, ca qaỹo'uet ca norec lodegaxat, ca qohinapogoxoua' quiyim ñqo'naxauo, ñitonaxauaq.

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

1 Corintios 13:4

Cá'maq 'ue ca le'xorenataxanaxa ỹaatqajam 'ñaaxaic lauel, 'naxanaxaraic, se pa'guenaxanaxaic, se napacqajnaxai, chaqai se nemaqajnaxai.

2 Corintios 2:10

Ca' nagui cá'maq palaxachii ca lasauaxaset, ỹim qai'neeta sapalaxat ca lasauaxaset. Ma' cá'maq se'xoren quiyim 'ue ca ỹasauaxat, qam se'xoren, ma' sa'deentapegalo qamiri, ca da'maxare ỹauanchigui nqaishin so Cristo,

2 Corintios 2:7

Ca' paguec la'maxa quiyim 'xoriñitac ca'maxare, palaxachii ca lasauaxaset, chaqai lo'daqaiñitac, 'neeto' caapeguem da lachicoxo.

2 Corintios 6:6

Chaqai re'oq qai'neeta nqaishinaq quiyim qomi' lelaatqa ñi qota'a quedá'maq 'maxaraic qano'ueenataxac, quiyí'maq qara'deenaxanaxa quedá'maq lliqueta, queda qareualaxavic, chaqai da qarqouagaxa, quedá'maq quiyim hueetauguilo qomi' so Espíritu Santo, chaqai dá'maq ỹaatqajam nachinchiguiñi qare'xorenataxanaxa,

Efesios 5:1

Ma' mashic qamiri llaalqa ñi qota'a, ca' ỹaatqajam nquipichiỹa'pegue' quiyim 'ñiita ñi'maxare.

Santiago 5:11

Ma' qomi' sa'deenqata quiyim ỹaatqajam chalego la'maxa queca qom, ma' ca'laxatauec ca ne'guenaxac. Qamiri mashic 'xahitapega da 'neeto' da leualaxavic so Job, chaqai mashic 'yiiñii dá'maq 'ne'teco' ñi qara'gaxala' queso'maxare co'na' ca'laxatauec da ne'guenaxac, ma' ñi'maxare ỹaatqajam huagaxaraic chaqai 'xorenataxanaxai.

2 Pedro 1:7

ca' queda nañaanaxaguii quiñi qota'a, ca' rqo'chiỹata' quiyim qamiri nqaỹa'; ca' queda nqo'iichi, da ne'xorenataxanaxa.

1 Juan 1:9

Qam no'm sa'xataxe' naua qarasauaxasete', ca' spi'ỹaaqa'a ñi qota'a quiyim ishit ỹo'uet ca ỹa'maqachiguiñi, ca ñi'maxare ishit ỹapalaxat na qarasauaxaseteripi chaqai qarco'taxat quená'ogue na se no'uen.

1 Juan 2:12

Qamiri ỹaalqolqa, selatalo qamiri ana ỹerecse, ma' ñi qota'a mashic ỹapalaxate' caua rasauaxashichiri, quedá'maq ỹo'uet so Jesucristo.

Rut 2:20

Ca' aso Noemí 'naaco': —¡Ñi qara'gaxala' ỹaanem ma'le da lqouagaxa ca'maxare! Ma' ỹaatqajam 'ue da lqouagaxa coqomi', 'nejem nqai'en da no'ueenataxac so 'auaxaic qomyipi mashic shi'gue sou. Cajo ỹale chi lauo' le'ec so Elimelec, vichiguiño' chaqaica cá'maq ishit quiyim cochiỹalo qomi'.