Efesios 4:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

Efesios 4:31 Iomraidhean Croise

Génesis 27:41

Ca' queco'na'le, ca' so Esaú noquii'a so Jacob sauaxat da nqouagaxa qoỹaanem queso leta'a. Ca ra'deenataxantac, ca 'naaco': Mashic tot qaỹaloq ime ñi qareta'a, ca ma' ỹovita da lqodoc. Ca ma'le, ca' salauat ñi ỹaqaỹa Jacob.

Génesis 37:21

Ca co'na' 'xaỹa dajo so Rubén, ca ỹahotaco' ro'ootaxanlec quesaua lqaỹa'. Ca 'naaco': —'E', se salauatqo'.

Génesis 37:4

Qam saua lqaỹa' co'na' retane' quiyim só'maq leta'a' paguec nqo'ta quesaua'que saua'maxare, ca' qanoquii'a chaqai vire'ta tot qaiquin.

Génesis 4:8

Ca 'uo' so na'xa'a, ca' so Caín ỹauec so lqaỹa quiyim ỹouoỹa'pe. Ca co'na' mashic hueesalec yi no'ueenaxa, ca' so Caín i'guentalec so lqaỹa Abel, ca' ỹalauat.

2 Samuel 19:27

Qam so'maxare ỹaatqajam se no'uen dá'maq imaxalec aỹim quiyim ra'qaataxanem qami' ỹashi. Qam qami' ỹashi 'ñiisari' ca qota'olec lelaatec piguim le'ec. Ca' vichiguiño' nagui, ca' 'viiquiñi'sac cá'maq 'ñiisa'gue cá'maq 'viichi'.

Salmos 15:3

cá'maq se ỹa'xat ca se no'uen queca liỹa; cá'maq ỹaqamaxateta ca nauochaxaua chaqai se ỹo'ooqochit ca sqoỹoqaque queca la'a';

Salmos 50:20

Ca' naqaisac ca rqaỹa'e'; ¡sqai 'maxachira'gue cá'maq ralamaxarichi' rqaỹa'e'!

Proverbios 25:23

Quena nonot chicqa'gue da rapiguim chicqaugui na ỹaxat, chaqai naua se no'viiñi na'qaatqa chicqochigui da se no'uen nashicyaxac.

Hechos 21:30

Ca 'ue da la'aaxa quiyá'ogue yi neeta'ñi yi na'a' lodegaxat, ca ne'guentagui. Ca co'na' ỹoviriri', ca sá'ogue ỹaconeu'a so Pablo, qaỹahoglene'oguiyi pa'aauec quiñi no'ueenaxanaxaqui, ca chaqa'ma' qaỹapoguilo ñaua lasomi'.

Romanos 3:14

Quena' retaqa, qaidaata quiyim chi ỹayinta'a quiyim qaỹa'ue ca nouaxanaxaset ca liỹa, qaica ma' lo'yaxanec quet ca ỹa'xatetac.

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.

1 Corintios 5:8

Vichiguiño' quiyim soqolqata'pegue' ñi qota'a, no'uen quiyim qolqata'gue da 'chichiguiñi ñicyaxac chaqai da ỹaatqajam lliqueta leloxoỹaxac da na'qaatec, dá'maq 'nejem aca naqaulata qaca aca lalequete. Se ishit quiyim qolqatalec da se ỹa'maxañi chaqai se no'uen, ma' da'maxare 'nejem aca ñauapec nalequetenaxanqate.

2 Corintios 12:20

Ma' ỹim 'ue da itelaxa quiyim ma' sovitalo qamiri 'neeto' lotqai sqai 'ñiitari' dá'maq sahotaque quiyim 'ñiitari' quet, chaqai 'neeto' ỹoqa'a ca shintari' ma' huañiua'. Ma' 'ue da ỹoqolonaxa quiyim ñaqai hueetauguilo qamiri quiyim se na'yiiñiỹata', npa'guiñita'ta', 'ohita'ta', na'aavitegueshiguim, la'axaqa lo'o', novirqataxanaxac, maqajnaxac, chaqai sqaica ca 'maqataxac.

Gálatas 5:20

chaqai nqouagaxaintacot na nqolaquipi, chaqai 'naxanaxai, chaqai da lauelgaxanaxac, lapetaxanaxac, chaqai da lco'ualaxanaxac, sqo ỹoxo'ña lauel, 'ue da naquitete'e quiyim 'ue ca ỹo'uet, chaqai lapoonta' na qomyipi quiyim ỹoỹoota'chi.

Efesios 4:22

Ca quedá'maq shi'gue 'ñiitari' quen, ca' lachii só'maq 'auaxaic no'ueenataxaguii ma' se ỹa'maxañi, chaqai qaỹachichiguiñi, ma' queeta'pegue' da lamaanaxanqachic quena se no'uen.

Efesios 4:25

Ca' vichiguiño' nagui 'xañiñi ca na'majnaxaguii. Ca' quiñi 'óna ỹaatqajam lliqueta cá'maq ỹa'xat queca liỹa, ma' qomá'ogue 'ec ña'daqatau'a so 'oonoqui' noshicmaxa.

Efesios 4:26

Chaqai no'm 'ue ca ro'o, qam se ỹa'ue ca lasauaxaset; chaqai cajo lonogoxonaxac sqai queugui nqai'en cá'ogue ca na'xa'a.

Colosenses 3:19

Chaqai qamiri ỹalliripi mashic 'ue ana rouahi, ca' 'xoriñii aca rouahi, ma' se no'uen quiyim sqa 'maxachiỹa'gue.

Colosenses 3:8

Qam nagui 'xañiñi ná'ogue najo: nonogoxonaxac, nayiloxoc, ná'ogue na se no'uen, no'ooqotaxanaxac, chaqai naua na'qaatqa la'axaqa.

1 Timoteo 3:11

Chaqai aca 'aalo qai'neeta ỹaatqajam no'uen da na'qaataxac. Mesqai la'axaqa lo'o', chaqai sqa ỹaaquioxoi, chaqai ỹaqamqata quená'ogue na lo'ueenataxanaxac.

1 Timoteo 3:3

Chaqai mese ne'taaxai, chaqai mesqai 'aueteguelec ca lauelgaxanaxac. Chaqai mesqai queetalec quiyim imitete'e aca lauegue. Ta'ta'a quiyim huagaxaraic, chaqai hualaxauaic, chaqai se imitete'e aca lauegue plata.

1 Timoteo 5:13

Vireta'a quiyim queetaguilo naua 'imqa, ca ỹovireta'a quiyim hualai. Chaqai mesqaidaata quiyim hualai, qam qai'neeta la'axaqa lo'o', chaqai nishitaxai, chaqai ỹa'xateta'pe nauá'maq tot ỹa'machiñi.

2 Timoteo 2:23

Chaqai se na'xaỹaxañita na co'uaxaquipi, ma' qaica ca 'negue. Chaqai mashic 'yiiñite' na'maxare ma' chicqaugui da napetaxanaxac.

2 Timoteo 3:3

Ma'le, ca' se re'xorenataxan, chaqai se ỹauotegue ca liỹa, chaqai la'axaqa lo'o', se netelalta', chaqai qa'uaic, chaqai ỹaatqajam npa'guenaxaua dá'maq ỹa'maqachiguiñi.

Tito 1:7

Ma' cá'maq qaipataxalec quiyim idaanlec ná'maq mashic icoñiguit da na'qaatec, ca idaanlec ná'ogue ná'maq lo'ueenataxanaxaquipi ñi qota'a. Vichiguiño' ỹouen quiyim ỹa'maxate'tegue da nachaalataxac. Se ỹa'maxañi quiyim que'guenataxanaxai, chaqai sqai nocqaic, chaqai se ne'taaxai, chaqai se idaante'e quiyim retaxaỹa'pegue' ca liỹa, chaqai sqai queetalec quiyim imitete'e aca lauegue.

Tito 2:3

Qai'neeta 'ñirapega ná'maq 'aalo qo'xoi quiyim ỹaatqajam ỹaỹajanta da llicyaxac quiyim queeta'pegue' ñi qota'a. Chaqai se la'axaqa lo'o', chaqai se ne'taaxai. Ta'ta'a quiyim ỹachaxan da no'uen 'ueenataxac

Santiago 1:19

Vichiguiño' qamiri ñauochaxaua' ỹaqaỹa', quiñi 'óna caqamiri icona quiyim ỹaatqajam na'xaỹaxan, qam mese na'auashiguim retaqa, chaqai mesqai chaqa'ma' ro'o.

Santiago 3:14

Qam no'm 'ue caqamiri ca hueetagui añi le'taxanata ca lauelgaxanaxac chaqai quiyim 'ue ca naquitetaque, ca sqa taiguit quiyim nemaqajan queda la'deenaxanaxa, ma' no'm 'neetari' dajo, ca chi rayinaxantac chaqai se icoñiguit dá'maq lliqueta.

Santiago 4:11

Qamiri ỹaqaỹa', 'neeto' 'ue ca ỹa'xat ca se no'uen queeteguelec ca liỹa. Ma' ca se no'uen ca ỹa'xat queca lqaỹa, loqo'm ỹiquetapigui ca lasauaxaset, ca'maxare se no'uen da ỹa'xat quena naqataxaquipi chaqai napaqueteguelec. Chaqai no'm qami' michi'sac na naqataxaquipi, ca 'nejem qami' cá'maq imitac na nasauaxaset, qam se na'xaỹaxañita na naqataxaquipi.

1 Pedro 2:1

Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.

1 Juan 3:15

Ná'ogue ná'maq ñaq noquiaatapega ca lqaỹa, lauataxanaxai. Chaqai qamiri 'yiiñita queca lauataxanaxai sqai hueetagui añi le'taxanata ca nca'laxa sqaica lqodoc.

Apocalipsis 12:10

Ca na'le, ca' sa'xaỹaque so chalego lelamaxa na'qaatec 'maqot na piguim, 'naacsa': —Mashic novi' da nca'laxa, chaqai da nquesaxanaxa quiyim ỹoiquentac ná'ogue najo ñi qota'olec, chaqai da lelaataxanaxac só'maq nela' nashi nca'laxaqui. Ma' mashic qaỹo'da'oguiyi só'maq inaqateguelec na lasauaxaset na qarqaỹaripi, só'maq naua'que naua na'xata' chaqai naua piri reloqoto'ot ñi qota'olec.