Efesios 4:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' vichiguiño' nagui 'xañiñi ca na'majnaxaguii. Ca' quiñi 'óna ỹaatqajam lliqueta cá'maq ỹa'xat queca liỹa, ma' qomá'ogue 'ec ña'daqatau'a so 'oonoqui' noshicmaxa.

Efesios 4:25 Iomraidhean Croise

Salmos 15:2

Chaqaica cá'maq qaica canchaqaica lo'maxaset chaqai ỹo'uet ca ỹa'maqachiguiñi; chaqai cá'maq ỹa'xatetac ca lliqueta chicqotapigui añi le'taxanata;

Éxodo 23:7

'Neeto' lotqai 'isapegueu'a ca na'qaataxanaxac quiyim sqai llic, chaqai sqai 'ỹaañichiguit quiyim qaỹalauat cá'maq sqaica ca taỹapegueu'a chaqai quiyim sqaica ca lasauaxaset. Ma' ỹim sqai shinac sqaica ca lasauaxaset cá'maq 'ue ca ỹasauaxat.

Levítico 19:11

Sqo cuachii. Se na'majñii chaqai se nayiñitecta'.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Romanos 12:5

Ca' chaqaida 'neeta coqomi', 'eno'm qomi' 'xoic, qam 'oonoqui' na qaroshicmaxa ma' ña'daqatau'a so Cristo. Ca' qarenoqueta'ta', 'nejem na louenqaipi na noshicmaxa.

1 Corintios 10:17

Ca 'eno'm qomi' 'xoic, qam qomá'ogue sa'guinaq ñouanqachigui so 'oonoqui' pan, ca vichiguiño' 'ec qomi' 'oonoqui' noshicmaxa.

2 Corintios 7:14

Ma' ỹim mesqai se ya'maxañi na' shinac queso Tito quiyim ñitoonta'peguelo qamiri. Ma' dá'ogue dá'maq shinqac na'le caqamiri ỹaatqajam lliqueta, chaqai qai'neeta lliqueta dá'maq shinqapega na'le so Tito quiyim ñitoonqata'guelo qamiri.

Efesios 4:15

Ta'ta'a quiyim sa'xatqatac ca lliqueta quedá'maq leloxoỹaxac ca ne'xorenataxanaxa, qolqatalec quiyim ñaqtetauec ná'ogue nanchaqaina quiyim ña'daqatau'a so Cristo ma' chaqaiso só'maq lqahic na noshicmaxa, qam sojo noshicmaxa chaqainaua nauá'maq qomi'.

Efesios 4:22

Ca quedá'maq shi'gue 'ñiitari' quen, ca' lachii só'maq 'auaxaic no'ueenataxaguii ma' se ỹa'maxañi, chaqai qaỹachichiguiñi, ma' queeta'pegue' da lamaanaxanqachic quena se no'uen.

Efesios 4:31

Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

Efesios 5:30

ma' chi loshicmaxa. Ca chaqai qomi' louenqa sojo noshicmaxa, 'ec qomi' la'aachi' chaqai lpi'naqa.

Colosenses 3:8

Qam nagui 'xañiñi ná'ogue najo: nonogoxonaxac, nayiloxoc, ná'ogue na se no'uen, no'ooqotaxanaxac, chaqai naua na'qaatqa la'axaqa.

Colosenses 3:9

Se na'majñiỹot ca liỹa, ma' shi'gue ỹochihe'oga dá'maq 'auaxaic no'ueenataxaguii chaqai quená'maq shi'gue quen 'viichitac.

1 Timoteo 1:10

Na naqataxaquipi imit ca qom nocachita'piguit aca ỹoqa'a 'aalo loqo'm hueeta'piguit ca chi nallishiua, chaqai ca rocacha ca liỹa, chaqai quena 'maatqaiquipi loqo'm ca ỹa'xat ca i'taxajñi qam la'maachic. Na naqataxaquipi imit ỹovira'oga ná'ogue ná'maq se na'xaỹaxana ná'maq ỹaatqajam 'maxaraic napaxaguinataxanaxac.

1 Timoteo 4:2

Chaqai na'xaỹaxantapega na qomyipi sqa ỹaataxalec chaqai 'maatqaic, chaqai quedá'maq la'deenataxanaxac tot qaica ca nauataque, 'eco' mashic qaỹavigaxat queca lecat pa'e.

Tito 1:12

'Uo' so ỹale 'deenaxanqachaqaic na'ñi yi Creta, so'maxare ỹa'xat ná'maq chi lauo' laseripi, 'neetasa' da la'qaatec: “Ná'maq Creta laseripi ỹaatqajam 'maatqaiquipi, chaqai yiloxoiquipi 'ec na iseripi, quemaraxauaiquipi, chaqai hualaiquipi.”

Tito 1:2

chaqai qai'neeta ỹa'deenta da quitaxac queda chaalataxac sqaica lqodoc. Dá'maq ỹachaxantac na' saqa'leca na 'laua ñí'maq qota'a, ma' ñí se na'majan.

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.

Santiago 1:21

Vichiguiño' 'xañiỹac ná'ogue ná'maq ỹo'maqajnac ca qom, chaqai ná'ogue na se no'uen. Qaidaata quiyim ne'xorishiñita coñiguit da la'qaatec ñi qota'a, dá'maq mashic qoỹanlgoto naua re'taxanatahi. Ma' dajo na'qaatec 'ue da lquesaxanaxa quiyim nca'laxaterec qamiri.

1 Pedro 2:1

Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.

Jueces 16:11

Ca' so Sansón 'naaco': —Quiyim qaycoñi', qarcoñiitaxana ca ñaqaipi dalaxaicolec saqa' qarcoñiitaxana, ca na'laañi da iquesaxanaxa, ca' shinta ma'le canchaqaica liỹa qom.