Efesios 4:24 - La'qaatqa ñi qota'olec Qota'olec & Qota'olec Novita Na Qomyipi

²⁴ ca' ñiiñi dá'maq dalaxaic chaalataxac dá'maq ỹaatqajam chicqochigui da lo'ueenataxanaxac ñi qota'a, dá'maq ichoxot dá'maq ỹaatqajam 'maxaraic 'ueenataxac chaqai co'teeta.

Efesios 4:24 Iomraidhean Croise

Génesis 5:1

Ca' anajo aná'maq lomalate so llaalqaipi so Adán. Co'na' ñi qota'olec ỹo'uet so qom, ca chi nadenaxatalta'. Ca' ỹaatqajam chaqai 'ec da no'ueenataxac ñi qota'olec nqai'en so'maxare.

Isaías 59:17

No'viichigui da lauegaxanaxac 'ec nqai'en aca lachiima lquepaqataxanqate, ỹañigui na lqahic 'ec nado'o nqai'en da nca'laxa, no'viichigui da quiyim ỹa'ue lovi' 'ec ca napoxoqui, ca lepachigui da lonogoxonaxac 'ec nqai'en ca lapo'.

Lucas 1:75

chaqai qaiyi ỹa'maxarente' qomi' quiyim ñañaanqot ñi'maxare ma' qomi' co'teete' quenaua'que naua na'xata' queda qanachaalataxac.

Juan 17:17

Ca ỹoochira'oga ma'le na'maxare, qaiyi ralamaxarichi', chicqochigui nqai'ñi' dá'maq lliqueta; da ra'qaachiqui' dá'maq lliqueta.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

Romanos 13:14

Ta'ta'a quiyim ỹaatqajam 'goxoñiỹa so qara'gaxala' Jesucristo, chaqai totqai 'yiiñiỹapega quiyim quiitalec na se no'uen lamaanaxanqachic na roshicmaxahi.

Romanos 6:4

Ma' na' qanachilaxane' qomi', ca 'ec qaishiñiñi qomi' qariỹaachi'ñi' so Cristo, ca qareleu, qaiyi ma' liỹa qanca'laxaterec qomi', ca sanaxañi da dalaxaic chaalataxac. Ca 'nejme' qomi' ma'le so Cristo na' liỹa qanca'laxatec queso lelauaxa, ỹahote'e da lauaq da lquesaxanaxa ñi qota'a.

Romanos 7:6

Ma' qomi' loiquenatqa na'le so naqataxaquipi, qam nagui 'eco' qareleu queso'maxare. Ca' no'uene'teguelo qomi' quiyim so'ueenataxanqot ñi qota'a quedá'maq dalaxaic qanachaalataxac chicqo'ot so Espíritu Santo. Ca' mesqai só'maq ñaaue naqataxaquipi qoỹeretañi.

Romanos 8:29

Ma' ná'maq shi'gue iuana ñi qota'a, ca' chaqaina ná'maq shi'gue nca'au'a ñi'maxare, ỹahotaque quiyim 'nejem so llaalec Jesús, qaiyi só'maq llaalec nopiichi quená'maq 'xoic nqaỹaripi.

1 Corintios 15:53

Ca quená'maq qaroshicmaxa ma' 'ue lqodoc, ca' ỹouen quiyim qoỹañigui cá'maq sqaica lqodoc. Chaqai ná'maq ileu, ca' ỹouen quiyim qoỹañigui cá'maq se ileu.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 4:16

Vichiguiño' se ỹauanapega quiyim qareualtegueñi. Ma' 'eno'm na qaroshicmaxa noquiiqueta'ta' da lquesaxanaxa, qam na qara'al noquiiquetashiguim naua'que naua na'xata'.

2 Corintios 5:17

Ca' vichiguiño' cá'maq na'deetau'a so Cristo, ca' dalaxaic da no'ueenataxac; ime' cauá'maq ñaua'pe no'ueenataxaco, ca dalaxaic dá'ogue dá'maq nachaalataxac.

Gálatas 3:27

Qamiá'ogue ma' noxoñiu'a quiyim na'yiitau'a so Cristo na' qanachilaxane' qamiri, ca' quiyi, ca qoỹanaxanguilo qamiri dá'maq no'ueenataxac so'maxare, 'nejem nqohin ca re'qoochigui nooỹac.

Gálatas 6:15

Ma' no'm qomi' ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Ma' chaqaidaata da qanachaalataxac quiyim qaỹadalaxat, maxasa' 'ue ca 'negue.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Efesios 2:15

Ca' quesó'maq chi lalamaxaret loshicmaxa so Cristo, ca' lqodoc nqai'en so lelaataxanaxac na naqataxaquipi. Ca' ỹo'uet quená'maq judioipi chaqai quená'maq sqai judioipi quiyim ima'ta' 'ec neuo' laseripi, na'deu'a so'maxare. Ca' quedajo, ca' ỹo'uet da qara'maxa.

Efesios 6:11

Quepaqataxañiỹalo naua'que nauá'maq ro'goxonqachiri ỹaanema qamiri ñi qota'a, qaiyi ralohita'pegue' na layinaxanaxaquipi so na'ỹaapec.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 1:8

Qam quesó'maq llaalec, ca 'naaco': Añi nqa'xanaxagui'i' quiyim qami' qota'a, ñi'maxare qaica ca lqodoc; chaqai da ro'ueenataxanaxaqui' quiyim qami' nashi, ỹaatqajam ỹa'maqachiguiñi.

Hebreos 12:14

Nquipichiỹa'pegue' daañiỹaque quiyim huaguii'chiguit ná'ogue na qomyipi, ỹaatqajam co'teeta nqai'ñii da nachaalataxaguii. Ma' no'm sqaica da lco'taxa da chaalataxac, ca' qaica ca iuana ñi qara'gaxala'.

1 Pedro 2:2

'Ñiitam ca noctoqui' chita'gue ne'qaañi, ỹaatqajam na'ñaxachii daañitaque caua no'i' se re'xoguilo qaica ca lalecte' quiyim iỹaxate' qamiri, ca' ma'le, ca 'ue ca rca'laxahi,

2 Pedro 1:4

Ca' ỹachigoxochichiguilo nauajo nauá'maq 'em quiyim ñi qota'a 'ue da ỹachaxantac coqomi' chalego lecaigue' chaqai chalego lecaic ca lashivichaxac, qaiyi chicqochigui dá'maq qaỹachaxantac, ca' qamiri viriỹau'a quiyim nouañiỹau'a da no'ueenataxac ñi qota'a chaqai rayichii sqa lliguiguit ná'maq se no'uen namaanaxanaxa qanodolec na 'laua.