Efesios 4:23 - La'qaatqa ñi qota'olec Qota'olec & Qota'olec Novita Na Qomyipi

²³ Ta'ta'a quiyim dalaxachii da no'ueenataxaguii chaqai da ra'deenataxanaxaguii,

Efesios 4:23 Iomraidhean Croise

Salmos 51:10

Qami' qota'olec, ¡ñi'ragui aỹim aca ne'taxanata co'teeta!, ¡vite ca dalaxaic ỹa'deenataxanaxac ỹa'maqachiguiñi!

Ezequiel 18:31

'Xañiñi ná'ogue ná'maq se no'uen 'viichitac caỹim, ca' dalaxachii da no'ueenataxaguii chaqai da ra'deenataxanaxaguii. Ca ¿chi'negue queta' rillivii, qamiri lalamaxarete' so Israel?

Ezequiel 36:26

sanauguilo qamiri ma'le aca dalaxai re'taxanatahi chaqai ca dalaxaic no'ueenataxaguii. Ñaqat caqamiri añi re'taxanatahi 'ec ca qa', ca' sanauguilo qamiri aca re'taxanatahi nañaanta.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Romanos 6:4

Ma' na' qanachilaxane' qomi', ca 'ec qaishiñiñi qomi' qariỹaachi'ñi' so Cristo, ca qareleu, qaiyi ma' liỹa qanca'laxaterec qomi', ca sanaxañi da dalaxaic chaalataxac. Ca 'nejme' qomi' ma'le so Cristo na' liỹa qanca'laxatec queso lelauaxa, ỹahote'e da lauaq da lquesaxanaxa ñi qota'a.

Romanos 8:6

Chaqai quiyim qaỹa'deentapega dá'maq chaqai qom no'ueenataxac, ca' taata'a yi nelauaxa. Qam quiyim qaỹa'deentapega da lo'ueenataxanaxac so Espíritu, ca' qaỹauequeta'a da nca'laxa chaqai da na'maxa.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Colosenses 3:10

Chaqai mashic ñiiñi dá'maq dalaxaic 'ueenataxac, ca noquiiquetashiguim da nadalqataxac, chi ỹovireta'a quiyim 'nejem da no'ueenataxac ñi qota'a ma' chaqaiñi ñí'maq ỹo'uet, chi ỹovireta'a quiyim ỹaatqajam qaỹa'deenta ñi'maxare.

Tito 3:5

ca qarca'laxatec. Qam mesqaida quiyim 'ue quet ca ỹa'maqachiguiñi qaro'ueenataxanaxac, ma' ñi'maxare chi qare'xoren. Ca qarca'laxatec chicqochigui nqai'en ca qanachilaxac dá'maq 'em quiyim 'ec dalaxaic qane'xaỹoqsoxoc chaqai dalaxaic qanachaalataxac chicqo'ot so Espíritu Santo.

1 Pedro 1:13

Ca vichiguiño' ỹaatqajam 'maxachichiguiñi ca ra'deenataxanaxaguii quiyim 'ue ca 'viichii, chaqai ỹaatqajam 'ajñita. Ỹaatqajam machiỹalec da naquitaxaguii da lqouagaxa ñi qota'a quecá'maq ỹaanema qamiri ma'le ma' liỹa re'oq so Jesucristo.