Efesios 4:22 - La'qaatqa ñi qota'olec Qota'olec & Qota'olec Novita Na Qomyipi

²² Ca quedá'maq shi'gue 'ñiitari' quen, ca' lachii só'maq 'auaxaic no'ueenataxaguii ma' se ỹa'maxañi, chaqai qaỹachichiguiñi, ma' queeta'pegue' da lamaanaxanqachic quena se no'uen.

Efesios 4:22 Iomraidhean Croise

Romanos 6:6

Sa'deenaq quiyim dá'maq 'auaxaic qano'ueenataxac shi'gue qaipateno liỹaatashiguim nqohin so Cristo, qaiyi sogui dá'maq lquesaxanaxa da qano'ueenataxac ma' sauaqhuaic, ca' qaiyi tot ilareta'pe qomi' da nasauaxaset quiyim 'ec ca qana'co'.

Romanos 7:11

Ma' dá'maq se no'uen nquipit ro'ueenataxañigui dá'maq naqataxac, ca' yayin, ca' chaqaida dá'maq naqataxac ro'goxona caỹim, ca' 'ec yalauat.

2 Corintios 11:3

Qam quedá'maq 'ne'teco' na'le da lco'ỹaxaric so nanaic na' ỹachiguiñi aso Eva, ca 'eco' 'ue da ỹoqolonaxa ma' sqoue quiyim 'ue ca ỹachi'iñi qamiri qai'neeta. Ca ỹashaxanec da ra'deenataxanaxaguii, ca ỹoỹoote'ogalo qamiri quiyim sqai viilec so Cristo.

Gálatas 1:13

Qamiri shi'gue 'xahiteguelec dá'maq shintari' na' ñaqa shiquetalec dá'maq huelec na judioipi. Chaqai 'yiiñii da ỹonogoxonaxac quena' socanaxantapigui na mashic icoñiguit da la'qaatec ñi qota'olec, quiyim sahotaque ñalauajñi.

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.

Efesios 4:17

Ma' ỹim ña'deetau'a so qara'gaxala', ca' 'ue da shinac chaqai saqatalo qamiri quiyim totqai 'ñiita dá'maq 'neetari' ná'maq saqa' ỹauanapega ñi qota'a, ma' na'maxare queeta'pegue' ná'maq qaica ca 'negue chi la'deenataxanaxac,

Efesios 4:25

Ca' vichiguiño' nagui 'xañiñi ca na'majnaxaguii. Ca' quiñi 'óna ỹaatqajam lliqueta cá'maq ỹa'xat queca liỹa, ma' qomá'ogue 'ec ña'daqatau'a so 'oonoqui' noshicmaxa.

Efesios 4:31

Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

Colosenses 2:11

Chaqai quiyim na'yiitau'a so Cristo, ca' qaỹa'ue na netanegue' qamiri; qam mesqai ná'maq re'qoochigui quena noshicmaxa, ta'ta'a quiyim na' qanca'laxaterec qamiri quena nasauaxaset queda lamaanaxanqachic na roshicmaxahi. Ca dajo dá'maq netanaxac na qom chicqo'ot so Cristo.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.

Hebreos 3:13

Ta'ta'a quiyim quiitalec na'ñaxachita'ta' quenaua'que naua na'xata', tomallaqai queete' naua na'xata' nagui. Qaiyi qaica ca qaỹayin caqamiri quena nasauaxaset, ca ỹa'ñaxat añi le'taxanata quiyim se na'xaỹaxan.

Santiago 1:21

Vichiguiño' 'xañiỹac ná'ogue ná'maq ỹo'maqajnac ca qom, chaqai ná'ogue na se no'uen. Qaidaata quiyim ne'xorishiñita coñiguit da la'qaatec ñi qota'a, dá'maq mashic qoỹanlgoto naua re'taxanatahi. Ma' dajo na'qaatec 'ue da lquesaxanaxa quiyim nca'laxaterec qamiri.

Santiago 1:26

No'm 'ue ca 'neetapigui lauel icoñiguit da na'qaatec, qam se ỹa'den nollaañi ñi lo'legaxanaxat, ca'maxare chi nayinteguelta', ca dá'maq 'neeta quiyim icoñiguit da na'qaatec qaica ca 'negue.

1 Pedro 1:18

Ma' ñi qota'a naqata'alo qamiri quedá'maq qaica ca 'negue chaalataxac no'ueenauguilo qamiri queso 'auaxaic qataa'illipi. Chaqai qamiri ỹaatqajam 'yiiñita dá'maq lesega'a dá'maq rca'laxahi se laseuete nqohin cá'maq tai'a quiyim imeuo, 'nejem aca 'oro loqo'm aca plata,

1 Pedro 4:3

Ca mashic nalootañi dá'maq shi'gue 'viichitac quesaua 'auaxaqa ñaxari dá'maq nqo'ta ỹo'uet ná'maq se iuanapega ñi qota'a. Ca' quesaua 'auaxaqa na'xata', ca' qamiri quiita'pegue' da namaanaxanqachic, quenanchaqaina quená'maq se no'uen, 'taxac, chaqai na nemaqachic 'xoic na naỹaac, sqa laỹa'gue da ne'taxaguii, chaqai nqouagaxaiñitacot na nqolac ná'maq se qaỹa'maxaren.

2 Pedro 2:13

'Xoic ma'le ca le'xoric, ma' ỹahotaque da le'xoric na liỹaripi. 'Neetapega ỹa'maqachiguiñi quiyim queetalec da lamaanaxanqachic, qam se ladoguec. Ỹaatqajam nayiloxo lahi' ma' chalego da laỹaac quena' ỹalequetauguilo qamiri quena' lapoiỹata'. Raỹaacotalec da layinaxanaxac caqamiri.

2 Pedro 2:7

Qam nca'laxatec na'le so Lot, ma' so'maxare ỹaatqajam huagaxaraic ỹale, chaqai 'xoico' quen na nqui'ic quena' ỹa'ajantac dá'maq se no'uen loic so qomyipi hualoxonyipi.

1 Samuel 1:14

Ca 'naaco' caso'maxare: —¿Chi' laquio' remi'rec queda rquiñiuquichi'i'? ¡Liyi, 'xañiriñi na lataxa!