Efesios 4:21 - La'qaatqa ñi qota'olec Qota'olec & Qota'olec Novita Na Qomyipi

²¹ no'm ỹaatqajam 'xaichigui dá'maq na'qaatec na'le queso'maxare, chaqai qaỹapaxaguinque qamiri so'maxare quiyim nachiñi'chiguit nqohin dá'maq lliqueta chicqo'ot so Jesús.

Efesios 4:21 Iomraidhean Croise

Salmos 45:4

Da recaiqui' re'oq quiyim queeta da rauegaxanaxaqui', loquiseguelec dá'maq lliqueta chaqai qoshi'seguelec na 'xoraiquipi. ¡Chalego lecaic dá'maq ỹo'uet da ra'ñaxaqui'!

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 14:17

so Espíritu só'maq ichoxot dá'maq ỹaatqajam lliqueta. Na qomyipi hueetalec na 'laua se ishit icoñiguit, ma' se iuana chaqai se ỹa'den. Qam qamiri mashic huañiỹa, ma' mashic hueeto'oto qamiri, chaqai chaqa'ma' liyi no'ueeno'oto qamiri.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Romanos 10:14

Qam ¿negue' quet cá'maq 'neeta quet quiyim nqouagaxainot, no'm sqai huelec so'maxare? Chaqai ¿negue' quet cá'maq 'neeta quiyim 'ue ca huelec, no'm sqaica cá'maq qara'xaỹa ỹa'xatetac so'maxare? Chaqai ¿negue' quet cá'maq 'neeta quiyim qara'xaỹa, no'm sqaica cá'maq ỹa'xat da na'qaatec?

2 Corintios 1:20

Ma' chaqaiso só'maq ipaquichiguilo nqai'ne' naua'que nauá'maq ỹachaxanta'pe ñi qota'a. Ca vichiguiño' quena' semaqachinaq ñi qota'a, chaqai chicqochigui so Cristo Jesús quiyim dá'ogue da qarasaataxac quiyim shinqac: “Ajá'a, chaqaida 'neeta dajo.”

2 Corintios 11:10

Ỹaatqajam se'taxachichiguiñi quedá'maq shintari', quiyim sa'den dá'maq lliqueta chicqo'ot so Cristo, chaqai qai'neeta sa'den quiyim qaica ca ishit naqat da chicqochigui da ñitoonaxac quená'ogue na neetalec na 'laua Acaya.

Efesios 1:13

Chaqai qai'neete' qamiri, na' 'xaiỹa dá'maq ỹaatqajam lliqueta na'qaatec, na' qaỹa'xat da rca'laxahi, ca' viilec so Cristo, ca' na'yiiu'a so'maxare, ca' 'ue ca netanec nqohine' qamiri, ca' qamiri lalamaxarete' ñi qota'a, chicqochigui nqohin so Espíritu Santo só'maq shi'gue ỹachaxantac ñi'maxare.

Efesios 2:17

So Cristo novi', ca' ỹa'xat dá'maq no'uen na'qaatec chicqaugui da na'maxa quená'ogue, ca 'eno'm qoỹore'talo qamiri quiñi qota'a, qam 'nejem nqohin ma'le ná'maq judioipi ma' sqoỹoqaque quiñi'maxare.

Colosenses 1:5

Ma' 'ue da naquitaxaguii quiyí'maq qaỹa'maxatetañi qaỹauaaque qoỹaanema qamiri ma'le quiñi qota'a hueeta'gue da piguim. Qamiri 'uo' na'le da naquitaxaguii co'na' na'xaỹaxañiỹa dá'maq ỹaatqajam llic na'qaatec chicqaugui da nca'laxa.

Colosenses 1:6

Dajo na'qaatec dá'maq qaỹa'xatema qamiri na'le, chaqaida dá'maq noquiiquetashiguim, ca re'oq da laỹaxac quená'ogue na 'laua. Qaican ỹapaguec na'le caqamiri na' qaỹa'xatema qamiri da le'xorenataxanaxa ñi qota'a, ca 'yiiñii dajo quiyim chaqaida dá'maq ỹaatqajam ne'xorenataxanaxa.

Colosenses 2:7

'ec 'vii lpa'yii da nachaalataxaguii na'yiitalec so'maxare, chaqai queda rpi'ỹaxaguii 'ec no'xoñiitalec so'maxare. Ma' chaqaida dá'maq qaỹapaxaguinguelo qamiri na'le, ca' se neme 'ỹaañitacot da na'aachicyaxaguii ñi qota'a.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.