Efesios 4:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ ca' 'ec palac da la'deenaxanaxa. Na'maxare sqai hueeto'ot da chaalataxac chicqo'ot ñi qota'a, ma' sqaica ca ỹa'den sauaxat da la'ñaxac añi le'taxanata.

Efesios 4:18 Iomraidhean Croise

Salmos 74:20

¡Ñaqai o'lliinchira'a da qana'deenaxac, ma' mashic tot na'maxajta' na qom quenaua'que naua lahil na 'laua!

Isaías 25:7

Ca dajo qa', nosogoñi ma'le ñi qara'gaxala' so napoxonaxat ỹapootalec ná'ogue na ỹoreta'oguit qomyipi, so nepo' napoxonaxantañi ná'ogue na qomyipi quena 'laua.

Daniel 5:20

Qam na' ỹaata da nemaqajnaxac, ca' se ra'maqataxan chaqai qa'uaic, ca qarouootaxana'gue da lquesaxanaxa chaqai da lecaic quiyim nashi.

Mateo 13:15

Ma' añi le'taxanata najo qomyipi ra'ñi, chaqai se ỹa'maxañi da na'xaỹaxanaxac, chaqai pootaguilo naua nqote'; qaiyi se reuanaxanalo naua nqote', chaqai sqaica ca 'xaỹa, chaqai qaica ca ỹa'yiinchigui cañi le'taxanata, qaiyi sqo pila ỹim, ca' somatec.

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Juan 12:40

Ñi qota'olec se nauanñi nqai'en na'maxare chaqai ỹa'ñaxat añi le'taxanata, qaiyi se reuanaxanalo naua nqote', chaqai cañi le'taxanata se ỹa'yiiñigui nqai'en dajo, chaqai sqo pila'a aỹim, qaiyi aỹim somatec.

Hechos 17:30

Ñi qota'olec se nqovilga da lo'maxac na qom quesaua 'auaxaqa na'xata'. Qam nagui relaataxan quená'ogue na qom quena lahil na 'laua quiyim ỹalate' naua se no'viiñi no'ueenataxaco.

Hechos 3:17

Qamiri ỹaqaỹa', shi'gue sa'den, ma' na' qamiri chaqai saua ra'gaxalachiri lauachii so Jesús, qamiri 'viichii dajo, qalaxam sqa 'yiiñii dá'maq ỹaatqajam reloqo'tegue dá'maq 'viichitac.

Romanos 1:28

Ma' mashic tot ỹa'deenapega ñi qota'a, ca' ñi'maxare ca'e na'maxare quedá'maq se no'uen la'deenataxanaxac, qaiyi ỹo'uet ná'ogue ná'maq se no'uen.

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Romanos 11:7

Ca ¿negue' cá'maq 'neeto'? Quiyim ná'maq Israel laseripi se ỹanata cá'maq idaantaque, qam ná'maq lca'acseripi ñi qota'a, ca' ỹanata. Qam ná'maq liỹaripi no'ueena'guit quiyim se na'xaỹaxan.

Romanos 2:19

Ca 'ñiisapega quiyim ỹaatqajam 'eco' 'yiiñi' quiyim qami' la'gaxala' ca qai'laq, chaqai quiyim coỹachirelec na hueetaugui na napalaxa.

1 Corintios 1:21

Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.

1 Corintios 2:8

Na nashillipi hueetalecna qaica ca ỹa'den dajo na'deenec. Ma' quet ỹa'den, ca se qaipateno so choxoraic qara'gaxala'.

2 Corintios 3:14

Qam saua'maxare se ỹa'deene' ca leloxoỹaxac na'le. Chaqai nagui qaiyiita quena' qaretaqalec so 'auaxaic 'maqataxac, ca' chaqaiso só'maq napoxonaxat só'maq quepaqataxan, ca' se ishit ỹa'yiinchigui ca leloxoỹaxac. Ma' so napoxonaxat saqa' qanaqat, ma' quiyim qanaqat, qam chicqochigui so Cristo quiyim nac so'maxare.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Gálatas 4:8

Quesom na' saqa' huañiỹapega ñi qota'a, ca' qamiri icoñiiteguese' ná'maq se re'xogui qanqouagaxaintacot, qam mese qota'olqaipi.

Efesios 2:1

Ñi qota'a ỹaanema qamiri quiyim rca'laxauahi so Cristo, 'eno'm ñaqai viitaugui na'le da nelauaxa sauaxat na se no'uen chaqai na nasauaxaset

Efesios 2:12

Ma' queca'maxare na'le qaica so Cristo caqamiri, ca' ỹoreta'ogalo na'le qamiri quena llaalqaipi so Israel, chaqai sqa 'yiiñii dá'maq 'maqataxac chaqai dá'maq ỹachaxantac ñi qota'a. Ca' viitalec najo 'laua, qam qaica ca naquitaxaguii, chaqai qaica ñi qota'a caqamiri.

Colosenses 1:21

Qamiri quesom 'ec ỹoqa'a ca chigoxoỹa'gue, ca quedá'maq 'neetari' añi re'taxanatahi ỹaatqajam npa'guenaxauahi ñi qota'a, ma' 'viichitac na se no'uen. Qam nagui ñi qota'a ỹo'uet quiyim huaqui'chiguita qamiri ñi'maxare,

1 Tesalonicenses 4:5

Se ỹa'maxañi quiyim ỹahotaque chi i'en aca 'aalo, se no'uen da lqo'iichi, 'nejem na qomyipi saqa' iuanapega ñi qota'a.

Hebreos 5:2

Ma' na la'gaxala' na netaxaỹaxanqajanqaipi qai'neeta qaica ca lquesaxanaxa, 'nejem na liỹa qom, ca' ishit 'ue da leualaxavic quená'maq qaica ca ỹa'den chaqai na ỹo'meetac.

Hebreos 9:7

Qam yí'maq liỹa pa'aauo noma' qaisoota so lashi na netaxaỹaxanqajanqaipi ishit inoxona'a, qam 'oonoqui' inoxono quiyi ñaaxa; chaqai quiyim inoxono, ca i'xatetauo na isecỹac leuoripi quiyim ỹaano, qaiyi qaỹapalaxat ná'maq chi lo'maxaseteripi chaqai ná'maq lo'maxaset na liỹa qomyipi.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

1 Pedro 1:14

Ma' mashic qamiri ñaalqa 'xaỹaxanaxaraqa, 'xañiñi ná'maq 'viichitac quen quesom na' saqa' huañiỹa ñi qota'a.

1 Juan 2:11

Qam cá'maq ñaq noquiaatapega ca lqaỹa, hueetaugui chaqai ñaqai queetaugui na napalaxa, chaqai se ỹa'den cá'maq taigue, ma' na napalaxa se neuanñi nqai'en ca'maxare.