Efesios 4:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ma' ỹim ña'deetau'a so qara'gaxala', ca' 'ue da shinac chaqai saqatalo qamiri quiyim totqai 'ñiita dá'maq 'neetari' ná'maq saqa' ỹauanapega ñi qota'a, ma' na'maxare queeta'pegue' ná'maq qaica ca 'negue chi la'deenataxanaxac,

Efesios 4:17 Iomraidhean Croise

Jeremías 42:19

Ca' qamiri ná'maq ñaq ro'viiñiỹalec na 'laua Judá, ñi qara'gaxala' ỹilene' qamiri quiyim sqai 'iigue da Egipto. Ca' 'yiiñita quiyim ỹim saqatalo qamiri nagui.

Lucas 16:28

yi'maxare neesa'ñi caua cinco ỹaqaỹa', qaiyi ra'qaataxanema, qaiyi caua'maxare sqa nara'a qai'neeta najo ne'xoyaqa'.”

Hechos 14:15

—¡Qamiri ỹalliripi! ¿Chi'neco' ma' 'viichitac dajo? Ma' qom qomi', shinqata maqamiri. Ma' chaqaida dá'maq 'em ñoviraq quiyim shinqapegalo qamiri quiyim 'xañiñi na se no'uen qaica ca 'negue, ca' quiilec ñi qota'olec nca'leetauec, ma' ñí ỹo'uet na piguim chaqai na 'laua chaqai ana huaaxai, chaqai ná'ogue ná'maq nanchaqaina.

Hechos 18:5

Co'na' novite' saua Silas chaqai so Timoteo, chicqora'gue da Macedonia, ca' so Pablo ỹalamqajlec da la'qaataxanaxac, ỹa'xateta'pe naua la'qaatqa ñi qota'a, ỹaatqajam ichoxotetapeguem na judioipi quiyim chaqaiso so Jesús so nashi nca'laxaqui só'maq na judioipi nauaantaque.

Hechos 2:40

Ca' quedauajo la'qaatqa so Pedro chaqai 'vii saua liỹa' ỹa'xate', ca' qata so qomyipi, 'naaco': —'Iichiguit ca nouaxanaxaset na qomyipi sqaica huelec, qaiyi rca'lliuec.

Hechos 20:21

Quená'maq judío chaqai quena sqai judío shinapega quiyim ca'ahi naua no'ueenataxaco se no'viiñi, ca' quegue ñi qota'olec, chaqai huelec so qara'gaxala' Jesucristo.

Romanos 1:21

Ma' na'maxare mashic ỹa'den ñi qota'a, qam sqai 'neeta'gue quiyim chaqaiñi ñi qota'olec, chaqai sqai ỹaantacot da na'aachicyaxac. Ta'ta'a quiyim ỹa'deentapega ná'maq sqaica ca 'negue, chaqai añi le'taxanata ỹo'meetam, hueetagui na 'eco' napalaxa.

1 Corintios 1:12

Ma' quedajo re'qoota quiyim se natenta' naua ra'qaataxahi. Ma' 'uo' quen na 'naac: “Aỹim ỹa'gaxala' so Pablo”; chaqai 'uo' quen na 'naac: “Aỹim ỹa'gaxala' so Apolos”; chaqai 'uo' quen na 'naac: “Aỹim ỹa'gaxala' so Pedro”; chaqai 'uo' quen na 'naac: “Aỹim ỹa'gaxala' so Cristo.”

1 Corintios 15:50

Ca dá'maq sahotaque sa'xatema qamiri ỹaqaỹa' 'neetasa': quená'maq re'qoochigui qaroshicmaxa, ma' ileu, se ishit inoxoneu'a ca lo'ueenataxanaxac ñi qota'a ñaqa naata, ma' quená'maq 'ue lqodoc se ishit ỹalecau'a ná'maq sqaica lqodoc.

2 Corintios 9:6

Ca' qamiri no'viñita'gue dajo: quiyim cá'maq sqalo ca ỹanñi, qai'neeta sqalo ca naqat; qam cá'maq 'xoic ca ỹanñi, qai'neeta 'xoic ca naqat.

Gálatas 3:17

Ca' quedá'maq shinac 'neetasa': Ñi qota'a na' ỹa'ue so na'deenaxac queso Abraham, ca' ỹaanec da la'qaatec quiyim ipacqajanchigui ma'le. Ca vichiguiño' so naqataxaquipi chicqochigui so Moisés novi' na' ime'ueque saua cuatrocientos treinta ñaxari, qa' tot ishit quiyim ỹosogui sojo 'deenaxac, quiyim se ipacqajñigui quet dá'maq ỹachaxantac na'le ñi qota'a.

Gálatas 5:3

Ca vichiguiño' lotqai liỹa shinac dajo, quiyim canchaqaica qom no'm ỹa'ue ca netanec na loshicmaxa, ca' se ishit quiyim se ipacqajñigui ná'ogue ná'maq lelaataxanaxac so naqataxaquipi chicqo'ot so Moisés.

Efesios 1:22

Ná'ogue illo'oto naua lapiaate' so Cristo, chaqai chaqaisoota so Cristo ỹaanot ná'maq mashic icoñiguit da na'qaatec quiyim qaisoota 'ec lqahic ná'ogue na'maxare.

Efesios 4:22

Ca quedá'maq shi'gue 'ñiitari' quen, ca' lachii só'maq 'auaxaic no'ueenataxaguii ma' se ỹa'maxañi, chaqai qaỹachichiguiñi, ma' queeta'pegue' da lamaanaxanqachic quena se no'uen.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

Colosenses 2:4

Ca sa'xatema qamiri dajo, qaiyi qaica ca ỹayine' qamiri, 'eno'm 'ue ca 'maxaraqa caua la'qaatqa.

1 Tesalonicenses 4:6

Ca' qaica ca napacalec chaqai rayinaxanta'gue dajo queca lqaỹa, ma' so qara'gaxala' Jesús ỹaatqajam ỹouaxan ná'ogue ná'maq ỹo'ueetetac dajo. Ca' dajo dá'maq shi'gue sa'xatqatac quiyim rovichiỹa'guit.

1 Timoteo 5:21

Dá'maq ỹaqataxac saanem qami' nagui ỹaatqajam ỹauanchiguilo qomi' ñi qota'a chaqai so qara'gaxala' Jesucristo chaqai ná'maq nca'acseripi chicqashiguim lelaatqaipi ñi qota'a. Ca ỹaatqajam daañiterelco' ma'le da ỹaqataxac, mesqaica ca repagaxachi' chaqai ca rca'acshiqui'.

1 Timoteo 6:13

Ca' nagui ỹauanchiguilo qomi' ñi qota'a ñí'maq ỹachigoqto'ot da lca'laxa ná'ogue nanchaqaina, chaqai ñi Jesucristo ma' ñi'maxare qai'neeta ỹa'xat da lpi'ỹaxac na' reloqota'guit so nashi Poncio Pilato. Vichiguiño' nagui selachi'

2 Timoteo 4:1

Ca' dajo ỹaqataxac saanem qami' nagui ỹaatqajam ỹauanchiguilo qomi' nagui ñi qota'a chaqai ñi qara'gaxala' Jesucristo, ma' nac ma'le quiyim nachaxan quiyim nashi, ca' imit na qomyipi quená'maq nca'leetauec chaqai ná'maq mashic ileu. Ca 'xoic da ỹaqataxac caqami',

1 Pedro 1:18

Ma' ñi qota'a naqata'alo qamiri quedá'maq qaica ca 'negue chaalataxac no'ueenauguilo qamiri queso 'auaxaic qataa'illipi. Chaqai qamiri ỹaatqajam 'yiiñita dá'maq lesega'a dá'maq rca'laxahi se laseuete nqohin cá'maq tai'a quiyim imeuo, 'nejem aca 'oro loqo'm aca plata,

2 Pedro 2:18

Ma' nemaqajnaxai quena' retaqa, qam qaica ca 'netegue naua la'qaatqa. Ma' ỹachigoxochichigui da lamaanaxanqachic quenanchaqaina chaqai na se no'uen lamaanec na qom loshicmaxa, ca' ỹashaxanec ná'maq mashic qohitauec quená'maq ñaqai hueetaugui da no'maxac.