Efesios 4:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ta'ta'a quiyim sa'xatqatac ca lliqueta quedá'maq leloxoỹaxac ca ne'xorenataxanaxa, qolqatalec quiyim ñaqtetauec ná'ogue nanchaqaina quiyim ña'daqatau'a so Cristo ma' chaqaiso só'maq lqahic na noshicmaxa, qam sojo noshicmaxa chaqainaua nauá'maq qomi'.

Efesios 4:15 Iomraidhean Croise

Salmos 32:2

Chalego la'maxa ca qom quecá'maq ñi qota'olec se ỹa'ue ca lasauaxaset chaqai quiyim sqai hueetagui ca na'maachic.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Romanos 12:9

Ỹaatqajam 'chichiguiñi nqai'ñii da re'xorenataxanaxahi quiñi 'óna queca liỹa. Se rqo'chiỹa dá'maq se no'uen, ca' quii'uegue dá'maq lo'yaxanec.

1 Corintios 11:3

Ma' sahotaque 'yiiñita quiyim so Cristo chaqaiso so lqahic na ỹale, chaqai ca ỹale chaqaica ca lqahic aca loua, ca' ñi qota'a chaqaiñi ñi lqahic so Cristo.

2 Corintios 4:2

Ná'maq qaỹo'uet, qam qoỹoxotetañi, ca' se seconaxaguit, chaqai ná'maq ỹo'uet ca nayiloxo. Se sayinaxanqatac, chaqai se saỹoxosoxonqasapeguec naua la'qaatqa ñi qota'a. Ta'ta'a quiyim qaidaata dá'maq lliqueta dá'maq sa'xatqatac, ca' canchaqaica quená'ogue na qomyipi qara'deenta, ca' dajo ỹa'ajantac ñi qota'a.

2 Corintios 8:8

Shinac dajo, qam se ilaataxanaxac. Ta'ta'a quiyim sahotaque 'yiiñii ca na'ñaaqataxac cá'maq riỹahi, qaiyi re'oq dá'maq re'xorenataxanaxahi ỹaatqajam 'chichiguiñi.

Efesios 1:22

Ná'ogue illo'oto naua lapiaate' so Cristo, chaqai chaqaisoota so Cristo ỹaanot ná'maq mashic icoñiguit da na'qaatec quiyim qaisoota 'ec lqahic ná'ogue na'maxare.

Efesios 1:4

Ñi qota'a qomi'o' lca'acse' chicqochigui nqai'en so Cristo na' saqa' ỹo'uet na 'laua, qaiyi seuqato'ot ñi'maxare quiyim co'teeta da qanachaalataxac chaqai qaica ca qarasauaxaset.

Efesios 2:21

Ca' sojo no'xonaxanaxala' chaqaiso so Cristo, ca' ñá'ogue ñí'maq 'imec qano'xontashiguim, ca' ỹaatqajam qaỹa'maxachichiriñi naua lahil, ca chi ỹovireto'o' quiyim 'nejem ca 'imec ta'chiguit quiyim qaimaqachintac so qara'gaxala' Jesús.

Efesios 4:25

Ca' vichiguiño' nagui 'xañiñi ca na'majnaxaguii. Ca' quiñi 'óna ỹaatqajam lliqueta cá'maq ỹa'xat queca liỹa, ma' qomá'ogue 'ec ña'daqatau'a so 'oonoqui' noshicmaxa.

Efesios 5:23

Ma' cá'maq loua chaqaica cá'maq 'ec lqahic aca'maxare. Ma' chaqaida dá'maq dajo 'neeta so Cristo lqahic ná'maq mashic icoñiguit da na'qaatec, chaqai qai'neeta nca'laxatec. Ma' chaqaina ná'maq 'eco' loshicmaxa so'maxare.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 2:2

'Ñiitam ca noctoqui' chita'gue ne'qaañi, ỹaatqajam na'ñaxachii daañitaque caua no'i' se re'xoguilo qaica ca lalecte' quiyim iỹaxate' qamiri, ca' ma'le, ca 'ue ca rca'laxahi,

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.

1 Juan 3:18

Qamiri ỹaalqolqa, quedajo qare'xorenataxanaxa 'neeto' chi nodaachiriñi naua qara'qaatqa. Ta'ta'a quiyim ỹaatqajam 'chichiguiñi ne'xorenataxanaxa quiyim re'qoota nqaishinaq cá'maq so'ueetaq.

Jueces 16:15

Co'na'le, ca' aso Dalila 'naaco' queso'maxare: —¡'Maatqaic! ¿Qa'chica ma' 'ñirac rqo'chiriua'? Mashic tres nagui yi'ñirari', qam qaiyiita saqa'le' 'qaataxañirim negue' cá'maq chicqa'gue dá'maq chalego rquesaxanaxa'e'.