Efesios 4:13 - La'qaatqa ñi qota'olec Qota'olec & Qota'olec Novita Na Qomyipi

¹³ chi ỹovireto'o' ma' qomá'ogue lapoỹata' da qarpi'ỹaxac chaqai quiyim sa'deenqata so llaalec ñi qota'a. Ca shinqatari' ca mashic ỹi, vire'to' ma' 'ec qaraloxoua so Cristo.

Efesios 4:13 Iomraidhean Croise

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Zacarías 14:9

Ca' quecajo na'xa'a, ca' ñi qara'gaxala' ỹoiquentac ma'le ná'ogue na 'laua. Ca ma'le, ca' qaiñiita ñi qara'gaxala', chaqai qai'neeta qanodaqajantec da leenaxat.

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Juan 1:16

Qomá'ogue mashic seconaxaguit dá'maq chalego lecaic lesallaxa, dá'maq lqouagaxa se neme piltalec ỹaanema qomi'.

Juan 16:3

Dajo qohine'teguelo qamiri ma'le, ma' se qaiuanapega ñí'maq qota'a chaqai aỹim.

Juan 17:21

Qami' ita'a, sashiila'e' quiyim ná'ogue na'maxare ỹaatqajam neconta'; quiyim 'ec 'oonoqui', na'deetau'alo qomi', 'nejem dá'maq 'ñiisari' caỹim, chaqaỹim caqami'. Quiyim ỹaatqajam necone'ejta', qaiyi ná'maq qomyipi hueetalec na 'laua huelec quiyim qami' yilachi'.

Juan 17:3

Ca' dajo nca'laxa sqaica lqodoc chicqochigui quiyim qaiuañiraxaua', quiyim ỹaatqajam qaqamite' qami' qota'olec, chaqai na qachaalqui' Jesucristo ná'maq qami' nelachi'.

Juan 6:69

Chaqai qomi' shi'gue seuaqlec, chaqai sa'deenaq quiyim chaqaqami' ná'maq nashi nca'laxaqui, llaalec ñi qota'a, ñí'maq chaqai'en nca'leetauec.

Hechos 4:32

Ca 'xoico' só'maq mashic ỹacoñiguit da na'qaatec, ca' qana'yiinchigui quiyim 'oonoqui' da na'deenataxanaxac. Qaica ca se ỹasen ca louenec, ma' na nouenqaipi ná'ogue qanouantagui.

1 Corintios 1:10

Ỹaqaỹarolqa, ñi'xoresentouguilo qamiri, sahote'e da leenaxat so qara'gaxala' Jesucristo quiyim se neuagaxachiỹac, ta'ta'a quiyim na'yiiñiỹata', le'en quiyim neuagaxachiỹac. Ta'ta'a ne'xoriñiỹata', cá'ogue ca ra'deenataxanaxaguii quecá'maq 'ñiita.

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.

1 Corintios 2:6

Qam qomi' sa'xataxai' naua letaxaỹaxaco naua 'deenaxanqachaqaqa, qam taỹaugui ná'maq mashic 'chichiguiñi da lpi'ỹaxac. Qalaxam dajo na'deenec sqai huaalecna, chaqai sqa chicqaugui na nashillipi hueetalec najo, ná'maq taata'a quiyim qaỹaloq imeho.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Gálatas 4:19

Qamiri ỹaalqolqa, lotqai liỹa sovirau'a da nqui'ic caqamiri, shintari' aca 'aalo quena' shim ne'qaañi ca llaalec; qam shiquetalco' da i'xoric, vire'to' ma' nalogoñi quiyim 'ñiitari' so Cristo.

Efesios 1:17

Sashiilatac ñi qota'olec queso qara'gaxala' Jesucristo, ñí'maq chalego lecaic qareta'a, quiyim ỹaanema qamiri ca na'deenaxanaxa chicqo'ot nqai'en so Espíritu, qaiyi 'yiiñii cá'maq ỹachaxañiỹaxarom chaqai quiyim ỹaatqajam 'yiiñichigui dá'maq 'neeta ñi'maxare.

Efesios 1:23

Ma' ná'maq mashic icoñiguit da na'qaatec chaqaina ná'maq loshicmaxa so Cristo, ca naloochiguiñi nqai'en so Cristo. Chaqai so'maxare naloqojonchiguiñi quená'ogue nanchaqaina.

Efesios 2:15

Ca' quesó'maq chi lalamaxaret loshicmaxa so Cristo, ca' lqodoc nqai'en so lelaataxanaxac na naqataxaquipi. Ca' ỹo'uet quená'maq judioipi chaqai quená'maq sqai judioipi quiyim ima'ta' 'ec neuo' laseripi, na'deu'a so'maxare. Ca' quedajo, ca' ỹo'uet da qara'maxa.

Efesios 4:12

Ca' chaqaida 'ne'teco' na' ỹa'maxatetegueñi ná'maq lalamaxareteripi na' ỹahotaque quiyim ỹo'ueenataxanaxan, qaiyi noquiiguec na lalamaxareteripi so Cristo,

Efesios 4:3

Nquipichiỹa'pegue' quiyim se neme lapohitagui da lotaanaxanaxac so Espíritu Santo, chicqochigui nqai'ñii da ra'maxahi dá'maq lapoota'ta' nqai'ne' qamiri.

Efesios 4:5

'Ue so 'oonoqui' qara'gaxala', 'oonoqui' da npi'ỹaxac, 'oonoqui' da chilaxac,

Filipenses 3:10

Ma' sahotaque quiyim sauana so Cristo quiyim ñauata'guit caỹim da lquesaxanaxa na' nachipiaqtashiguim nqohin so nelauaxa, chaqai quiyim ñouanau'a da le'xoric, vire'ta ma' shinta so'maxare queso lelauaxa.

Filipenses 3:8

Qam mesqaidaata dajo, ma' ná'ogue ná'maq hueeto'ot quet aỹim qaica quet cá'maq 'negue nqaishin, ma' se nalo'guit nqaishin dá'maq 'neeta quiyim seuana so Cristo Jesús só'maq ỹa'gaxala'. Ma' chaqaiso só'maq Cristo só'maq 'em quiyim ná'ogue ña'laxatañi, chaqai ná'ogue 'neetari' nqaishin ca lete, ma' sahotaque ỹaueguec so Cristo,

Colosenses 1:28

Qomi' sa'xatqatac so Cristo. Ca' 'ue da qaraqataxac quená'ogue, chaqai ná'ogue sapaxaguinqatac, qaiyi ỹaatqajam ỹa'deenta ca leloxoỹaxac, qaiyi quiñi 'óna ỹaatqajam noquiiquetashiguim ma' na'deetau'a so Cristo.

Colosenses 2:2

Ca' 'ue da iloquiaxac, ma' sahotaque quiyim ra'ñiiguilo na lauele', ca neconta' queda ne'xorenataxanaxa, chi ỹovireta'a qaica ca ỹouen nalogoñi da lpi'ỹaxac chicqochigui da la'deenaxanaxa, quiyim ỹa'yiinchigui dá'maq se re'xogui ỹachaxantac ñi qota'a, ca' chaqaiso so Cristo.

Hebreos 5:14

Ma' ná'maq ỹaatqajam na'ic ta'chiguit ná'maq qom mashic ỹi, ná'maq mashic ra'deenataxan, ná'maq mashic ỹa'den quiyim retan ca lo'yaxanec chaqai ca se no'uen.

2 Pedro 1:4

Ca' ỹachigoxochichiguilo nauajo nauá'maq 'em quiyim ñi qota'a 'ue da ỹachaxantac coqomi' chalego lecaigue' chaqai chalego lecaic ca lashivichaxac, qaiyi chicqochigui dá'maq qaỹachaxantac, ca' qamiri viriỹau'a quiyim nouañiỹau'a da no'ueenataxac ñi qota'a chaqai rayichii sqa lliguiguit ná'maq se no'uen namaanaxanaxa qanodolec na 'laua.

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.