Efesios 4:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' chaqaida 'ne'teco' na' ỹa'maxatetegueñi ná'maq lalamaxareteripi na' ỹahotaque quiyim ỹo'ueenataxanaxan, qaiyi noquiiguec na lalamaxareteripi so Cristo,

Efesios 4:12 Iomraidhean Croise

Lucas 22:32

qam aỹim ñqouagaxainteguelec qami', qaiyi sqo viñire'e ca rpi'ỹaxaqui'. Qam qami' ma' ỹovita quiyim rapillita ỹim, tauañi'o' na rqaỹachi'ipi, qaiyi qaidaata 'neetari' da lpi'ỹaxac.

Hechos 1:17

Ma' so Judas chaqai qariỹa, chaqai qarotaua queda qaro'ueenataxanaxac.

Hechos 1:25

Ca' qoỹanagui da na'laxatañi na'le lo'ueenatec so relaachiqui' Judas, ma' 'ue da lasauaxaset, ca re'oq dá'maq ỹaatqajam taigue nqohin.

Hechos 11:23

Ca co'na' ỹovi' so Bernabé, ca' iuana quiyim ñi qota'olec ỹaanem da la'maxa so qomyipi, ca so'maxare qai'neeta 'xoic da netoonaxac. Ca' qata sá'ogue so'maxare quiyim sqai ỹaxanñi ỹa'deentapega ñi qara'gaxala' Jesús.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hechos 9:31

Ca 'uo' da la'maxa ná'ogue ná'maq mashic ỹacoñiguit da na'qaatec neetalgoto naua 'lauari quiyi Judea, chaqai yi Galilea, chaqai qai'neeta yi Samaria. Ca na'maxare noquiiquetauec da lquesaxanaxa, chaqai ỹa'maxate'tegue ñi qara'gaxala', chaqai quedá'maq lotaanaxanaxac so Espíritu Santo. Ca noquiiquetauec ná'maq icoñiguit da na'qaatec.

Romanos 12:5

Ca' chaqaida 'neeta coqomi', 'eno'm qomi' 'xoic, qam 'oonoqui' na qaroshicmaxa ma' ña'daqatau'a so Cristo. Ca' qarenoqueta'ta', 'nejem na louenqaipi na noshicmaxa.

Romanos 12:7

Chaqai no'm ỹaanema qomi' quiyim squelolaxa ná'maq mashic icoñiguit da na'qaatec, ca' chaqaida so'ueetaq. Chaqai cá'maq ỹa'den quiyim rapaxaguinataxan nqohin, ca' chaqaida queetalec quiyim rapaxaguinataxan.

Romanos 14:19

Ca' chaqaida qolqatalec, sedaanqatapigui nauá'maq noviraqte' ma'le ca qara'maxa, quiyim ñotaanqata'ta', qaiyi nqo'neetashiguim ca llaqtaxac da qarpi'ỹaxac.

Romanos 15:14

Qamiri ỹaqaỹarolqa, ỹaatqajam 'chichiguiñi nqaishin quiyim no'qaachiguilo qamiri queda nqouagaxa chaqai queda na'deenaxanaxa, chaqai quiyim 'yiiñii qachiỹa ca riỹahi.

Romanos 15:2

Quiñi 'óna coqomi' paguec semaqachinaq quet ca qariỹa quiyim sahoqotaque ỹa'maqachiguiñi ca'maxare, chaqai quená'maq nqo'naxat ca lpi'ỹaxac.

Romanos 15:29

Ca' re'qoota quiyim ma' sovitalo qamiri, qam no'qaachigui aỹim queda qouagaxa chicqaugui da na'qaataxac so Cristo.

1 Corintios 12:27

Ca chaqaqamiri nauá'maq louenqa so loshicmaxa so Cristo, ca quiñi 'óna caqamiri na'yiitau'a so noshicmaxa.

1 Corintios 12:7

Ca' ñi qota'a ỹaanem quiñi 'óna quiyim ichoxot nqai'en so Espíritu Santo cá'maq ỹahotaque lotaanaxanaxat quená'ogue na qomyipi.

1 Corintios 14:12

Ma' qamiri 'xoic ná'maq rishoxohi quiyim coñiguit ná'maq ỹoreta'oguit lo'ueenataxanaxaquipi so Espíritu Santo, vichiguiño' nquipichiỹa'pegue' quiyim coñiguit cá'maq ỹo'uet ca llaqtaxac ná'maq mashic icoñiguit da na'qaatec.

1 Corintios 14:14

Ma' no'm ñqouagaxain, ca sa'xate' naua ỹora'alo na'qaatqa, 'nesa ma' queda ñqouagaxainaxac ñi ỹa'al nqouagaxaintac, qam se nqo'ñishiguim da ỹa'deenaxanaxa.

1 Corintios 14:26

Ca' qamiri ỹaqaỹa', quedá'maq 'neeta dajo: Quiyim quena' ỹovita quiyim lapoiỹata', 'ue ca 'ue ca lo'ueenec caqamiri, loqo'm 'ue ca 'ue ca lapaxaguinataxanaxac, loqo'm 'ue ca 'ue ca qaỹa'deenaxanaxanegue quiñi qota'a, loqo'm 'ue ca ỹa'xate' naua ỹora'alo na'qaatqa, loqo'm 'ue ca ichoxot ca leloxoỹaxague' naua na'qaatqa. Hua', qam quiyim ná'ogue najo no'ueenaxat ca lañaqtaxac nqai'en ca la'al ná'maq mashic icoñiguit da na'qaatec.

2 Corintios 12:19

Loqo'm ¿'neetapigui qavillii quiyim ca 'óna qoshiiteguelec ca liỹa coqomi'? Qam mesqaida. Ta'ta'a quiyim dá'maq sa'xatqatac ỹa'deenta ñi qota'a, chaqai quiichigui nqaishinaq da leenaxat so Cristo. Qam qamiri ñauochaxaua' ỹaqaỹa', dá'ogue dajo taỹaugui quiyim nqo'ñishiguim ca llaxataxague' qamiri quena se re'xogui.

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

2 Corintios 13:9

Vichiguiño' ñitoonaq quena' qaica ca qarquesaxanaxa, qam qamiri quesaxanaxaqa. Chaqai qolqatalec quiyim ñqouagaxainqatalgoto qamiri, qaiyi vire'to' ma' ralohichiguiñi.

2 Corintios 3:8

¡huose'queto' quiyim sqai paguec queto' ca lauaq dá'maq na'qaatec noviraxatalo qomi' so Espíritu Santo!

2 Corintios 4:1

Vichiguiño' se ỹauanapega quiyim qareualtegueñi, ma' ñi qota'a quedá'maq chi lqouagaxa, ca ỹaanema qomi' dajo no'ueenataxanaxac.

2 Corintios 5:18

Ca' dá'ogue dajo chi ỹo'uet ñi qota'a ñí'maq chicqochigui nqai'en so Cristo quiyim seuacqa'chiguit ñi'maxare, chaqai ỹa'ue da laqataxac coqomi' quiyim ná'ogue na qomyipi huaqui'chiguit nqaishinaq ñi'maxare.

2 Corintios 6:3

Ca qaica quet cá'maq sahoqotaque quiyim 'ue quet ca 'ue ca ỹa'paxat, qaiyi qaica cá'maq se no'uen qaỹa'xat queda qaro'ueenataxanaxac.

2 Corintios 7:1

Ca vichiguiño' qamiri ñauochaxaua' ỹaqaỹa', 'enaua nauá'maq qaỹachaxanta'pe coqomi'. Vichiguiño' se squeuocqau'a ná'ogue ná'maq ishit napio'xote' qomi' quena qaroshicmaxa, chaqai quena qara'al. Qaro'cha'a ñi qota'a, chaqai somatqo'ot da qanachaalataxac ñi'maxare.

Efesios 1:23

Ma' ná'maq mashic icoñiguit da na'qaatec chaqaina ná'maq loshicmaxa so Cristo, ca naloochiguiñi nqai'en so Cristo. Chaqai so'maxare naloqojonchiguiñi quená'ogue nanchaqaina.

Efesios 4:16

Ca' chaqaiso so Cristo só'maq 'em quiyim ná'ogue ná'maq noshicmaxa ỹaatqajam npataqa'ajta' chaqai inoque'ejta' chicqochigui quiyim ỹaatqajam necone'ejta' ná'ogue na louenqaipi; ca no'm 'maxaraic dá'maq 'neetari' cá'maq louenec, ca ná'ogue ñaqtetauec chaqai noquiiquetashiguim queda ne'xorenataxanaxa.

Efesios 4:29

Sqai 'xachii' naua se no'viiñi na'qaatqa, ta'ta'a quiyim no'ueenaxachii' naua ra'qaataxahi, qaiyi noquiicshiguim nqai'en chaqai ỹa'ue ca la'maxa cá'maq na'xaỹaxantapegalo qamiri.

Efesios 4:4

'Ue so 'oonoqui' noshicmaxa lapohitagui, chaqai 'oonoqui' so Espíritu Santo. Ca' qai'neeta roỹaxanalo qamiri ñi qota'a, qaiyi 'oonoqui' ca naquitaxaguii.

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

Colosenses 1:28

Qomi' sa'xatqatac so Cristo. Ca' 'ue da qaraqataxac quená'ogue, chaqai ná'ogue sapaxaguinqatac, qaiyi ỹaatqajam ỹa'deenta ca leloxoỹaxac, qaiyi quiñi 'óna ỹaatqajam noquiiquetashiguim ma' na'deetau'a so Cristo.

Colosenses 4:17

Chaqai 'ñiỹaco' ma'le dajo queca Arquipo, 'ñiỹapego' quiyim ỹaatqajam ipaquejlec ỹomachichigui dá'maq lo'ueenatec qoỹaanem queso qara'gaxala'.

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

2 Timoteo 4:11

Chaqaiñiita ñi Lucas ñaq iỹaatac. Daañiraco' ca Marcos, ca naviquisa'pegue' ma'le, ma' ca'maxare ishit yotauan queda qaro'ueenataxanaxac.

2 Timoteo 4:5

Qam qami' ỹaatqajam na'maxachite', chaqai na'ñaxachichiguit da re'xoriqui', quirelec 'xachisac da na'qaatec chicqaugui da nca'laxa, repaquiterelco' da ro'ueenataxanaxaqui'.

Hebreos 13:17

Ỹaatqajam na'xaỹaxañitalo naua ra'gaxalachiri, chaqai nañaañiỹoto naua'maxare; ma' chaqainaua nauá'maq reloqota'alo da nachaalataxaguii, chaqai chaqainaua nauá'maq 'ue ca na'xa'a, ca' qainate' quiñi qota'a. Nquipichiỹa'pegue' quiyim 'maxaraic da lo'ueenataxanaxac chaqai se resallii, ma' no'm sqai 'neeta dajo, ca' qaica quet cá'maq 'ñiigue qamiri.

Hebreos 6:1

Ca vichiguiño' 'maxaraic quiyim qolqata, qaiyi sovirqata'a quiyim ỹiite' qomi'. Le'en dá'maq 'auaxaic qanapaxaguinataxac queso Cristo. Sqai pilac sa'xataxe' da 'neeta ca qom quiyim netogochigui na lauel queda 'auaxaic no'ueenataxac ma' tai'a da lelauaxa ca'maxare, chaqai queda npi'ỹaxac quiñi qota'a,