Efesios 4:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

Efesios 4:11 Iomraidhean Croise

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Hechos 13:1

Quená'maq mashic ỹacoñiguit da na'qaatec neeta'ñi yi na'a' Antioquía mashic 'uo' na qota'a letaxaỹaxaqui chaqai na napaxaguinataxanaq. Quesaua'maxare 'uo' so leenaxat Bernabé, chaqai so Simón (na'aamataxat Hueraic) chaqai so Lucio, Cirene le'ec, Manaén (naquetashi'me' nauegaxaua so Herodes só'maq nashi quiyi Galilea) chaqai so Saulo.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hechos 21:8

Ca' queso liỹa na'xa'a so Pablo chaqai qomi' qolaq, ca sovitaxa yi na'a' Cesarea. Ca' quiyi, ca qolaqpegue' yi la'a' so Felipe. So'maxare ỹodac da na'qaatec chicqaugui da nca'laxa, chaqaiso' so liỹa' saua siete 'auaxaqa nca'acse' quiyim notaua', ca senqa'anyi.

Romanos 12:7

Chaqai no'm ỹaanema qomi' quiyim squelolaxa ná'maq mashic icoñiguit da na'qaatec, ca' chaqaida so'ueetaq. Chaqai cá'maq ỹa'den quiyim rapaxaguinataxan nqohin, ca' chaqaida queetalec quiyim rapaxaguinataxan.

1 Corintios 12:4

'Ue na ỹoreta'oguit no'ueenataxanaxac quiyim queca 'óna qom ishit icoñiguit, qam chaqaisoota só'maq Espíritu so chicqo'ot.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

Efesios 3:5

Dajo se re'xogui ỹaatqajam qaica ca qaỹa'deenaxanaxanegue quesaua 'auaxaqa ñaxari. Qam nagui, ca' ñi qota'a ỹachaxanem ná'maq co'teeta lelaatqaipi chaqai na letaxaỹaxanqajanqaipi, chicqochigui nqai'en so Espíritu Santo.

Efesios 4:8

Vichiguiño' naua naneresañi na'qaatqa 'neracsa': So'maxare taigue da piguim, i'xateta sá'ogue so lcoñiitecseripi. Ca' ỹa'ue na ỹaanem quiyim ro'ueenataxana na qomyipi.

2 Timoteo 4:5

Qam qami' ỹaatqajam na'maxachite', chaqai na'ñaxachichiguit da re'xoriqui', quirelec 'xachisac da na'qaatec chicqaugui da nca'laxa, repaquiterelco' da ro'ueenataxanaxaqui'.

Hebreos 5:12

Ma' mashic shi'gom nagui nalootañi quiyim paxaguinataxañitaiquet, qam qaiyiita viñitaque quiyim liỹa qaichoxochichiguilo nauá'maq se qalachi lapaxaguinataxanaxaco ñi qota'a. Ca' pillichigui quiyim ra'lliite'm qamiri, ca' viñitaque quiyim qane'taxañiguilo qamiri caua lo'i', mesqai ca ỹaatqajam resalli na'ic.

Judas 1:17

Qam qamiri ỹaqaỹarolqa, no'viñita'co' quiyim shi'gue quesom saua lelaatqa so qara'gaxala' Jesucristo,

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

Apocalipsis 21:14

Ca' so napoxonaxat queso na'a' lodegaxat qaỹo'xontalgoto saua doce qari, qoỹeretalgoto saua leenqate' saua doce lelaatqa so 'ec qagreta llaalec.