Efesios 4:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca só'maq nenojño' na'le, ca' chaqaiso só'maq taigue da pa'aashiguim quena piguim, qaiyi ỹomata'ta' ná'ogue nanchaqaina.

Efesios 4:10 Iomraidhean Croise

Mateo 24:34

Ỹaatqajam llic da shinac caqamiri, quiyim ná'ogue najo 'au re'oq ma'le, ma' saqa' ileu na qomyipi hueetauguilo nauajo na'xata'.

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Juan 1:16

Qomá'ogue mashic seconaxaguit dá'maq chalego lecaic lesallaxa, dá'maq lqouagaxa se neme piltalec ỹaanema qomi'.

Juan 19:24

Ca' saua ỹale' neesaho quena nouaataxanaq 'neraco': —Se sasectaqataqac. Ta'ta'a quiyim ñallitaxagui, qaiyi ỹaataq cá'maq taalec. Ca' quiyi, ca ỹaatqajam ipaquichigui dá'maq naneretañi la'qaatec ñi qota'a: “Neuagaxachiguilo saua aỹoho, qanallichiguilo, qaiyi ỹaataq cá'maq taalec.” Ca' chaqaida dá'maq 'ne'tegue na'le so ỹalliripi.

Juan 19:28

Ca co'na' ime dajo, ma' so Jesús ỹa'den quiyim dá'ogue dajo ipaquichigui, chaqai quiyim ipaquichiguilo yaua naneresañi na'qaatqa, ca 'naaco': —Yalauat na ỹaquip.

Juan 19:36

Ma' dajo 'ue qaỹovirau'a, qaiyi ipaquichigui da 'nerac naua naneresañi la'qaatqa ñi qota'a, ma' 'nerac: “Qaica ca qaỹaqaguit quena lpi'nec.”

Hechos 1:11

Ca 'neraco': —Ỹale', qamiri lase' yi Galilea, ¿chi'negue ma' ra'iitashiguim quena piguim? Sojo Jesús taigue da piguim, chicqochiguinguilo qamiri, chaqaiso so'maxare ma'le liỹa rapil, chaqai 'nejem da 'neeta quiyim nagui ra'iita'pegue' eec.

Hechos 1:9

Ca co'na' ime ỹa'xat dajo so Jesús, ca qananojshiguim, ca qai'xategue da piguim. Ca' saua reloqota'guita, ca chi ra'iishire'megue. Ca naco' so naueguelec, ca 'eco' homougui, ca tot qaiuanegue.

Hechos 2:33

Ma' ỹahote'e da loic ñi qota'olec ỹaconsop so Jesús, ca qaỹaueguegue da piguim, chaqai icoñiguit quiñi leta'a na Espíritu Santo ná'maq mashic shi'gue ỹachaxantac; ca ná'ogue ná'maq qamiri huañichigui chaqai ná'maq 'xaichigui chicqo'ot ñi'maxare.

Hechos 3:18

Qam ñi qota'olec ipacqajanchigui quedá'maq dajo, dá'maq shi'gue ỹa'xat quesó'maq la'qaataxanqajanqaipi: quiyim ma' nela' so nashi nca'laxaqui, quiyim ỹovirau'a nqai'en da le'xoric.

2 Corintios 12:2

Ỹim seuana so qom huelec so Cristo. Catorce ñaxari ỹovi' nagui quiyim so'maxare qaỹavicshi'ma ca piguim. Qam se sa'den quiyim imaashiguimo' so na'le, loqo'm 'e', qam qaiñiita ñi qota'a maq ỹa'den.

Efesios 3:19

Sashiilatac ñi qota'a, qaiyi 'yiiñii dajo ne'xorenataxanaxa, ma' da'maxare napacalec ná'ogue ná'maq seshitaq sa'deenaq, ca' qaiyi ma'le, ca' no'qaachiguilo qamiri queda no'ueenataxac ñi qota'a.

Colosenses 1:19

Ma' ñi qota'a ỹahotaco' quiyim dá'ogue dá'maq chi no'ueenataxac imaagui so Cristo.

Colosenses 2:9

Ma' dá'ogue dá'maq no'ueenataxac ñi qota'a ỹaatqajam hueetagui da nachaalataxac so Cristo.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Hebreos 4:14

So Jesús só'maq llaalec ñi qota'a chaqaisoota qaretaxaỹaxanqajnec quiyim inoxona'a retaxaỹa'pegue' ñi qota'a. Vichiguiño' ỹaatqajam ña'ñaxataq qolqatalec dá'maq seuaqlec na'qaatec.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.

Hebreos 8:1

Ca dá'maq paguec ỹapacauec nqaishinaq quedá'maq sa'xatqatac, chaqaida dá'maq 'neeta da no'ueenataxac só'maq 'oonoqui' qaretaxaỹaxanqajnec. Nagui so'maxare nqa'xantañi queda loic yi nqa'xanqa' ñi qota'a queda piguim.