Efesios 4:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' vichiguiño' saqatalo qamiri quiyim na'maxachita ma' mashic qaroỹaxanalo qamiri quiñi qota'a, ma' qaycoñiretari', sasouetapigui so qara'gaxala'.

Efesios 4:1 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 5:24

Qam ma' so Enoc quejlgoto naua laqataxaco ñi qota'olec, ca 'uo' ca na'xa'a, ca' có, qaỹo'uaatetac, ma' qai'xato' na'le quiñi qota'olec.

Jeremías 38:20

Ca' so Jeremías 'naaco': —Qam qami' ỹashi se qaraqachiriñi ma'le. Na'xaỹaxañi' qouaquiric, qami' ỹashi, queda la'qaatec ñi qara'gaxala' dá'maq sa'xatem qami', ca' qaicanqaida caqami' ma'le chaqai rca'llirec.

Hechos 9:31

Ca 'uo' da la'maxa ná'ogue ná'maq mashic ỹacoñiguit da na'qaatec neetalgoto naua 'lauari quiyi Judea, chaqai yi Galilea, chaqai qai'neeta yi Samaria. Ca na'maxare noquiiquetauec da lquesaxanaxa, chaqai ỹa'maxate'tegue ñi qara'gaxala', chaqai quedá'maq lotaanaxanaxac so Espíritu Santo. Ca noquiiquetauec ná'maq icoñiguit da na'qaatec.

Romanos 11:29

Ma' cá'maq ỹaan ñi qota'a, ca se liỹa icona, chaqai se ishit quiyim se ipacqajñigui so loỹaxanaxac.

Romanos 12:1

Ca vichiguiño' ỹaqaỹarolqa, ñi'xoresentouguilo qamiri quedá'maq le'xorenataxanaxa ñi qota'a quiyim ỹaatqajam nomachiỹalta' nañaañiỹot ñi'maxare, 'ñiitari' aca nachitaxanataxanqate ỹaatqajam nca'leetauec, quiyim 'ueenataxañiỹot chaqai quiyim ỹa'maxarente' qamiri ñi'maxare. Ca' chaqaida 'ñiita'gue quiyim lliichigui añi re'taxanatahi ca remaqajnataxanaxahi.

1 Corintios 4:16

Ca vichiguiño' ñi'xoresentouguilo qamiri quiyim quiitalec da ỹicyaxac.

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

Gálatas 4:12

Qamiri ỹaqaỹa', ñi'xoresentouguilo qamiri quiyim 'ñiita maỹim, ma' ỹim shinta maqamiri. Mesqai 'ec quiyim 'ue quet ca sauaxachii caỹim.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Efesios 3:1

Ma' chaqaida dá'maq 'neeta quiyim aỹim Pablo ñqouagaxaintac. Ma' qaycoñiretari' sasoualec so Cristo Jesús, ma' sahotaque quiyim ra'maxaiñi qamiri, ma' qamiri sqai judío lase'.

Efesios 4:17

Ma' ỹim ña'deetau'a so qara'gaxala', ca' 'ue da shinac chaqai saqatalo qamiri quiyim totqai 'ñiita dá'maq 'neetari' ná'maq saqa' ỹauanapega ñi qota'a, ma' na'maxare queeta'pegue' ná'maq qaica ca 'negue chi la'deenataxanaxac,

Efesios 4:4

'Ue so 'oonoqui' noshicmaxa lapohitagui, chaqai 'oonoqui' so Espíritu Santo. Ca' qai'neeta roỹaxanalo qamiri ñi qota'a, qaiyi 'oonoqui' ca naquitaxaguii.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

Filipenses 3:14

qaiyi sovirau'a cá'maq naloqojnec chaqai quiyim ỹaueguec cá'maq ỹachaxantac ñi qota'a quiyim roỹaxanta'lo qomi' queda piguim quiyim seconaxaguit, ma' ña'daqatau'a so Cristo Jesús.

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

Colosenses 2:6

Vichiguiño' quedá'maq 'ñiitari' na' coñiguit so qara'gaxala' Jesucristo, ca' chaqaida 'ñiitari' na'yiitau'a so'maxare,

Colosenses 4:12

Ilatalo qamiri da liquinaxanaxac ñi Epafras. Ñi'maxare qai'neeta lelaatec so Jesucristo, chaqai qai'neeta chicqotouguilo qamiri na'le. Ñi'maxare ỹaatqajam se neme nqouagaxainteguelgoto quen qamiri, qaiyi qaica ca se no'uen ra'deenataxanaxaguii. Ta'ta'a quiyim ỹaatqajam nañaañita quiyim 'viichii cá'maq ỹahotaque ñi qota'a.

1 Tesalonicenses 2:12

Chaqai saqataxalo qamiri quiyim ỹaatqajam quiijlec da leloxoỹaxac ná'maq mashic queeta'pegue' ñi qota'a, ma' roỹaxanalo qamiri, qaiyi viriỹau'a nqai'en da lo'ueenataxanaxac ma' ỹoiquentac ná'ogue najo chaqai da lichoxoric.

2 Tesalonicenses 1:11

Ca' chaqaida dá'maq 'em quiyim qomi' ñqouagaxainqatalgoto qamiri, sashiilqatac ñi qota'a quiyim ỹa'maxate'teque qamiri mashic qamiri loỹaxanqate'. Chaqai sashiilqatac ñi qota'a, ma' ñí quesaxanaxaic quiyim ipacqajanchigui ná'ogue ná'maq no'uen viitaque qamiri, chaqai ná'maq 'viichitac queda rpi'ỹaxaguii.

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.

Tito 2:10

Chaqai se rocachi. Qaidaata quiyim ỹaatqajam npe'eet, qaiyi ná'ogue iuana da no'ueenataxac quiyim 'xoic loyac nqohin da napaxaguinataxac quena' qaỹa'xatetac da la'qaatec ñí'maq qarca'laxaqui qota'olec.

Hebreos 13:21

ca ñi'maxare ỹaatqajam naloqojonchiriñi qamiri, chaqai no'ueenaxat da no'ueenataxaguii quená'ogue, qaiyi 'viichii cá'maq ỹahotaque, chaqai quiyim ỹo'uet ñi'maxare coqomi' cá'ogue cá'maq ỹahotaque, chicqochigui nqai'en so Jesucristo. ¡Ca' se neme qaimaqachintac so Cristo! Ajá'a, ca' chaqaida 'neeta dajo.

Hebreos 3:1

Vichiguiño' qamiri ỹaqaỹa', ma' mashic qamiri lca'acse' ñi qota'a chaqai roỹaxanalo qamiri quiyim qamiri lalamqate', ca ỹaatqajam ra'ijlec so Cristo Jesús só'maq nelaatec quiyim qara'gaxala' quiyim retaxaỹa'pegue' ñi qota'a chicqochigui quiyim seuaqlec da na'qaatec.

1 Pedro 2:11

Qamiri ỹaqaỹarolqa, ñi'xoresentouguilo qamiri, 'ec ỹoqa'a ca chigoxoỹa'gue nqaishin, quiyim sqai quii'uegue da se no'uen lamaanaxanqachic na roshicmaxahi, ma' na'maxare nco'uaata'pegue' da nachaalataxaguii.

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.

2 Pedro 1:3

Ñi qota'a ỹachigoxochichigui dá'maq chi lquesaxanaxa quiyim ỹaanema qomi' ná'ogue ná'maq souenqataque queda qanachaalataxac chaqai quiyim ỹaatqajam ñañaanqot ñi'maxare, ma' ỹo'uet quiyim sa'deenaq so Cristo só'maq roỹaxanalo qomi', ỹahote'e da chalego lecaic lquesaxanaxa chaqai da chalego loyac lo'ueenataxanaxac.

2 Juan 1:5

Ca' qami' ỹaqaỹa, nagui ñi'xoresene'tot qami' quiyim ñi'xorenaqta'. Dá'maq shiriñi nagui caqami' mesqai dalaxaic nelaataxanaxac, ma' qaidaata dá'maq qohinapegalo qomi' na' ñaqai chita'gue seconaxaguit da na'qaatec.