Efesios 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Efesios 3:8 Iomraidhean Croise

Salmos 31:19

¡Chalego lecaic da rqouagaxa'e' quená'maq imaqachin qami'! 'Maxachisac da'maxare, 'ec nqai'ñi' ca nouenec 'xoic loyac, chaqai iuanchigui nqai'ñi' na qomyipi, ma' huagaxachirec quená'maq pi'ỹa'a qami'.

Lucas 14:22

Ca co'na' mashic shi'gom, ca lotqai novi' so nelaatec, ca' ra'qaataxan, 'naaco': “Qami' ña'co', mashic shi'gue so'uet da relaataxanaxaqui', qam qaiyiita 'ue nedaaqa'.”

Juan 1:16

Qomá'ogue mashic seconaxaguit dá'maq chalego lecaic lesallaxa, dá'maq lqouagaxa se neme piltalec ỹaanema qomi'.

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

Romanos 11:33

¡Ỹaatqajam chalego lecaic da lqouagaxa ñi qota'olec, chaqai da la'deenaxanaxa, chaqai qaỹaataq ca ỹa'den! Chaqai se sa'deenaq quiyim sa'xataxe' naua na'deenaxaco, chaqai vire'ta se sa'deenaxe' naua nayicyaxaco.

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 15:9

Ma' ỹim qaica ca imaqachic, sqai shinta só'maq liỹa lelaatqaipi so Jesús, chaqai sqa taiguit quiyim qaỹamatahic ỹim lelaatec so'maxare, ma' socantac quen na'le ná'maq huelec ñi qota'a.

1 Corintios 2:9

Qalaxam taachigui dá'maq naneretañi na'qaatec, 'naac: Ñi qota'a ỹa'maxatetañi quiyim ỹaanem ná'maq nqo'ta ñi'maxare, quená'maq qaica ca iuana chaqai 'xaỹa, chaqai vire'ta se ỹa'deentapega.

Gálatas 1:16

ca ỹo'uet quiyim seuana so llaalec, qaiyi sa'xat da na'qaatec chicqaugui da nca'laxa quená'maq mesqai judioipi. Qam cana' 'ue dajo, qaica ca shicpegue' quiyim senat.

Gálatas 2:8

Ca chaqaiñiita ñí'maq qota'a ỹo'uet quiyim aỹim nelaatec queso Jesús, qayilarelec na sqai judioipi, 'nejem so Pedro na' qailarelec na judioipi.

Efesios 2:7

Dajo 'ne'tegue, ma' ỹahotaque ỹachaxan quenauá'maq naasaho na'xata' dá'maq chalego lecaic le'xorenataxanaxa coqomi', chaqai da lqouagaxa coqomi' chicqochigui nqai'en so Cristo Jesús.

Efesios 3:1

Ma' chaqaida dá'maq 'neeta quiyim aỹim Pablo ñqouagaxaintac. Ma' qaycoñiretari' sasoualec so Cristo Jesús, ma' sahotaque quiyim ra'maxaiñi qamiri, ma' qamiri sqai judío lase'.

Efesios 3:16

Chaqai sashiilatac ñi qota'a quedá'maq chalego lecaic lesallaxa quiyim ỹaanema qamiri ca na'ñaxac chaqai ca nquesaxanaxa hueetauguilo nqai'ne' qamiri, chicqochigui nqai'en so ne'Espíritu,

Efesios 3:19

Sashiilatac ñi qota'a, qaiyi 'yiiñii dajo ne'xorenataxanaxa, ma' da'maxare napacalec ná'ogue ná'maq seshitaq sa'deenaq, ca' qaiyi ma'le, ca' no'qaachiguilo qamiri queda no'ueenataxac ñi qota'a.

Efesios 3:2

Ca' nalootañi quiyim 'yiiñii dá'maq lqouagaxa ñi qota'a na' yilarelec dá'maq so'ueetetac ma' ỹahotaque quiyim ra'maxaiñi.

Filipenses 2:3

Chaqai mesqai 'ue ca naquichitaque quiyim 'ue ca 'viichii chaqai quiyim nemaqajñii. Ta'ta'a ca ne'xoresenaxaguii, chaqai quiñi 'óna paguec gueme nqai'en ca liỹa queca'maxare.

Filipenses 4:19

Ca' ñi qota'olec ỹaanema qamiri ma'le ná'ogue ná'maq liỹa viñitaque, ỹachigoxochichigui dá'maq qaica 'nejem lauaq lesallaxa hueeto'ot nqai'en so Cristo Jesús.

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

1 Timoteo 2:7

Ca' chaqaida dá'maq dajo quiyim ñi qota'a ỹa'ue quiyim aỹim la'qaataxanqajnec chaqai lelaatec, quiyim sapaxaguinegue da 'neeta da npi'ỹaxac chaqai dá'maq ỹaatqajam llic leloxoỹaxac ná'maq mesqai judío laseripi. Ma' ỹim mashic seuelec so Cristo, ca' ỹaatqajam llic dá'maq sa'xatetac. Se ña'majan.

2 Timoteo 1:11

Ñi qota'a ỹanagui quiyim aỹim la'qaataxanqajnec quiyim sa'xatetac dajo na'qaatec. Chaqai ỹamaxailec quiyim sapaxaguin na mesqai judío laseripi.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.