Efesios 3:6 - La'qaatqa ñi qota'olec Qota'olec & Qota'olec Novita Na Qomyipi

⁶ Dajo se re'xogui leloxoỹaxac 'neetasa': quiyim chicqochigui nqohin da na'qaatec chicqaugui da nca'laxa quiyim ná'maq sqai judioipi qai'neeta icoñiguit dá'maq ỹachaxantac ñi qota'a, 'nejem nqohin ná'maq judioipi, chaqai qai'neeta ỹalecau'a so loshicmaxa so Cristo, chaqai qai'neeta ỹalecau'a ná'maq ỹachaxantac ñi qota'a queso Cristo Jesús.

Efesios 3:6 Iomraidhean Croise

1 Corintios 12:12

Ma' so Cristo 'nejem ca 'oonoqui' noshicmaxa, qam 'xoic na louenqaipi. Ca 'eno'm 'xoic, qam inoqueta'ta' queso 'oonoqui' noshicmaxa.

1 Corintios 12:27

Ca chaqaqamiri nauá'maq louenqa so loshicmaxa so Cristo, ca quiñi 'óna caqamiri na'yiitau'a so noshicmaxa.

Gálatas 3:14

Ca 'uo' na'le dajo, qaiyi dá'maq lqouagaxa ñi qota'a ỹachaxantac na'le queso Abraham quiyim qoỹaanec quena mesqai judioipi, qam chicqochigui nqohin so Cristo Jesús; qaiyi qomá'ogue seconaxaguit so Espíritu Santo ỹachaxantac na'le ñi qota'a, chicqochigui nqai'en da qarpi'ỹaxac.

Gálatas 5:24

Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Efesios 3:3

Ca' ñi qota'a ñi ỹachaxañim da leloxoỹaxac dá'maq se re'xogui lo'ueenataxanaxac, ca ya'deenaxanaxanegue, ca shi'gue 'ue ná'maq cocho'qui' shiriñi caqamiri.

Efesios 5:30

ma' chi loshicmaxa. Ca chaqai qomi' louenqa sojo noshicmaxa, 'ec qomi' la'aachi' chaqai lpi'naqa.

Efesios 5:7

Ca' vichiguiño' se lapohita'guit ná'maq 'neetari' dajo.

Colosenses 2:19

Na'maxare ỹoqota'oga queso Cristo só'maq lqahic na mashic icoñiguit da na'qaatec. Chaqai nqo'naxatetashiguim, ỹahotaque da lquesaxanaxa, chaqai ỹo'xonta' ná'maq ỹoreta'oguit louenqaipi, ipaquichigui nqai'en dá'maq ỹahotaque ñi qota'a.

1 Juan 1:3

Sa'xatqatac só'maq seuanaxa qomi' chaqai sa'xaỹaxa, qaiyi qamiri na'yiiu'alo qomi', 'nejme' qomi' quiyim ỹaatqajam ña'daqatau'a ñi qota'olec chaqai so llaalec Jesucristo.

1 Juan 2:25

Ca' chaqaida dá'maq ỹachaxantac na'le so Jesucristo quiyim ỹaanema qomi' da nca'laxa sqaica lqodoc.