Efesios 3:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' nagui, ca' semaqachinaq ñi qota'a ñí'maq 'ue da lquesaxanaxa quiyim ishit ỹapacqajnauec cá'maq ỹo'uet quecá'maq sashiilaxanqataque, loqo'm ca sa'deenqataque, chicqochigui nqai'en da lquesaxanaxa hueetauguilo qomi', ro'ueenataxantac.

Efesios 3:20 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 18:4

No'm 'maxariñite', ca' sashiilaxanaque ca huaxaỹaq, qaiyi quiỹohi' naua qapiaachiri. Ime, ca' nco'machiuec quena la'al ada qo'paq.

2 Samuel 7:19

Ca ¡'eco' cocho'qui' nqai'ñi' dajo, qami' ỹa'gaxala', vire'ta quiyim choxochisa'guit cá'maq ñaqai naata no'ueenataxanaxac quiyim nashi ma'le na ỹaalqaipi, ma' ỹim relaachiqui'! ¡Ỹaatqajam qaica ca qom ishit ỹo'uet dajo, 'nejem qami' ỹa'gaxala'!

1 Reyes 3:13

Chaqai qai'neeta saanem qami' da nesallaxa chaqai da remaqachiqui', ná'maq sqai shiilaxañiraque, qaiyi quedá'ogue da nachaalataxaqui' qaica ca nashi 'nejem qami'.

Éxodo 34:6

Ca co'na' que'tot so Moisés, ca 'uo' da 'naac, qam netenegue da la'qaatec: —¡Na na'gaxala'! ¡Na na'gaxala'! ¡Na'maxare qota'olec sotaxaraic chaqai 'xorenataxanaxaic, hualaxauaic, chaqai ỹaatqajam chalego lecaic da lqouagaxa quena qomyipi, chaqai ipacqajanchiguilo naua la'qaatqa quena' 'ue da 'naac! (34.7-27 Ñi qota'olec liỹa nadalaxashiguim da na'maqataxac)

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Isaías 35:2

ca 'ue ana lenoỹaxai 'nejem ana peue lirio, no'xagui ma'le queda toonaxac chaqai da naỹaac. Ñi qota'olec chalego loyac nqai'en 'nejem ma'le yi 'laua Líbano, chalego lo'ualaxa ma'le 'nejem yi quemarelec Carmelo chaqai yi ca'megue Sarón. Ná'ogue iuana ma'le da lauaq ñi qara'gaxala', da lecaic quiyim nashi ñi qota'olec coqomi'.

Daniel 3:17

Ñi qota'olec coqomi', ñí'maq ñqouagaxainqatacot, ñi'maxare ishit quiyim qarca'laxatec quena lauaq ñi nqatelaxanaxaqui chaqai quená'ogue ná'maq se no'uen vi'saque 'ñiteteguelo qomi', qami' qarashi, ca ñi qota'olec qarca'laxatec ma'le.

Daniel 6:20

Ca co'na' so nashi ipalataxaso'ma añi tema, ca 'ue da lachicoxo, roỹaxantaxaso'ma so Daniel, 'naaco': —Daniel, qami' lelaatec ñi nca'leetauec qota'olec, ¿ishit ñi'maxare nca'laxatec qami' quena sauaxaic leta'allipi, ma' qami' 'ỹaañisacot da no'ueenataxaqui' ñi'maxare?

Mateo 3:9

Qam 'neeto' lotqai hueetapigui qavillii quiyim 'ñiỹac: “Qomi' llaalqaipi so Abraham.” Ma' ỹim shinac ñi qota'a ishit ỹo'uet ca llaalqaipi so Abraham, ỹachigoxochichiguilo nauajo qari.

Juan 10:10

Ca cuataxai chaqaidaata naga'a da locuataxac, lalauataxanaxac, chaqai da leuacqataxanaxac; qam ỹim ñanac, qaiyi 'ue da lca'laxa na'maxare, chaqai 'xoic ma'le da lca'laxa.

Romanos 16:25

Ca' nagui semaqachinqatac ñi qota'a ñí'maq ishit ỹa'ñaxat ca rpi'ỹaxaguii, nachiñi'chiguit nqai'en da na'qaatec chicqaugui da nca'laxa, dá'maq sa'xatetac quena' sapaxaguinataxanta'pegue queso qara'gaxala' Jesucristo. Ca' dajo nachiñi'chiguit dá'maq ỹahotaque ñi qota'a quiyim qara'deenaxanaxanegue dá'maq se re'xogui lo'ueenataxanaxac, dá'maq ỹa'maxat ỹoxotetañi na' saqa'leca na 'laua.

Romanos 4:21

quiyim ỹaatqajam i'taxachichiguiñi quiyim ñi'maxare 'ue da lquesaxanaxa quiyim ỹo'uet ipacqajanchigui dá'ogue dá'maq ỹachaxantac.

1 Corintios 2:9

Qalaxam taachigui dá'maq naneretañi na'qaatec, 'naac: Ñi qota'a ỹa'maxatetañi quiyim ỹaanem ná'maq nqo'ta ñi'maxare, quená'maq qaica ca iuana chaqai 'xaỹa, chaqai vire'ta se ỹa'deentapega.

2 Corintios 9:8

Ñi'maxare ishit ỹaanema qamiri ná'ogue nanchaqaina ỹaleque'ejta' lqouagaxanaxat, qaiyi qaica ca viñitaque quenanchaqaina roviñiguii; chaqai paguec, qaiyi shichii taanaxañii quecanchaqaica 'maxaraic no'ueenataxanaxac.

Efesios 1:19

chaqai chalego lecaic chaqai sqaica ca lqodoc da lquesaxanaxa dá'maq ro'ueenataxantac coqomi' ma' seuaqlec ñi'maxare. Ca' dajo nquesaxanaxa chaqaidaata dá'maq ỹachaxantac ñi qota'a qaica nqai 'nejem nqai'en da lquesaxanaxa,

Efesios 3:7

Ca' ỹaatqajam qaica ca sahotaque chi yi'laqac, qa' mashic qailarilec da na'qaatec. Qam da'maxare chicqochigui da lquesaxanaxa ñi qota'a.

Colosenses 1:29

Ca' chaqaida dá'maq 'em quiyim ña'ñaxat, so'ueenataxan quedá'maq ỹa'ñaxac chaqai da iquesaxanaxa chicqo'ot so Cristo.

1 Timoteo 1:14

Vichiguiño' da lqouagaxa so qara'gaxala' ỹaatqajam 'xoic lecaic caỹim, chaqai liỹa da npi'ỹaxac chaqai da ne'xorenataxanaxa hueetauguilo qomi', ma' ña'daqatau'a so Cristo Jesús.

Hebreos 11:19

Ma' so Abraham ỹaatqajam ỹa'deenta quiyim ñi qota'a 'ue da lquesaxanaxa quiyim liỹa nca'laxatec na leuaxaiquipi. Ca dá'maq leloxoỹaxaco' na'le dajo, 'ec quiyim so Abraham liỹa icoñiguit so llaalec chicqochiguingui yi leuaxaiquipi.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

Santiago 4:12

Ma' 'oonoqui' ñí'maq ỹaanec dá'maq naqataxaquipi, ca' chaqaiñi ñí'maq imitac ná'maq nasauaxaset, chaqai chaqaiñi ñí'maq ca'laqataxan chaqai ralauataxan. Qam qami' ¿negue' queto' qami' quiyim michi'sac queca lasauaxaset ca riỹa'e'?

2 Pedro 1:11

Qaiyi ỹaatqajam qaica ca quepaqchiguita qamiri quiyim noxoñiu'a da sqaica lqodoc lo'ueenataxanaxac so qara'gaxala' chaqai qarca'laxaqui Jesucristo ma' ỹoiquentac ná'ogue najo.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.