Efesios 3:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

Efesios 3:17 Iomraidhean Croise

Mateo 13:6

Qam co'na' nenoxonshiguim añi ra'aasa, ca co'na' pa'eelec, ca rashivi, ma' qaicaua caua lpa'yii. Ca ỹaso.

Lucas 6:48

ca'maxare 'nejem ca ỹale quiyim ỹo'uet ca lauo', ca' 'au quiyim ri'ỹaxan, ỹaatqajam qoỹoqochi'ñigui nqai'en ca li'ỹac. Ime, ca' pa'xanañi ca qa', ca' no'xonshiguim ca 'imec. Ca co'na' ỹovita nqo'ñishiguim aso lachiugue, ca' anac na huaxaỹaq ỹaatqajam quesaxan na lo'paxa quiyim ỹouaxanot cajo 'imec. Qam se ishit idaxanac, ma' so 'imec no'xontalec nqohin so qa'.

Juan 14:17

so Espíritu só'maq ichoxot dá'maq ỹaatqajam lliqueta. Na qomyipi hueetalec na 'laua se ishit icoñiguit, ma' se iuana chaqai se ỹa'den. Qam qamiri mashic huañiỹa, ma' mashic hueeto'oto qamiri, chaqai chaqa'ma' liyi no'ueeno'oto qamiri.

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

Juan 17:23

Ỹim quenaua'maxare, chaqai qami' caỹim, qaiyi naua'maxare ỹovirera'a quiyim 'ec 'oonoqui', qaiyi quedajo, ca' na qomyipi hueetalec na 'laua retan quiyim qami' yilachi', chaqai quiyim ỹaatqajam 'xoriñi', 'nejem dá'maq re'xorenataxanaxa'e' caỹim.

Juan 6:56

Cá'maq ỹa'ic na ỹoshicmaxa chaqai ni'chiguilo naua iuo', ca'maxare na'deetau'a aỹim chaqai aỹim qai'neeta queca'maxare.

Romanos 5:5

Ca' dajo qanaquitaxac se ỹo'uet ca qarayiloxo, ma' ñi qota'a no'xataxachiguilo naua qare'taxanata queda le'xorenataxanaxa, chicqochigui nqai'en so Espíritu Santo ma' mashic ỹaanema qomi'.

1 Corintios 3:6

Aỹim na'le sanñi da no'ueenataxanaxac, ca' na'le lotqai anac so Apolos, ca ỹocorelec, qam ñí'maq qota'a maq ỹo'uet da lañaqtaxac.

1 Corintios 8:1

Ca' nagui sa'xatema qamiri ca leloxoỹaxac ca na'ic mashic qanqouagaxainlec quiyim qoỹaanot ca nashiilec nqolac. 'Nesa ma' llic quiyim qomá'ogue sa'deenqachigui dajo, qam da qara'deenaxanaxa tai'a nqai'ne' qomi' da nque'guenataxanaxac. Qaidaata da ne'xorenataxanaxa ỹo'uet da qarañaqtaxac.

2 Corintios 13:5

Ca' chi na'ajñiỹalta' qamiri ma'le, qaiyi 'yiiñii quiyim ỹaatqajam llic 'ue ca rpi'ỹaxaguii. Ñaq ni'guiñiỹalta'. ¿Se retañio' quiyim so Jesucristo hueetauguilo qamiri? Ta'to'o' no'm sqai ỹaatqajam llic coñiguit da na'qaatec.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

Colosenses 2:7

'ec 'vii lpa'yii da nachaalataxaguii na'yiitalec so'maxare, chaqai queda rpi'ỹaxaguii 'ec no'xoñiitalec so'maxare. Ma' chaqaida dá'maq qaỹapaxaguinguelo qamiri na'le, ca' se neme 'ỹaañitacot da na'aachicyaxaguii ñi qota'a.

1 Juan 4:16

Ca' quiyi, ca ỹovita quiyim sa'deenaq chaqai seuaqlec quiyim ñi qota'a qare'xoren. Ma' ñi qota'a 'xorenataxanaxai. Ca cá'maq hueetagui da nachaalataxac ca ne'xorenataxanaxa, ca' da nachaalataxac hueeto'ot ñi qota'a chaqai ñi qota'a hueeto'ot ca'maxare.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.

Apocalipsis 3:20

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.