Efesios 3:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ ñí'maq chicqo'ot quiyim qaicoñiguit da leenaxat quená'maq ỹoreta'oguit qomyipi neetalec na 'laua chaqai ná'maq lelaatqaipi hueeto'ot na piguim.

Efesios 3:15 Iomraidhean Croise

Hechos 11:26

Ca 'óna ñaaxa nera'ñi, ỹalequesaugui so mashic ỹacoñiguit da na'qaatec, rapaxaguinataxanta'pe quena qom. Ca chicqochi'ño' yi Antioquía na' 'au qaỹa'ue da leenaxat ná'maq ỹacoñiguit da na'qaatec, qoỹanegue Cristo nalliripi.

Efesios 1:10

Ca' dajo ỹaatqajam qaica ca taỹa'gue, ta'ta'a quiyim ipaquichigui ma' ỹovita ca laloqo', ma' ñi qota'a ỹomato'ot ma'le quiyim so Cristo ỹoiquentac ná'ogue nanchaqaina, quená'maq hueeto'ot na piguim chaqai ná'maq hueetalec na 'laua.

Efesios 1:21

ca' pa'xanashiguim napacalec nqai'en ná'ogue na nquesaxanaxa, ná'maq relaataxanac, nashillipi, na'gaxalateripi hueeto'ot na piguim, chaqai ná'ogue ná'maq 'ue ca qaỹamata'gue, quenauá'maq seuqatauguilo na'xata', loqo'm quenaua naasaho na'xata'.

Efesios 3:14

Ca' vichiguiño', ca' ỹim sa'yiichiriñi naua i'cootal ñqouagaxaintacot ñi leta'a so qara'gaxala' Jesucristo,

Efesios 3:16

Chaqai sashiilatac ñi qota'a quedá'maq chalego lecaic lesallaxa quiyim ỹaanema qamiri ca na'ñaxac chaqai ca nquesaxanaxa hueetauguilo nqai'ne' qamiri, chicqochigui nqai'en so ne'Espíritu,

Colosenses 1:20

Chaqai ñi qota'a qai'neeta ỹahotaque quiyim ỹachigoxochichigui so Cristo quiyim ỹa'ue da la'maxa ná'ogue nanchaqaina, quená'ogue ná'maq hueetalec na 'laua, chaqai ná'maq hueeto'ot na piguim. Ca ỹo'uet da na'maxa, ỹachigoxochichigui da lelauaxa so Cristo co'na' qaipateno queso npatenaxala'.

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 3:12

Ca cá'maq rauegaxan, ca' ỹim 'ec nqaishin aca nenojnaxa quiyim nolliitañi ñi lauo' ñi qota'olec, ca' totqa nac quiyi'maxare. Ca' quecaua'maxare serelgoto ma'le da leenaxat ñi qota'olec chaqai da leenaxat yi la'a' ñi'maxare, yí'maq dalaxaic Jerusalén chicqa'gue da piguim, chicqo'ot ñi qota'olec. Qai'neeta serelgoto ma'le caua'maxare ca dalaxaic ỹeenaxat.