Efesios 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Chaqai chicqochigui so Cristo, ca' seuacqachiguiñi quiyim ñqo'naxau'a ñi qota'a, ma' 'ue da qarpi'ỹaxac queso'maxare.

Efesios 3:12 Iomraidhean Croise

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Romanos 3:22

Dá'maq 'neeta quiyim icoñi'chiguita qomi' ñi'maxare chicqochigui quiyim qomi' 'ue da qarpi'ỹaxac queso Jesucristo. Ca' chaqaida 'ne'tegue quená'ogue ná'maq huelec so'maxare, qaica ca ỹapacqajnauec.

Romanos 5:2

Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

2 Corintios 3:4

Qam ỹaatqajam shinqac dajo, ma' da qarpi'ỹaxac quiñi qota'a ỹaatqajam chicqochigui so Cristo.

Efesios 2:18

Ma' chicqochigui nqohin so Cristo, ca ná'ogue ná'maq judío chaqai ná'maq sqai judío quiyim ñqo'naxau'a ñi qota'a, chicqochigui nqohin so Espíritu Santo.

Hebreos 10:35

Ca' vichiguiño' qaica ca ro'chiitaque, ma' chalego lecaic ma'le ca nishiuetenaxaguii.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Juan 2:28

Ca' nagui qamiri ỹaalqolqa, quiitalec quiyim na'yiitau'a so Cristo, qaiyi 'ue ca qarpe'e ma' ỹovita quiyim nachaxan, chaqai qaica ca qarayiloxo ma' novi' so'maxare.

1 Juan 3:21

Ca' vichiguiño' qamiri ñauochaxaua' ỹaqaỹa', no'm añi qare'taxanata qaica ca re'oq nqai'en qarasauaxaset, ca' ỹaatqajam qaica ca huapigui qouel quiñi qota'a.