Efesios 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qohine'teco' na'le dajo, qaiyi quená'maq mashic icoñiguit da na'qaatec chicqochigui ma'le quiyim ná'ogue ná'maq nquesaxanaxa chaqai ná'maq relaataxanac quena piguim iuana da la'deenaxanaxa ñi qota'a quená'ogue nanchaqaina leloxoỹaxaquipi.

Efesios 3:10 Iomraidhean Croise

Salmos 103:20

¡Maqachiñii ñi qara'gaxala', qamiri nelaatqaipi piguim laseripi! Qamiri ma' 'viichii' nauá'maq qaramaxailgoto, qamiri ma' na'maxachitañi quiyim na'xaỹaxañita.

Salmos 104:24

¡Ỹaatqajam 'xoic na ro'ueenachiqui', qami' ỹa'gaxala'! Ná'ogue na'maxare chicqochigui da ra'deenaxanaxa'e'; ¡ná'ogue na 'laua no'qajlec quená'maq ro'ueenachiqui'!

Ezequiel 3:12

Ca na'le, ca' da lquesaxanaxa ñi qota'olec yi'xajshiguim, ca' queda sqoshiita'gue 'ue so sa'xaỹaque 'ec na nalataxa da lelamaxa na' nachipishiguim da lquesaxanaxa ñi qara'gaxala'.

Romanos 11:33

¡Ỹaatqajam chalego lecaic da lqouagaxa ñi qota'olec, chaqai da la'deenaxanaxa, chaqai qaỹaataq ca ỹa'den! Chaqai se sa'deenaq quiyim sa'xataxe' naua na'deenaxaco, chaqai vire'ta se sa'deenaxe' naua nayicyaxaco.

Romanos 8:38

Ca' ỹaatqajam se'taxachichiguiñi quiyim qaica ishit quiyim ỹoỹooterec qomi' queda le'xorenataxanaxa ñi qota'olec coqomi'. Da nelauaxa, chaqai da nca'laxa, chaqai na nelaatqaipi chicqashiguim, chaqai na na'ñaxaquipi chaqai na nquesaxanaxa se re'xogui, chaqai naua seuqatauguilo na'xata' chaqai ca ñaqa naata,

1 Corintios 1:24

Qam quená'maq qota'a loỹaxanqateripi quena judío laseripi chaqai na mesqai judío, na'maxare ỹa'deenta quiyim so Cristo chaqaiso so lquesaxanaxa chaqai la'deenec ñi qota'a.

1 Corintios 2:7

Qaidaata dajo na'deenec sa'xatqatac, dá'maq se re'xogui chicqo'ot ñi qota'a. Da'maxare chaqaido' da ỹahotaque ñi'maxare na' saqa'leca na 'laua na' ỹahotaque da qarca'laxa sqaica lqodoc.

Efesios 1:21

ca' pa'xanashiguim napacalec nqai'en ná'ogue na nquesaxanaxa, ná'maq relaataxanac, nashillipi, na'gaxalateripi hueeto'ot na piguim, chaqai ná'ogue ná'maq 'ue ca qaỹamata'gue, quenauá'maq seuqatauguilo na'xata', loqo'm quenaua naasaho na'xata'.

Efesios 1:23

Ma' ná'maq mashic icoñiguit da na'qaatec chaqaina ná'maq loshicmaxa so Cristo, ca naloochiguiñi nqai'en so Cristo. Chaqai so'maxare naloqojonchiguiñi quená'ogue nanchaqaina.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

Efesios 1:8

Ñi qota'a ỹachaxan da le'xorenataxanaxa chalego lecaic, ỹaante'ema qomi' da na'deenataxanaxac quiyim 'ue ca sa'deenaq,

Efesios 6:12

Ma' se seloquiaqata'pegue' ca chaqai qom qara'aajshaxaua, ta'ta'a ná'maq lquesaxanaxa se re'xogui na se no'uen hueeto'ot na piguim, ná'maq relaataxanac chaqai 'ue da lquesaxanaxa, chaqai ỹoiquentac ná'maq ñaqai hueetaugui na napalaxa quenajo 'laua.

Colosenses 1:16

Ma' ỹachigoxochichigui so'maxare na'le, ca' ñi qota'a ỹo'uet ná'ogue nanchaqaina quená'maq 'ue quena piguim chaqai quena 'laua; ca' 'ue ná'maq se re'xogui, chaqai ná'maq re'qoochigui, chaqai na relaataxanac, nashillipi, na'gaxalateripi, chaqai na nquesaxanaxa se re'xogui; ná'ogue chicqochigui nqohin so'maxare. Chaqai ná'ogue chi lalamaxareteripi so'maxare.

Colosenses 2:10

Ca' nagui ỹaatqajam no'qaachiguilo qamiri queda no'ueenataxac ñi qota'a, ma' na'yiitau'a so Cristo. So'maxare chaqaiso só'maq napacalec ná'maq nashillipi chaqai ná'maq nquesaxanaxa se re'xogui.

Colosenses 2:15

Ma' so Cristo co'na' ileu na' qaipateno queso npatenaxala', ca' loxonec ná'maq nashillipi chaqai ná'maq nquesaxanaxa se re'xogui. Ca' qaỹauanchigui quiyim qaica ca 'negue nqai'en na' ỹauec 'ec lcoñiitecseripi na' rauegaxan.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.