Efesios 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Ma' chaqaida dá'maq 'neeta quiyim aỹim Pablo ñqouagaxaintac. Ma' qaycoñiretari' sasoualec so Cristo Jesús, ma' sahotaque quiyim ra'maxaiñi qamiri, ma' qamiri sqai judío lase'.

Efesios 3:1 Iomraidhean Croise

Lucas 21:12

Qam ma' saqa' re'xoi' naua'que nauajo, ca qaỹaconlgoto qamiri ma'le, chaqai qaỹocana'pe qamiri ma'le. Ime, ca' qaỹodou'alo qamiri na lapoxoqui' na judioipi, ca qaimite' qamiri. Ca' qaicoñite' qamiri, chaqai qaỹauegueu'alo qamiri na nashillipi chaqai na lotauaripi, ma' soviỹalec ma'le da ỹeenaxat.

Hechos 21:33

Ca' so nouaataxanaq lashi nqo'neu'a so'maxare. Ca' coñi' so Pablo, relaataxanlec qaicoñi' quesaua dos carénas. Ime, ca' renataxan negue' so'maxare, chaqai negue' ca lasauaxaset.

Hechos 23:18

Ca' so nashi lotaua ỹauec so ne'nec, ỹauega'a so nashi, ca 'naaco': —Ñi ncoñiiteguesec leenaxat Pablo roỹaxana aỹim, ỹahotaque ñauego najo ne'nec, ma' 'uo' ca la'qaataxanaxac.

Hechos 26:29

Ca' so Pablo lotqai 'naaco': —Queca cocho'qui' loqo'm queca 'xoic, saxanchi' mesqaqamite' nqai'en ñi qota'olec, ta'ta'am ná'ogue ná'maq na'xaỹaxantapiguiỹa' nagui ỹovira'a quiyim 'nejem aỹim, qam quiyim sqaicaua caua 'nejme' nauajo iqueete'.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

2 Corintios 1:6

Vichiguiño' no'm 'ue ca qare'xoric qomi', ca 'eco' chaqaida chicqochigui quiyim qamiri 'ue ca na'ñaaqataxaguii chaqai da rca'laxahi. Chaqai no'm ñi qota'a ñí'maq ỹa'ñaxateta'pe qomi', ca' qaỹahotaque quiyim qamiri 'ue ca na'ñaaqataxaguii chaqai da rca'laxahi, qaiyi shichii neualaxaviñi'e' quiyim na'ñaxachiiguit ca re'xoriguii 'nejem ná'ogue ná'maq qare'xoric sovirqa'guit.

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

2 Corintios 11:23

¿Na'maxare peeta'a lelaatqaipi so Cristo? Qam ỹim sapacauec quena'maxare, 'eno'm 'ec ỹim hualoxonaq quiyim shinac dajo. Ma' paguec da ỹo'ueenataxanaxac quena'maxare, paguec da ñouaxanaxac quena'maxare, chaqai paguec da ñcoñiitaxac, chaqai 'xoic seuetaugui da lichic da nelauaxa.

Gálatas 5:11

Qamiri ỹaqaỹa', dá'maq 'neeta caỹim, ma' quetqai ñaqai shiqueteguelec quiyim qaỹa'ue ca netanec na loshicmaxa na qom, ca' se yocantac quet nagui na judioipi; ma' queta' 'neeta dajo, ca' dá'maq na'qaatec quet na' qaipateno so Cristo se ro'o quet nqai'en na judioipi.

Gálatas 5:2

Nagui, ca na'xaỹaxañiua'. Aỹim Pablo shinapegalo qamiri nagui, no'm 'maxariñita quiyim qaỹa'ue ca netanec na roshicmaxahi, ca' qaica ca 'negue nqai'ñii so Cristo.

Gálatas 5:24

Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Efesios 3:11

Ca' dajo ỹo'uet ñi qota'a, qam nachiñi'chiguit nqai'en dá'maq sqaica lqodoc ỹahotaque ñi'maxare, ca ipaquichigui imigui nqai'en queso qara'gaxala' Jesucristo.

Efesios 3:13

Ca vichiguiño' saqatalo qamiri quiyim se reuallitegueñi ma' 'ue ñi'guenaxac sauaxate' qamiri. Ma' dajo chi ra'maxahi taỹauguilo qamiri.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Efesios 4:1

Ca' vichiguiño' saqatalo qamiri quiyim na'maxachita ma' mashic qaroỹaxanalo qamiri quiñi qota'a, ma' qaycoñiretari', sasouetapigui so qara'gaxala'.

Efesios 6:20

Ma' ñi qota'a yila' ma' ỹauaaque aỹim letaxaỹaxanqajnec quiyim sa'xat dajo na'qaatec. Ca' chaqaida dá'maq 'em qaycoñiretari' nagui. Ca' nqouagaxaiñitalec aỹim ma'le, qaiyi se yo'chaalec ma' sa'xat da na'qaatec.

Filipenses 1:7

Ca 'maxaraic quiyim ỹa'deenataxanaxac dajo caqamiá'ogue, ma' 'ue da ỹoqo'iichi caqamiri, ma' nouañiỹau'a qai'neeta da qouagaxa chicqo'ot ñi qota'a, 'eno'm quiyim aỹim ncoñiiteguesec, loqo'm quiyim seloqoguit na nashillipi quiyim sqoshiilec dá'maq na'qaatec chicqaugui da nca'laxa, chaqai se'taxajñi quiyim lliqueta da'maxare.

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

Colosenses 4:18

Ca' ỹim Pablo chaqai shiriñi dá'maq iquinaxanaxac selatalo qamiri. 'Neeto' couahi'e quiyim aỹim ncoñiiteguesec. Ca' ñi qota'a ỹaanema qamiri cá'maq no'uen qayicyaxaguii. Ajá'a, ca' chaqaida 'neeta dajo.

Colosenses 4:3

Chaqai qai'neeta nqouagaxaiñitalgoto qomi', qaiyi ñi qara'gaxala' ỹo'uet quiyim qaica quepaxate' qomi' quiyim sa'xataq da na'qaatec, dá'maq se qaiuanapega na'le na'qaataxac so Cristo, ma' chaqaida dá'maq 'em ỹim ncoñiiteguesec nagui.

2 Timoteo 1:16

Ca' ñi qara'gaxala' taalec nqai'en ca le'xorenataxanaxa na lauo' laseripi so Onesíforo, ma' so'maxare 'xoic la'ñaaqataxanaxac caỹim, chaqai se npocoxolec aỹim ma' ỹim ncoñiiteguesec.

2 Timoteo 1:8

Vichiguiño' se rpocoqoirelec quiyim 'xachisac so qara'gaxala' Jesús, chaqai se rpocoqoirelec aỹim quiyim qaycoñiretari', sasoualec so'maxare. Ta'ta'a quiyim lliquirau'a ca ne'xoric quiyim sohiralec da na'qaatec chicqaugui da nca'laxa, quecá'maq taachi'ñi da rquesaxanaxa'e' chicqo'ot ñi qota'a.

Filemón 1:1

Ỹim Pablo, ỹim ncoñiiteguesec ma' sasouetapigui so Cristo Jesús. Ỹim chaqai ñi Timoteo selata qami' ana ilaata, qami' qanauochaxaua qarqaỹa Filemón ma' qami' qarotaua queda qaro'ueenataxanaxac,

Filemón 1:23

Ilata qami' da liquinaxanaxac ñi Epafras ñí'maq ñcoñiitaxaua sasouqatapigui so Cristo Jesús,

Filemón 1:9

qam qaiyiita ñi'xoresene'tot qami'. Ỹim Pablo mashic aỹim qo'xoỹom chaqai nagui ỹim ncoñiiteguesec sasouetapigui so Cristo Jesús,

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.