Efesios 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' quedá'maq le'xorenataxanaxa ñi qota'a, ca' nca'lerec qamiri, chicqochigui da rpi'ỹaxaguii. Qam dajo sqai qamiri chi ro'ueenachiguii, ta'ta'a quiyim chaqai ỹaanema qamiri ñi qota'a.

Efesios 2:8 Iomraidhean Croise

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Mateo 20:9

Co'na'le, ca ỹovirero' sauá'maq ro'ueenataxane'o' na' inoxontegueñi aso ra'aasa. Ca' ishiueten so na'xa'alom quiñi 'óna ỹaanem aso 'óna denario.

Marcos 16:16

Ca cá'maq huelec, ca' qanachilaxan, ca' chaqaica cá'maq qanca'laxatec ma'le; qam cá'maq sqai huelec, ca' chaqai 'neetari' sqa nac ca lasauaxaset.

Lucas 7:50

Qam so Jesús 'naapega aso 'aalo: —Qami' nagui rca'llirec, ma' vi'relec. Ca' mo'e', qui', qaica huapigui qavilli'.

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Juan 5:24

Ca' ỹaatqajam lliqueta dá'maq sa'xat caqamiri: Cá'maq ỹa'maxachichiguiñi ca na'xaỹaxanaxac quedá'maq sa'xat, chaqai huelec ñí'maq yila', ca 'ue ca lca'laxa sqaica lqodoc; chaqai sqaica ca nouaxanaxaset, ma' mashic shi'gue napaguelec da nelauaxa, ca inoxona'a da nca'laxa.

Juan 6:35

Ca' so Jesús 'naaco': —Chaqaỹim ná'maq pan chicqaugui da nca'laxa. Cá'maq nacpegue' aỹim, ca se ỹauanapega quiyim qopat; chaqai cá'maq huelec aỹim, ca se ỹauana ỹalauat laquip.

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Juan 6:44

Sqaica ca ishit nacpegue' aỹim, no'm se qanauego quiñi ita'a ñí'maq yila'; chaqai aỹim liỹa ñca'laxatec queca pa'aatec na'xa'a.

Juan 6:65

Ca 'naaco': —Vichiguiño' shi'gue shinac caqamiri, quiyim qaica ca ishit nacpegue' aỹim, no'm se qanauegueu'a aỹim quiñi ita'a.

Hechos 13:39

Ca' chaqaiso chicqochigui quiyim ná'ogue ná'maq huelec so'maxare qaỹapalaxat na lasauaxaset quená'ogue ná'maq lasauaxaset se qaỹapalaxat queso naqataxaquipi chicqo'ot na'le so Moisés.

Hechos 14:27

Ca co'na' ỹovijta yi Antioquía, ca' lapoondeta' ná'maq mashic ỹacoñiguit da na'qaatec. Ca' ỹa'xate' ná'ogue ná'maq ỹo'ueeto' ñi qota'olec quesaua'maxare, chaqai ỹa'xatesac da 'neeto' ñi'maxare co'na' 'ec ỹauate'oga da lpi'ỹaxac na mesqai judío, qaiyi qoyiuelec ñi qara'gaxala'.

Hechos 15:11

Qam mesqáida, ma' qomi' sa'deenqata quiyim ỹaatqajam qomi' ca'laaxaqa queda lqouagaxa so qara'gaxala', ma' i'xorene' qomi' shinqata saua'maxare.

Hechos 16:14

Ca 'uo' aso 'aalo leenaxat Lidia chicqa'gue da na'a' Tiatira. So'maxare imeenac na lo'yaxanec lo'lo loqquiric, naueralec da letogaxa. Aso 'aalo ỹaatqajam queetalec ñi qota'a, ca na'xaỹaxantac. Ca' ñi qara'gaxala' ỹauachigui añi le'taxanata, qaiyi na'xaỹaxane'ta da la'qaatec so Pablo.

Hechos 16:31

Ca saua'maxare 'neraco': —Vi'relec ñi qara'gaxala' Jesucristo, ca rca'lli'rec qami' chaqai yi qauochi'.

Romanos 10:14

Qam ¿negue' quet cá'maq 'neeta quet quiyim nqouagaxainot, no'm sqai huelec so'maxare? Chaqai ¿negue' quet cá'maq 'neeta quiyim 'ue ca huelec, no'm sqaica cá'maq qara'xaỹa ỹa'xatetac so'maxare? Chaqai ¿negue' quet cá'maq 'neeta quiyim qara'xaỹa, no'm sqaica cá'maq ỹa'xat da na'qaatec?

Romanos 10:17

Ca' chaqaida, ma' da npi'ỹaxac chicqochigui da 'xaỹaxanaxac, qam dá'maq qana'xaỹaxantapega chaqaida dá'maq na'qaataxac so Cristo.

Romanos 4:16

Ca vichiguiño' quiyim dá'maq qaỹachaxanem so Abraham quiyim qai'taxajñi taỹaugui nqohin ná'ogue na llaalqaipi quiyim neme, qam chicqochigui nqohin da npi'ỹaxac. Ca da'maxare 'neetasa': quiyim dá'maq qaỹachaxantac mesqainaata ná'maq ỹo'ueetetac na naqataxaquipi, ma' qai'neeta ná'maq huelec ñi qota'a 'nejem so Abraham ma' huelec ñi'maxare. Ca so'maxare ỹovira'a quiyim qomá'ogue qareta'a

Romanos 4:5

Qam no'm 'ue ca qaica ca ỹo'uet, qam huelec ñi qota'olec quiyim icoñi'chiguit ca sauaqhuaic, ca' ñi qota'olec icoñi'chiguit ca'maxare, ma' 'ue da lpi'ỹaxac.

Romanos 9:16

Ca vichiguiño' dajo sqa chicqaugui ca chaqai 'neeta'pegue loqo'm ca chi na'ñaaqataxac ca qom, ta'ta'a quecá'maq chi nqouaguegue ñi qota'olec.

Gálatas 3:14

Ca 'uo' na'le dajo, qaiyi dá'maq lqouagaxa ñi qota'a ỹachaxantac na'le queso Abraham quiyim qoỹaanec quena mesqai judioipi, qam chicqochigui nqohin so Cristo Jesús; qaiyi qomá'ogue seconaxaguit so Espíritu Santo ỹachaxantac na'le ñi qota'a, chicqochigui nqai'en da qarpi'ỹaxac.

Gálatas 3:22

Qam nauá'maq naneresañi la'qaatqa ñi qota'a 'neracsa': ná'ogue na qom ncoñiiteguesec quena nasauaxaset. Ca' dajo 'neeta, ca' qaiyi quená'maq huelec, ca' ishit icoñiguit cá'maq ỹachaxantac ñi qota'a, chicqochigui nqai'en quiyim 'ue da lpi'ỹaxac queso Jesucristo.

Efesios 1:19

chaqai chalego lecaic chaqai sqaica ca lqodoc da lquesaxanaxa dá'maq ro'ueenataxantac coqomi' ma' seuaqlec ñi'maxare. Ca' dajo nquesaxanaxa chaqaidaata dá'maq ỹachaxantac ñi qota'a qaica nqai 'nejem nqai'en da lquesaxanaxa,

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Efesios 2:5

ca' ỹaanema qomi' quiyim qarca'laxaua so Cristo, ma' 'eno'm ñaqai seuqataugui yi nelauaxa sauaxat na qarasauaxaseteripi. Qam chaqaida dá'maq chi lqouagaxa ñi qota'a, ca' nca'laxaterec qamiri.

Filipenses 1:29

Ma' qoỹaanema qamiri da na'aachicyaxaguii ma' viilec so Cristo. Qam sqaidaata quiyim viilec so'maxare, ma' qai'neeta viriỹau'a da re'xoriguii, soviỹalec so'maxare.

Colosenses 2:12

Ma' cana' qanachilaxane' qamiri, ca' riỹahita'ñi' na' qarishiñiñi so Cristo. Ca' quedajo, ca' qai'neeta riỹahitashi'me' so'maxare na' liỹa qanca'laxatec, ma' viilec da lquesaxanaxa ñi qota'a ñí'maq liỹa nca'laxatec na'le so'maxare.

2 Tesalonicenses 1:9

Na'maxare ỹaatqajam chalego lecaic da nouaxanaxaset chaqai sqaica lqodoc. Qaỹo'daauec ỹaatqajam qoỹoqote'oga nqohin, qaiyi se iuana ca lauaq chaqai da lquesaxanaxa so qara'gaxala',

Hebreos 6:4

Ma' ná'maq mashic shi'gue icoñiguit quiyim qaicoỹarelec da la'deenataxanaxac, chaqai mashic shi'gue i'guentac cá'maq lame ñi qota'a, chaqai mashic ta'ñigui so Espíritu Santo,

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.