Efesios 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Dajo 'ne'tegue, ma' ỹahotaque ỹachaxan quenauá'maq naasaho na'xata' dá'maq chalego lecaic le'xorenataxanaxa coqomi', chaqai da lqouagaxa coqomi' chicqochigui nqai'en so Cristo Jesús.

Efesios 2:7 Iomraidhean Croise

Isaías 60:15

Qami' na'a' tot qanoqui'raxaua', qaqamite' chaqai qaralachi', ta'ta'a quiyim so'uet ca rauaqe' sqaica lqodoc, chicqochigui ma'le quiyim se neme da naỹaac.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Efesios 2:4

Qam ñi qota'a ỹaatqajam chalego lecaic da le'xorenataxanaxa ma' ỹaatqajam ỹauoteguelo qomi',

Efesios 3:21

Ca' vichiguiño' ná'maq mashic icoñiguit da na'qaatec imaqachintac ñi qota'a, ma' na'deetau'a so Cristo Jesús. Ca' ¡chaqaida 'neetari' nqohin qaica lqodoc! Ajá'a, ca' chaqaida 'neeta dajo.

Efesios 3:5

Dajo se re'xogui ỹaatqajam qaica ca qaỹa'deenaxanaxanegue quesaua 'auaxaqa ñaxari. Qam nagui, ca' ñi qota'a ỹachaxanem ná'maq co'teeta lelaatqaipi chaqai na letaxaỹaxanqajanqaipi, chicqochigui nqai'en so Espíritu Santo.

2 Tesalonicenses 1:12

Ca' quedajo, ca qaimaqachin da leenaxat so qara'gaxala' Jesucristo queda nachaalataxaguii qamiri, chaqai so'maxare imaqachine' qamiri queda lqouagaxa ñi qota'olec chaqai ñi qara'gaxala' Jesucristo.

Tito 3:4

Qam ñi qota'a ñí'maq qarca'laxaqui na' ỹachaxan da lqouagaxa chaqai da le'xorenataxanaxa quena qomyipi,

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.