Efesios 2:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' qaican ỹapaguec caqamiri quiyim na'yiitau'a so Cristo, ca lapohiguit ná'ogue na liỹaripi, chi ỹovireta'a quiyim 'ec qamiri 'imec. Ca' neetaugui ñi qota'a queso Espíritu Santo.

Efesios 2:22 Iomraidhean Croise

1 Corintios 3:16

¿Sqa 'yiiñio' quiyim qamiri lauo' ñi qota'a, chaqai so Espíritu Santo chicqo'ot ñi'maxare neetanguilo qamiri?

1 Corintios 3:9

Ma' qomi' no'ueenataxanaxauaripi queda lo'ueenataxanaxac ñi qota'a. Ca' qamiri 'ec qamiri lanaxanqa' ñi'maxare. Loqo'm 'nejem qamiri ca 'imec no'xontegueshiguim ñi qota'a.

1 Corintios 6:19

¿Sqa 'yiiñio' qamiri quiyim na roshicmaxahi mashic lauo' so Espíritu Santo, só'maq ỹaanema qamiri ñi qota'a, chaqai so'maxare mashic neetauguilo qamiri? Ca' qamiri se ralamaxarichii dá'maq no'ueenataxaguii,

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Efesios 3:17

qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

1 Juan 3:24

Ná'maq na'xaỹaxane'talo naua naqataxaco, ca' na'deetau'a ñi'maxare, chaqai ñi'maxare na'deeta'guita caua'maxare. Sa'deenaq quiyim ñi'maxare hueetauguilo qomi', ma' ñí'maq ne'Espíritu ỹaanema qomi' qara'deenaxanaxan.

1 Juan 4:13

Dá'maq 'neeta quiyim sa'deenaq quiyim ña'daqatau'a ñi qota'a chaqai quiyim qomi' neetauguilo ñi'maxare 'neetasa': Quiyim ñi'maxare ỹaanema qomi' so ne'Espíritu Santo.

1 Juan 4:16

Ca' quiyi, ca ỹovita quiyim sa'deenaq chaqai seuaqlec quiyim ñi qota'a qare'xoren. Ma' ñi qota'a 'xorenataxanaxai. Ca cá'maq hueetagui da nachaalataxac ca ne'xorenataxanaxa, ca' da nachaalataxac hueeto'ot ñi qota'a chaqai ñi qota'a hueeto'ot ca'maxare.