Efesios 2:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ma' chicqochigui nqohin so Cristo, ca ná'ogue ná'maq judío chaqai ná'maq sqai judío quiyim ñqo'naxau'a ñi qota'a, chicqochigui nqohin so Espíritu Santo.

Efesios 2:18 Iomraidhean Croise

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Juan 10:7

So Jesús lotqai liỹo' 'naac queso qomyipi: —Ỹaatqajam llic da shinac caqamiri: Ỹim ná'maq ỹim lasom lligo ana qagretaipi.

Juan 10:9

Ỹim ná'maq ỹim lasom; cá'maq inoxontougui aỹim, ca' ca'laaxaic ma'le. Ca 'nejem ma'le aca qagreta quena' inoxono chaqai quiyim nenoxonec cañi lahi', ca' ỹanata ca 'uaqapi.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Romanos 5:2

Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

Romanos 8:15

Ma' quesó'maq Espíritu neetauguilo qamiri ỹo'uet quiyim totqai qamiri nelaatqa quiyim liỹa quet ro'chiitac. Ta'ta'a quiyim sojo Espíritu ỹo'uet quiyim qamiri llaalqa ñi qota'olec. Ca' ñijo Espíritu ỹo'uet quiyim shinqac: “¡Qami' qareta'a qota'olec!”

1 Corintios 12:13

Ma' qomi' 'eno'm qomi' judío lase', loqo'm sqai judío lase', loqo'm qomi' nelaatqa, loqo'm sqo qomi' nelaatqa, qam na' qanachilaxane' qomi', ca 'eco' qarenocau'a so 'oonoqui' noshicmaxa chicqochigui so Espíritu. Chaqai qomá'ogue 'ec qane'taxanguilo só'maq 'oonoqui' Espíritu Santo.

1 Corintios 8:6

Qam qomi' sa'deenqata quiyim 'oonoqui' ñi qareta'a, leenaxat qota'olec. Ñi'maxare ỹo'uet ná'ogue nanchaqaina chaqai ỹa'vii qomi', ca' qomi' lalamaxarete'. Chaqai 'oonoqui' so qara'gaxala', leenaxat Jesucristo, só'maq ñi qota'a ỹachigoxochichigui ná'ogue ná'maq hueetalecna, chaqai vire'talo qomi'.

Gálatas 4:6

Ca' na' ichoxot ñi'maxare quiyim mashic qamiri llaalqa, ca' nelatalo qamiri so ne'Espíritu so llaalec quiyim tauguilo naua re'taxanatahi. Ca só'maq Espíritu roỹaxan, 'naacsa': “¡Qami' qota'olec!”

Efesios 3:12

Chaqai chicqochigui so Cristo, ca' seuacqachiguiñi quiyim ñqo'naxau'a ñi qota'a, ma' 'ue da qarpi'ỹaxac queso'maxare.

Efesios 3:14

Ca' vichiguiño', ca' ỹim sa'yiichiriñi naua i'cootal ñqouagaxaintacot ñi leta'a so qara'gaxala' Jesucristo,

Efesios 4:4

'Ue so 'oonoqui' noshicmaxa lapohitagui, chaqai 'oonoqui' so Espíritu Santo. Ca' qai'neeta roỹaxanalo qamiri ñi qota'a, qaiyi 'oonoqui' ca naquitaxaguii.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

Colosenses 1:12

chaqai 'ỹaañitacot da na'aachicyaxaguii ñi qota'olec, ma' ñi'maxare ỹa'maxatetañi ỹaanem cá'maq ỹachaxantac ná'maq lalamqateripi ma' ỹovita quiyim seuqataugui cá'maq lauaq ñi'maxare.

Hebreos 7:19

Ma' so naqataxaquipi chicqo'ot so Moisés qaica quet cá'maq ỹa'maxajñi. Qam nimiiñiguit nqohin da qanaquitaxac, ca' paguec loyac, ca chaqaida chicqochigui quiyim seshitaq ñqo'naxau'a ñi qota'a.

Santiago 3:9

Ma' qaiñiita ñi qaro'legaxanaxat ta'chiguit quiyim semaqachinaq ñi qota'olec, chaqai quiyim seshiuenaq ca qom, cá'maq nadenaxatalta' ñi'maxare na' ỹo'uet.

1 Pedro 1:17

No'm qamiri 'ñiỹac qataa'i ñi qota'olec ñí'maq se nca'aatagui na qom quiyim nimit queca lasauaxaset, ca ỹaatqajam ro'chiỹa ñi'maxare quiyim ñaqai ñiitalec ana 'laua.

1 Pedro 1:21

Ma' chicqochigui so Cristo quiyim qamiri viilec ñi qota'a ñí'maq liỹa nca'laxatec na'le so'maxare queda lelauaxa, ca' ỹaanem quiyim qaimaqachin. Vichiguiño' qamiri 'ue da rpi'ỹaxaguii chaqai da naquitaxaguii quiñi qota'a.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

Judas 1:20

Qalaxam qamiri ñauochaxaua' ỹaqaỹa', ỹaatqajam quiijlec dá'maq no'uen napaxaguinataxaguii viilec na'le. Nqouagaxaiñii queda lquesaxanaxa so Espíritu Santo.