Efesios 2:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Chaqaiso so Cristo só'maq ỹo'uet da qara'maxa. Ma' so'maxare ỹo'uet quena judioipi chaqai quena sqai judioipi 'ec neuo' laseripi, ma' mashic ỹamaxañi so lquepaxaset só'maq 'em se neuojonta' na qomyipi, ca ỹoreta'chi nqai'en.

Efesios 2:14 Iomraidhean Croise

Ester 3:8

Ca' so Amán 'naaco' queso nashi Asuero: —Quiyim quená'ogue na na'aateripi quená'maq 'lauari hueeto'oto da rquesaxanaxa'e', qami' qarashi, ma' 'ue na noỹootetapeguec quena liỹaripi quená'maq se nachiñiguita naua loico na liỹaripi chaqai na'maxare se na'xaỹaxana da ra'qaachiqui'. Ca se ỹa'maxañi quiyim najo qomyipi ỹalequetaho queda ro'ueenataxanaxaqui' quiyim qami' nashi.

Miqueas 5:5

Ca'maxare noviraxat ma'le da no'daxa. (5.5b-15 Ñi qara'gaxala' qa'viỹa'gue ma'le na ỹoqa'a qomyipi.)

Zacarías 6:13

Liỹa no'xonshiguim ñi no'ueenaxanaxaqui quiñi qara'gaxala', ca ma'le, ca' ỹaatqajam 'ue da nemaqajnataxanaxac qohinta'gue ca nashi. Nqa'xanñigui ma'le añi nashi nqa'xanaxaqui, ca ná'ogue ỹoiquentac ma'le. Ca' huaqato ma'le añi nqa'xanaxaqui ñi netaxaỹaxanqajnec quena' qaretaxaỹa'pegue' ñi qota'olec. Ca' 'ue da neuagaxa ma'le quiyaua'maxare.

Lucas 1:79

qaiyi coỹarelec cá'maq hueetaugui na napalaxa chaqai ca hueeto'ot ca la'al da nelauaxa, chaqai quiyim ỹachaxanalo qomi' ca llicyaxac ca neuagaxa.

Lucas 2:14

¡Ỹaatqajam lodegaxat da quiyim qaỹo'ueentac ñi qota'olec ñí'maq neeto'ot na piguim, chaqai quena 'laua 'uo' da la'maxa na qomyipi ná'maq ỹa'maxarenta ñi'maxare!

Juan 10:16

Qai'neeta 'ue ana liỹa ilo qagretaipi sqai neetaugui anajo ilo lahi'. Ana'maxare qai'neeta sahotaque ño'deho. Na'maxare qai'neeta na'xaỹaxañiua' ma'le, qaiyi 'oonoqui' ca lapooqo', chaqai 'oonoqui' ca neloxoỹaq.

Juan 11:52

Chaqai mesqainaata na judioipi, ma' qai'neeta ỹahotaque lapoonta' ná'ogue na qota'a llaalqaipi neuagaxatetac.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Hechos 10:28

Ca' so Pedro 'naapego' so qomyipi: —Qamiri 'yiiñita queca judío le'ec qaỹapaxaguinegue quiyim ỹaatqajam se qaỹashiñiguit quiyim ỹalequeta'guit ca ỹoqa'a qomyipi loqo'm inoxonougui ca lauo'. Qam ñi qota'olec yapaxaguinegue quiyim sqai shinapega napio'o loqo'm se no'uen canchaqaica qom.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

Romanos 5:1

Ca' chaqaida 'neeta quiyim ma' ỹa'maxarente' qomi' ñi qota'olec ma' 'ue da qarpi'ỹaxac. Ca huaqui'chiguita qomi' ñi'maxare, chicqochigui nqai'en so qara'gaxala' Jesucristo.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Efesios 2:15

Ca' quesó'maq chi lalamaxaret loshicmaxa so Cristo, ca' lqodoc nqai'en so lelaataxanaxac na naqataxaquipi. Ca' ỹo'uet quená'maq judioipi chaqai quená'maq sqai judioipi quiyim ima'ta' 'ec neuo' laseripi, na'deu'a so'maxare. Ca' quedajo, ca' ỹo'uet da qara'maxa.

Efesios 2:17

So Cristo novi', ca' ỹa'xat dá'maq no'uen na'qaatec chicqaugui da na'maxa quená'ogue, ca 'eno'm qoỹore'talo qamiri quiñi qota'a, qam 'nejem nqohin ma'le ná'maq judioipi ma' sqoỹoqaque quiñi'maxare.

Efesios 3:15

ñí'maq chicqo'ot quiyim qaicoñiguit da leenaxat quená'maq ỹoreta'oguit qomyipi neetalec na 'laua chaqai ná'maq lelaatqaipi hueeto'ot na piguim.

Efesios 4:16

Ca' chaqaiso so Cristo só'maq 'em quiyim ná'ogue ná'maq noshicmaxa ỹaatqajam npataqa'ajta' chaqai inoque'ejta' chicqochigui quiyim ỹaatqajam necone'ejta' ná'ogue na louenqaipi; ca no'm 'maxaraic dá'maq 'neetari' cá'maq louenec, ca ná'ogue ñaqtetauec chaqai noquiiquetashiguim queda ne'xorenataxanaxa.

Colosenses 1:20

Chaqai ñi qota'a qai'neeta ỹahotaque quiyim ỹachigoxochichigui so Cristo quiyim ỹa'ue da la'maxa ná'ogue nanchaqaina, quená'ogue ná'maq hueetalec na 'laua, chaqai ná'maq hueeto'ot na piguim. Ca ỹo'uet da na'maxa, ỹachigoxochichigui da lelauaxa so Cristo co'na' qaipateno queso npatenaxala'.

Colosenses 2:20

Ma' qamiri quiita'ñi' so Cristo na' ileu, ca' le'en dá'maq chi ra'deenataxanaxaguii quiyim 'yiiñitapega ná'maq re'qoochigui. ¿Chi'neco' ná'maq 'viichitac ma' 'ñiitari' ná'maq hueetalec na 'laua? Ca 'viichitac na napaxaguinataxaquipi

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.

Colosenses 3:15

Ca' da na'maxa chicqo'ot ñi qota'a ỹoiquenta'pe nqai'ñii naua re'taxanatahi, ma' chaqaida dá'maq ỹahotaque ñi'maxare na' roỹaxanalo qamiri quiyim lliguiỹau'a so 'oonoqui' noshicmaxa. Ca' necoñitaque da na'aachicyaxaguii.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

Hebreos 7:2

Ca' so Abraham ỹaanem 'óna queca diez louootaxanaxat ỹachigoxotaugui so lauataq. Ca' dajo neenaxat Melquisedec, dajo 'auaxaic 'naac “nashi naloochiguiñi da no'ueenataxac”; chaqai, ma' so'maxare nasho' na'le quiyi Salem, ca' dajo Salem 'naac “neuagaxa”, ca' dajo neenaxat qai'neeta 'naac “nashi queda neuagaxa”.