Efesios 2:12 - La'qaatqa ñi qota'olec Qota'olec & Qota'olec Novita Na Qomyipi

¹² Ma' queca'maxare na'le qaica so Cristo caqamiri, ca' ỹoreta'ogalo na'le qamiri quena llaalqaipi so Israel, chaqai sqa 'yiiñii dá'maq 'maqataxac chaqai dá'maq ỹachaxantac ñi qota'a. Ca' viitalec najo 'laua, qam qaica ca naquitaxaguii, chaqai qaica ñi qota'a caqamiri.

Efesios 2:12 Iomraidhean Croise

Génesis 15:18

Ca' chaqaiso so na'xa'a, ca' ñi qara'gaxala' ỹo'uet so na'maqataxac queso Abram. Ca 'naaco': —Najo 'laua saanem ma'le ca qachaalaxai'pi chicqochi'ñi aso lachiugue quiyi Egipto, ca ỹovireta'a aso lachiugue late'ogue', leenaxat Eufrates.

Esdras 4:3

Qam so Zorobabel, so Josué chaqai so liỹa na'gaxalateripi quena llaalqaipi so Israel 'neraco': —'E', qomi' se seshitaq quiyim qamiri qaro'xonaxanaxaua' quiyim liỹa ño'xonaxashiguim ca no'ueenaxanaxaqui quiñi qara'gaxala' qota'olec. Qoqometa ño'xonaxashiguim so'ueetaq quiñi qara'gaxala' ñí'maq qota'olec quena Israel, ma' chi la'qaatec ñi Ciro ñí'maq nashi quiyi Persia.

Isaías 45:20

Lapohiỹata', ca' nanaguii, nqo'ñiiuo ná'ogue ná'maq ca'laaxaic qomyipi. Qaica ca ỹa'den ná'maq co'ueetañi, ỹouoxontegueri' na lqolac chicqaugui na qo'paq chaqai nqouagaxainot cá'maq 'neetapega qota'olec, qam se ca'laqataxan.

Isaías 61:5

Na ỹoqa'a chicqa'gue qomyipi reloxoỹa'a ma'le ana qalohi qagretaipi, na na'lauahi chaqai na qadanaxanqari 'uva loma'.

Jeremías 14:8

Naquiteta'a quen qami' na Israel, ma' qami' qarca'laxachirec quena' 'ue da qareuogoxo, ¿chi'neco' ma' 'ñiisari' ca ỹoqa'a quena qana'laua, 'ñiisari' ca huooxoic quiyim chi la'qa'ñina?

Oseas 3:4

Ma' mashic shi'gom ma'le da 'neetari' na Israel llaalqaipi qaica ca lashi chaqai ca la'gaxala', qaica ca lachitaxanataxanaxat chaqai ca imaqachin qa', qaica ca looỹac na netaxaỹaxanqajanqaipi chaqai ca lashiilec na ni'iquipi quenaua la'aate'.

Lucas 1:72

chaqai ỹaatqajam 'uo' da le'xorenataxanaxa queso 'auaxaic qareta'allipi, chaqai se coua'e dá'maq na'maqataxac mashic ỹaanema saua'maxare.

Juan 10:16

Qai'neeta 'ue ana liỹa ilo qagretaipi sqai neetaugui anajo ilo lahi'. Ana'maxare qai'neeta sahotaque ño'deho. Na'maxare qai'neeta na'xaỹaxañiua' ma'le, qaiyi 'oonoqui' ca lapooqo', chaqai 'oonoqui' ca neloxoỹaq.

Juan 15:5

Ca' ỹim ná'maq ỹim nanecse, ca' qamiri ná'maq qamiri lasote. Cá'maq ñaq na'deetau'a ỹim, chaqai aỹim ña'deeta'guit ca'maxare, ca 'xoic aca la, ma' qamiri qaica ca shichii 'viichii, no'm qaica ỹim.

Juan 4:22

Qamiri Samaria laseripi sqa 'yiiñii cá'maq nqouagaxaiñitacot. Qam qomi' sa'deenaq ñí'maq ñqouagaxainqatacot, ma' da nca'laxa chicqotougui na judioipi.

Hechos 2:39

Ma' dajo qaỹachaxantac quiñi qota'olec ỹaatqajam taỹauguilo qamiri chaqai naua qachaalaxahi chaqai qai'neeta ná'ogue ná'maq qoỹoqo'ta, chaqai quená'ogue ná'maq ñi qara'gaxala' qota'olec roỹaxane'oga.

Hechos 28:20

Ca' chaqaida dá'maq 'em soỹaxane'ogalo qamiri, sahotaque ñauanto qamiri chaqai setaxaỹa'pegueto qamiri, ma' chaqaida dá'maq qanaquitaxac qom Israel laseripi, ca' chaqaida dá'maq 'em nagui qaycoñiretari'.

Hechos 3:25

Naua ỹachaxanta'pe ñi qota'olec ỹaanouguilo saua la'qaataxanqajanqa ỹaatqajam taỹauguilo qamiri. Ma' qaỹahotaque ca ra'maxahi, ma' ñi qota'olec co'na' na'maxate'e' so 'auaxaic qareta'allipi co'na' 'naapega so Abraham: “Ná'ogue na ỹoreta'oguit qomyipi neetalec na 'laua 'uo' da na'aachicyaxac, qam chicqotougui ma'le ca qachaalaxai'ipi.”

Romanos 9:8

Ca' quedajo, ca sa'deenaq quiyim qaica quet cá'maq qota'a llaalec quiyim chicqaugui na chi lauo' laseripi quiyim ne'qaañi. Ta'ta'a quiyim cá'maq chicqochigui na'le dá'maq ỹachaxantac ñi qota'olec, ca' 'eca cá'maq ỹaatqajam llic qaỹamata'gue llaalqaipi ñi'maxare.

Gálatas 4:8

Quesom na' saqa' huañiỹapega ñi qota'a, ca' qamiri icoñiiteguese' ná'maq se re'xogui qanqouagaxaintacot, qam mese qota'olqaipi.

Efesios 2:19

Ca vichiguiño' qamiri 'eco' totqai ỹoqa'a ca chigoxoỹa'gue quiyim 'ec ỹoqa'a quet na ñiitalec 'laua. Ta'ta'a quiyim ỹaatqajam ra'aayaxauahi ná'ogue ná'maq lalamaxareteripi ñi qota'a, chaqai ỹaatqajam qamiri lauo' laseripi ná'maq llaalqaipi ñi'maxare.

Efesios 4:18

ca' 'ec palac da la'deenaxanaxa. Na'maxare sqai hueeto'ot da chaalataxac chicqo'ot ñi qota'a, ma' sqaica ca ỹa'den sauaxat da la'ñaxac añi le'taxanata.

Colosenses 1:21

Qamiri quesom 'ec ỹoqa'a ca chigoxoỹa'gue, ca quedá'maq 'neetari' añi re'taxanatahi ỹaatqajam npa'guenaxauahi ñi qota'a, ma' 'viichitac na se no'uen. Qam nagui ñi qota'a ỹo'uet quiyim huaqui'chiguita qamiri ñi'maxare,

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

Colosenses 1:5

Ma' 'ue da naquitaxaguii quiyí'maq qaỹa'maxatetañi qaỹauaaque qoỹaanema qamiri ma'le quiñi qota'a hueeta'gue da piguim. Qamiri 'uo' na'le da naquitaxaguii co'na' na'xaỹaxañiỹa dá'maq ỹaatqajam llic na'qaatec chicqaugui da nca'laxa.

1 Tesalonicenses 4:13

Qamiri qarqaỹa', se sa'maxarenaq quiyim sqa 'yiiñii dá'maq 'neeta quená'maq mashic ileu, qaiyi sqa chigohita 'ñiitam ná'maq liỹa ma' sqaica ca naquitaxac.

1 Tesalonicenses 4:5

Se ỹa'maxañi quiyim ỹahotaque chi i'en aca 'aalo, se no'uen da lqo'iichi, 'nejem na qomyipi saqa' iuanapega ñi qota'a.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

1 Timoteo 1:1

Aỹim Pablo, ỹim lelaatec so Jesucristo. Ca' dajo ñilaataxac chicqo'ot ñi qota'a ñí'maq qarca'laxaqui chaqai so qara'gaxala' Jesucristo só'maq ỹaatqajam qarpe'eet.

Hebreos 11:34

chaqai ỹo'mat na chalego lecaic norec, chaqai nañit quiyim qaỹalauat qaỹahote'e lecat. Chaqai na qaica ca lquesaxanaxa ỹovira'a quiyim quesaxanaxaiquipi, chaqai ỹovira'a quiyim 'ñaaxaiquipi queda nalauataxac, chaqai loxonec na npa'guenaxauaripi.

Hebreos 6:18

Ca' chaqaida dá'maq 'neeta quiyim 'vii naua dos quiyim se ishit quiyim 'ue ca qaỹadalaxat, ca quenaua'maxare, ca ñi qota'a se ishit na'majan. Ca' quedaua'maxare, ca' ñi qota'a ỹo'uet quiyim ỹa'maxaguilo qovilli', ca ña'ñaxatqachiguiñi, ma' mashic shi'gue sedaanqataque quiyim quepaqataxanlgoto qomi', ca' seuaqlec quedá'maq qanaquitaxac ỹaanema qomi'.

Hebreos 8:6

Qam paguec loyac da lo'ueenataxanaxac so 'oonoqui' qaretaxaỹaxanqajnec quiyim retaqalgoto qomi'. Ma' qaretaxaỹaxanqajnec quedá'maq paguec loyac 'maqataxac, chicqochiguilo nqohine' nauá'maq paguec loyaague' qaỹachaxanta'po' na'le.

1 Pedro 1:21

Ma' chicqochigui so Cristo quiyim qamiri viilec ñi qota'a ñí'maq liỹa nca'laxatec na'le so'maxare queda lelauaxa, ca' ỹaanem quiyim qaimaqachin. Vichiguiño' qamiri 'ue da rpi'ỹaxaguii chaqai da naquitaxaguii quiñi qota'a.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

1 Pedro 3:15

Ta'ta'a quiyim maqachiñii so Cristo quiyim la'gaxala' añi re'taxanatahi. Chaqai quiyim na'maxachitañi quiyim 'ue ca renachii quecá'maq 'maxaraic llicyaxac dá'maq naquitaxaguii, qam niñiiquishiñita chaqai se napacqajñii.

1 Juan 3:3

Ca' ná'ogue ná'maq hueeto'ot dajo quitaxac queso'maxare, ca' se ỹalliguiguit na se no'uen nqai'en da nachaalataxac, 'nejem nqai'en dá'maq 'neetari' so Jesucristo, ma' ỹaatqajam co'teeta da nachaalataxac.