Efesios 2:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' vichiguiño' no'viñita'gue dá'maq 'ñiitari' quen quesom, sqai qamiri judío lase'. Ca vichiguiño' na judioipi ma' ỹo'uet na netanec na loshicmaxa na llaalqaipi, ca' ỹa'ue dá'maq chaqai legaxanaxat, 'neetasa': 'ue netanaxaset. Ca' qamiri ỹamata'guelo qaica ca netanaxaset.

Efesios 2:11 Iomraidhean Croise

Ezequiel 36:31

Chaqai noma' o'lliinchi'te dá'maq se no'uen 'ñiitari' chaqai da se no'uen ro'ueenataxanaxaguii, ca chaqai qamiri 'ue ma'le ca rayiloxohi sauaxat dá'maq rasauaxashichii chaqai dá'maq se no'uen 'viichitac.

Mateo 20:7

Ca' saua'maxare 'neraco': “Qaica cá'maq ỹa'ue ca qaro'ueenatec vichiguiño'.” Co'na'le, ca so a'co' 'naapegalo': “Quiipegue' quet qai'neeta yi ỹanaxanqa'. Ca' sepacqajanchigui ma'le acá'maq laseuete ca ro'ueenataxanaxaguii.”

Romanos 11:17

Ca 'uo' ná'maq judioipi 'ec lasote aso nanecse leenaxat olivo mashic shi'gue qaichaxauec. Ca quiyí'maq chicqochi'ñi, ca' qaỹa'deuo qami', ma' qami' 'ñiisari'o' na'le aca olivo hueuec. Ca shichi' nouañirau'alo saua lpa'yii chaqai da lca'laxa aso nanecse olivo.

Romanos 2:26

Chaqai cá'maq sqaica ca netanec na loshicmaxa, no'm ỹo'uet dá'maq 'naac na naqataxaquipi, ca ñi qota'a 'ec nqai'en quiyim 'ue ca netanaxaset na loshicmaxa, 'eno'm saqa'leca ca netanec.

Romanos 2:27

Cá'maq sqaica ca netanec na loshicmaxa, qam ỹo'ueetetac da 'naac na naqataxaquipi, ca'maxare chicqochigui quiyim qaỹa'ue ma'le ca nouaxanaxashichi' quiyim se na'xaỹaxañita na naqataxaquipi, 'eno'm vi'saxauot naneretañi chaqai quiyim 'ue ca netanec na roshicmaxa'e'.

1 Corintios 12:2

Qamiri, 'yiiñita na' saqa' coñiguit da na'qaatec, ca' qamiri o'miitac, ca' oquiita'pegue' quen na nashiilec nqolac sqaicaua caua la'qaatqa.

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

Gálatas 2:15

Qomi', qomi' llaalqa na judioipi, chaqai sqai qomi' sauaqhuaqa, sqai shinqata na liỹa ỹoreta'oguit qomyipi.

Gálatas 6:12

Na qomyipi ỹilenta'pe qamiri quiyim qaỹa'ue ca netanaxaset na roshicmaxahi, ỹahotaque dajo, ma' qaiyi se qaỹocana'pe quena liỹa qomyipi, souetapigui so Cristo na' qaipateno queso npatenaxala'.

Efesios 2:2

na' ñaqai viitaugui, ca' quiitalec dá'maq no'ueenataxac na qomyipi hueetalec na 'laua, 'viichitac ná'maq ỹahotaque só'maq relaataxantac na'ỹaapec se re'xogui só'maq ỹa'ñaxat ná'maq se na'xaỹaxana ñi qota'a.

Efesios 5:8

Ma' quesom qamiri viitaugui na napalaxa, qam nagui ma' mashic na'yiitau'a so Cristo, ca viitaugui na lauaq. Ca na'maxachita 'ñiitari' ca qom hueetaugui na lauaq.

Deuteronomio 15:15

Se coua'ire'e quiyim qami' qai'neeta na'ac na'le quiyi Egipto, ca' ñi qara'gaxala' qota'olec caqami' naqata'a na'le qami'. Vichiguiño' nagui sa'ue da ỹaqataxac caqami'.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Colosenses 1:21

Qamiri quesom 'ec ỹoqa'a ca chigoxoỹa'gue, ca quedá'maq 'neetari' añi re'taxanatahi ỹaatqajam npa'guenaxauahi ñi qota'a, ma' 'viichitac na se no'uen. Qam nagui ñi qota'a ỹo'uet quiyim huaqui'chiguita qamiri ñi'maxare,

Colosenses 2:11

Chaqai quiyim na'yiitau'a so Cristo, ca' qaỹa'ue na netanegue' qamiri; qam mesqai ná'maq re'qoochigui quena noshicmaxa, ta'ta'a quiyim na' qanca'laxaterec qamiri quena nasauaxaset queda lamaanaxanqachic na roshicmaxahi. Ca dajo dá'maq netanaxac na qom chicqo'ot so Cristo.

Colosenses 2:13

Ma' qamiri quesaua 'auaxaqa ñaxari 'ec qamiri leuaxaqa sauaxat na rasauaxashichii chaqai sqaica ca netanaxashichii. Qam nagui ñi qota'a, ca' ỹo'uet quiyim rca'laxauahi so Cristo na' ỹapalaxat ná'ogue na rasauaxashichii.

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.

1 Samuel 17:26

Co'na'le, ca' so David renataxano' quesaua huaqata'to: —¿Nega'ỹo' ca qoỹaanem cá'maq ỹalauat dajo filisteo chaqai ỹapalaxat da nishiuenaxac na Israel llaalqaipi? Ma' ¿negue' quet dá'maq filisteo ma' chi nqouagaxaintacot na chi nqolac, ca ishiuen na nalliripi ñi qota'olec ñí'maq nca'leetauec?

1 Samuel 17:36

Ca no'm sauaxaic leta'a loqo'm aca layoraxai late'e, najo relaachiqui', qami' ỹashi, ỹalauat quen. Chaqai dajo filisteo reto nqouagaxaintacot na nqolaquipi, chaqaida shine'tegue ma'le, ma' da'maxare ishiuentac na nalliripi ñi qota'olec ñí'maq nca'leetauec.