Efesios 1:3 - La'qaatqa ñi qota'olec Qota'olec & Qota'olec Novita Na Qomyipi

³ Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

Efesios 1:3 Iomraidhean Croise

Génesis 14:20

chaqai ỹaatqajam qaimaqachin ñí'maq qaica 'nejem qota'olec, ñí'maq ỹo'uet quiyim qadoxonqui' so npa'guenaxaua'e'. Ca' so Abram ỹaanem so Melquisedec quesá'ogue so louootaxanaxat naqata'a añi 'oono'lli' quecaua diez.

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Isaías 61:9

Na llaalqaipi ỹaatqajam choxoraic quena ỹoreta'oguit qomyipi; ná'ogue ná'maq iuana chaqa'ma' ỹa'den quiyim ñi qara'gaxala' no'ueenaxat da no'ueenataxac.

Lucas 2:28

ca so Simeón ỹacona so noctoqui', qa'aal'ot. Ime, ca' ỹo'ueentac ñi qota'a, 'naaco':

Juan 14:20

Ca' quecajo na'xa'a, ca' retañii ma'le quiyim ỹim seuetagui ñi ita'a, chaqai qamiri viitagui aỹim, chaqai aỹim seuetauguilo qamiri.

Juan 17:21

Qami' ita'a, sashiila'e' quiyim ná'ogue na'maxare ỹaatqajam neconta'; quiyim 'ec 'oonoqui', na'deetau'alo qomi', 'nejem dá'maq 'ñiisari' caỹim, chaqaỹim caqami'. Quiyim ỹaatqajam necone'ejta', qaiyi ná'maq qomyipi hueetalec na 'laua huelec quiyim qami' yilachi'.

Juan 20:17

Ca' so Jesús 'naaco' caso'maxare: —Yayaxañirec, ma' ỹim saqa' shicpegue' yi neetashi'me ñi ita'a. Qam mo'e', 'qaataxañitalo caua ỹapaxaguinatqa ỹaqaỹa' quiyim saigue da neeta'gue ñi ita'a, ñí'maq qataa'i qai'neeta, ñí'maq qota'olec caỹim chaqai caqamiri.

Romanos 12:5

Ca' chaqaida 'neeta coqomi', 'eno'm qomi' 'xoic, qam 'oonoqui' na qaroshicmaxa ma' ña'daqatau'a so Cristo. Ca' qarenoqueta'ta', 'nejem na louenqaipi na noshicmaxa.

Romanos 15:6

qaiyi 'oonoqui' ca qavilliỹaxaguii quiyim maqachiñitac ñi qota'a, leta'a so qara'gaxala' Jesucristo.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 12:12

Ma' so Cristo 'nejem ca 'oonoqui' noshicmaxa, qam 'xoic na louenqaipi. Ca 'eno'm 'xoic, qam inoqueta'ta' queso 'oonoqui' noshicmaxa.

2 Corintios 1:3

Semaqachinaq ñi qota'a, ñí'maq leta'a so qara'gaxala' Jesucristo, ma' chaqaiñi ñí'maq qareta'a qare'xoren, chaqai chaqaiñi ñí'maq qota'a ñí'maq se neme quiyim lo'daxatetapiguilo naua qovilli'.

2 Corintios 11:31

Ca' ñi qota'a, ñí'maq leta'a so qara'gaxala' Jesucristo, ma' ta'chiguit se neme quiyim qaimaqachin, ñi'maxare ỹa'den quiyim lliqueta dá'maq sa'xatetac.

2 Corintios 5:17

Ca' vichiguiño' cá'maq na'deetau'a so Cristo, ca' dalaxaic da no'ueenataxac; ime' cauá'maq ñaua'pe no'ueenataxaco, ca dalaxaic dá'ogue dá'maq nachaalataxac.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

Gálatas 3:9

Ca vichiguiño' cá'maq huelec, ca 'ue da nqouagaxa, 'nejem so Abraham ma' huelec ñi qota'a.

Efesios 1:10

Ca' dajo ỹaatqajam qaica ca taỹa'gue, ta'ta'a quiyim ipaquichigui ma' ỹovita ca laloqo', ma' ñi qota'a ỹomato'ot ma'le quiyim so Cristo ỹoiquentac ná'ogue nanchaqaina, quená'maq hueeto'ot na piguim chaqai ná'maq hueetalec na 'laua.

Efesios 1:17

Sashiilatac ñi qota'olec queso qara'gaxala' Jesucristo, ñí'maq chalego lecaic qareta'a, quiyim ỹaanema qamiri ca na'deenaxanaxa chicqo'ot nqai'en so Espíritu, qaiyi 'yiiñii cá'maq ỹachaxañiỹaxarom chaqai quiyim ỹaatqajam 'yiiñichigui dá'maq 'neeta ñi'maxare.

Efesios 1:20

na' liỹa nca'laxatec so Cristo queso lelauaxa, ca nqa'xanaxanñi quena loic queda piguim,

Efesios 2:6

Ñi qota'a qai'neeta liỹa nca'laxaterec qomi', qariỹaatashiguim nqai'en so Cristo Jesús. Ime, ca qarqa'xanaxañi'ñi' so'maxare queda piguim.

Efesios 3:10

Qohine'teco' na'le dajo, qaiyi quená'maq mashic icoñiguit da na'qaatec chicqochigui ma'le quiyim ná'ogue ná'maq nquesaxanaxa chaqai ná'maq relaataxanac quena piguim iuana da la'deenaxanaxa ñi qota'a quená'ogue nanchaqaina leloxoỹaxaquipi.

Efesios 6:12

Ma' se seloquiaqata'pegue' ca chaqai qom qara'aajshaxaua, ta'ta'a ná'maq lquesaxanaxa se re'xogui na se no'uen hueeto'ot na piguim, ná'maq relaataxanac chaqai 'ue da lquesaxanaxa, chaqai ỹoiquentac ná'maq ñaqai hueetaugui na napalaxa quenajo 'laua.

Filipenses 2:11

chaqai qaiyi ná'ogue ỹa'deena'a chaqai 'naac quiyim so Jesucristo ỹaatqajam na'gaxala', quiyim qaimaqachin ñi qota'olec.

Hebreos 8:5

Qam dajo lo'ueenataxanaxac na netaxaỹaxanqajanqaipi chi ladenqataxanaxac chaqai 'ec la'al cá'maq hueeta'gue da piguim. Sa'deenqata quiyim nadenqataxanaxac, ma' so Moisés co'na' sham ỹo'uet ca lauo' ñi qota'a, qam ñi'maxare 'naaco' na'le queso'maxare: “'Ajñite' ma'le, ca 'viichi' dá'ogue dá'maq no'ueenataxac. Denaxachichirigui cá'maq no'ueenataxac só'maq sachaxanem qami' na'le cada quemaralec ladocai leenaxat Sinaí.”

Hebreos 9:23

Ca vichiguiño' 'ue da nouenaxanaxa queca qoỹaano quiyim qaiñitaxajlec, ca' qaiyi qaico'taxat na nouenqaipi, qam dajo ma' chi lqui'i cá'maq hueeta'gue da piguim. Qam na nouenqaipi hueeta'gue da piguim ỹouen cá'maq paguec loyac qoỹaano quiyim qaiñitaxajlec quena'maxare.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,