Efesios 1:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca sashiilatac ñi qota'a quiyim coỹarigui yi ra'deenataxanaxaguii, qaiyi 'yiiñii cá'maq 'neeta ca naquitaxaguii quiyim qaroỹaxañiỹaxaua', chaqai dá'maq chalego lecaic nesallaxa ỹaanec ma'le ñi qota'a quená'maq lalamaxareteripi,

Efesios 1:18 Iomraidhean Croise

Job 42:5

Ỹovireta'a nagui qaidaata quiyim chi sa'qaatapega qami', ca' sa'yiiñi', qam nagui, ca' ỹaatqajam ya'iito'ot qami' quenaua ñqote'.

Isaías 11:2

Ca' so ne'espíritu ñi qara'gaxala' hueetalec ma'le so'maxare, ca' qoỹaanem da na'deenaxanaxa, nco'ỹaxaric, 'xaỹaxanqachic chaqai da nquesaxanaxa, chaqai na'deenec quiyim se qanapacalec ñi qara'gaxala'.

Isaías 42:7

Sahotaque neuanñi nqai'ñi' na qai'laqaipi, quiyim naqachira'a na ncoñiitecseripi cañi ncoñiitaxanaxaqui qaỹapootau'a quiyi hua'ñi na napalaxa.

Isaías 6:10

Ra'ñii nqai'ñi' yi la'deenataxanaxac najo qomyipi; po'iriguilo naua lque'laa lauaco, 'xachiriguilo naua nqote', qaiyi se reuanaxan chaqai quiyim 'qaa, chaqai quiyim se ỹa'deene'uegue, qaiyi se rapilot aỹim, qaiyi se somatec.

Mateo 13:15

Ma' añi le'taxanata najo qomyipi ra'ñi, chaqai se ỹa'maxañi da na'xaỹaxanaxac, chaqai pootaguilo naua nqote'; qaiyi se reuanaxanalo naua nqote', chaqai sqaica ca 'xaỹa, chaqai qaica ca ỹa'yiinchigui cañi le'taxanata, qaiyi sqo pila ỹim, ca' somatec.

Marcos 10:17

Ca co'na' so Jesús lotqai liỹa eec, ca 'uo' so novi' ỹale ne'guenta, ca ỹa'yi'iñi naua le'cootal quiyí'maq reloqota'ñi so'maxare. Ca renataxano': —Qami' ná'maq ỹaatqajam huagaxaraic napaxaguinataxanaq, ¿negue' cá'maq shinta'gue quet quiyim sovirau'a ca nca'laxa sqaica lqodoc?

Lucas 24:45

Ca' quiyi, ca' ỹa'deenaxanaxanque saua'maxare naua nerecse' la'qaatqa ñi qota'a.

Hechos 16:14

Ca 'uo' aso 'aalo leenaxat Lidia chicqa'gue da na'a' Tiatira. So'maxare imeenac na lo'yaxanec lo'lo loqquiric, naueralec da letogaxa. Aso 'aalo ỹaatqajam queetalec ñi qota'a, ca na'xaỹaxantac. Ca' ñi qara'gaxala' ỹauachigui añi le'taxanata, qaiyi na'xaỹaxane'ta da la'qaatec so Pablo.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Romanos 11:29

Ma' cá'maq ỹaan ñi qota'a, ca se liỹa icona, chaqai se ishit quiyim se ipacqajñigui so loỹaxanaxac.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Gálatas 5:5

Ma' qomi' sachigoxotqochigui so Espíritu Santo chaqai da qarpi'ỹaxac, ca' 'ue da qanaquitaxac quiyim icoñi'chiguita qomi' ñi qota'a.

Efesios 1:11

Quedá'maq quiyim ña'daqatau'a so Cristo, ñi qota'a shi'gue nca'au'alo qomi', qaiyi ñouanqau'a ma'le cá'maq ỹaanec ma'le ñi'maxare. Qam quedá'ogue dajo nachiñi'chiguit dá'maq ỹahotaque ñi qota'a, ma' ñi'maxare ñí'maq ỹo'ueetac ná'ogue nanchaqaina quená'maq ỹa'maxarenta.

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Efesios 2:12

Ma' queca'maxare na'le qaica so Cristo caqamiri, ca' ỹoreta'ogalo na'le qamiri quena llaalqaipi so Israel, chaqai sqa 'yiiñii dá'maq 'maqataxac chaqai dá'maq ỹachaxantac ñi qota'a. Ca' viitalec najo 'laua, qam qaica ca naquitaxaguii, chaqai qaica ñi qota'a caqamiri.

Efesios 3:16

Chaqai sashiilatac ñi qota'a quedá'maq chalego lecaic lesallaxa quiyim ỹaanema qamiri ca na'ñaxac chaqai ca nquesaxanaxa hueetauguilo nqai'ne' qamiri, chicqochigui nqai'en so ne'Espíritu,

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Efesios 4:1

Ca' vichiguiño' saqatalo qamiri quiyim na'maxachita ma' mashic qaroỹaxanalo qamiri quiñi qota'a, ma' qaycoñiretari', sasouetapigui so qara'gaxala'.

Efesios 4:4

'Ue so 'oonoqui' noshicmaxa lapohitagui, chaqai 'oonoqui' so Espíritu Santo. Ca' qai'neeta roỹaxanalo qamiri ñi qota'a, qaiyi 'oonoqui' ca naquitaxaguii.

Efesios 5:8

Ma' quesom qamiri viitaugui na napalaxa, qam nagui ma' mashic na'yiitau'a so Cristo, ca viitaugui na lauaq. Ca na'maxachita 'ñiitari' ca qom hueetaugui na lauaq.

Filipenses 3:14

qaiyi sovirau'a cá'maq naloqojnec chaqai quiyim ỹaueguec cá'maq ỹachaxantac ñi qota'a quiyim roỹaxanta'lo qomi' queda piguim quiyim seconaxaguit, ma' ña'daqatau'a so Cristo Jesús.

Colosenses 1:12

chaqai 'ỹaañitacot da na'aachicyaxaguii ñi qota'olec, ma' ñi'maxare ỹa'maxatetañi ỹaanem cá'maq ỹachaxantac ná'maq lalamqateripi ma' ỹovita quiyim seuqataugui cá'maq lauaq ñi'maxare.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

Colosenses 1:5

Ma' 'ue da naquitaxaguii quiyí'maq qaỹa'maxatetañi qaỹauaaque qoỹaanema qamiri ma'le quiñi qota'a hueeta'gue da piguim. Qamiri 'uo' na'le da naquitaxaguii co'na' na'xaỹaxañiỹa dá'maq ỹaatqajam llic na'qaatec chicqaugui da nca'laxa.

Colosenses 2:2

Ca' 'ue da iloquiaxac, ma' sahotaque quiyim ra'ñiiguilo na lauele', ca neconta' queda ne'xorenataxanaxa, chi ỹovireta'a qaica ca ỹouen nalogoñi da lpi'ỹaxac chicqochigui da la'deenaxanaxa, quiyim ỹa'yiinchigui dá'maq se re'xogui ỹachaxantac ñi qota'a, ca' chaqaiso so Cristo.

Colosenses 3:15

Ca' da na'maxa chicqo'ot ñi qota'a ỹoiquenta'pe nqai'ñii naua re'taxanatahi, ma' chaqaida dá'maq ỹahotaque ñi'maxare na' roỹaxanalo qamiri quiyim lliguiỹau'a so 'oonoqui' noshicmaxa. Ca' necoñitaque da na'aachicyaxaguii.

1 Tesalonicenses 2:12

Chaqai saqataxalo qamiri quiyim ỹaatqajam quiijlec da leloxoỹaxac ná'maq mashic queeta'pegue' ñi qota'a, ma' roỹaxanalo qamiri, qaiyi viriỹau'a nqai'en da lo'ueenataxanaxac ma' ỹoiquentac ná'ogue najo chaqai da lichoxoric.

1 Tesalonicenses 5:8

Qam qomi' ma' seuqataugui yi na'xa'a, ca' ỹaatqajam sa'maxatqa'tegue da qoyicyaxac, ca' squepaqataxanaxa da qarpi'ỹaxac chaqai da qare'xorenataxanaxa, shinqatari' ca neetaho quena nouaataxanaq quena' ỹanñi aca lquepaqataxanqate cana lotogue. Chaqai ỹaatqajam 'ue da qanaquitaxac queca nca'laxa, ma' 'nejem aca do'o lauataxaqui quena' ỹanñi ca nouaataxanaq le'ec.

2 Tesalonicenses 1:11

Ca' chaqaida dá'maq 'em quiyim qomi' ñqouagaxainqatalgoto qamiri, sashiilqatac ñi qota'a quiyim ỹa'maxate'teque qamiri mashic qamiri loỹaxanqate'. Chaqai sashiilqatac ñi qota'a, ma' ñí quesaxanaxaic quiyim ipacqajanchigui ná'ogue ná'maq no'uen viitaque qamiri, chaqai ná'maq 'viichitac queda rpi'ỹaxaguii.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

1 Timoteo 6:12

Na'ñaxachirelec da rpi'ỹaxaqui', lo'qo'ichiriñi dá'maq nca'laxa sqaica lqodoc. Ma' chaqaida dá'maq 'em roỹaxañiraxaua' ñi qota'a, chaqai mashic ime quiyim nachaachiriñi 'xachisac da rpi'ỹaxaqui', chaqai mashic 'xoic ná'maq ỹa'yiinchigui qami'.

Tito 2:13

Qai'neeta ỹapaxaguinque qomi' quiyim qolqatalec da qarauaanaxanaxac quiyim ñauaanqata'guit quiyim ỹovirelec ca laloqo' ca loyac cajo na'xa'a cá'maq qaỹachaxantapeguema qomi' cá'maq loviraxac quiyim naquetagui da lauaq cá'maq chalego lecaic qota'olec chaqai qarca'laxaqui Jesucristo.

Tito 3:7

Ca' quedá'maq lqouagaxa, ca ỹa'maxarente' qomi', ca' qaiyi seconaxaguit dá'maq ñauaanqata'guit chaalataxac sqaica lqodoc.

Hebreos 10:32

Qam o'lliinchiỹau'galo qamiri saua 'auaxaqa ñaxari na' ñaqai chita'gue qaicoỹarelgoto qamiri, na' ỹaatqajam 'ue da la'ñaxac qavillii quiyim na'ñaxachiiguit da re'xoriguii quedá'maq chalego lecaic ne'guenaxaguii.

Hebreos 6:4

Ma' ná'maq mashic shi'gue icoñiguit quiyim qaicoỹarelec da la'deenataxanaxac, chaqai mashic shi'gue i'guentac cá'maq lame ñi qota'a, chaqai mashic ta'ñigui so Espíritu Santo,

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.