Efesios 1:13 - La'qaatqa ñi qota'olec Qota'olec & Qota'olec Novita Na Qomyipi

¹³ Chaqai qai'neete' qamiri, na' 'xaiỹa dá'maq ỹaatqajam lliqueta na'qaatec, na' qaỹa'xat da rca'laxahi, ca' viilec so Cristo, ca' na'yiiu'a so'maxare, ca' 'ue ca netanec nqohine' qamiri, ca' qamiri lalamaxarete' ñi qota'a, chicqochigui nqohin so Espíritu Santo só'maq shi'gue ỹachaxantac ñi'maxare.

Efesios 1:13 Iomraidhean Croise

Joel 2:28

Ca na' ime'ueque dauajo, ca' socorougui so ñi'espíritu ná'ogue na ỹoreta'oguit qomyipi: na qachaalaxahipi chaqai na qachaallipi ỹa'xate' naua ỹa'qaatqa, na qo'xoiquipi 'ue ma'le ca le'guemataxac chaqai na ne'naqaipi 'ue ma'le na leuanaxanaxac.

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 24:49

Ca' ỹim ñilatalo qamiri ma'le cá'maq ỹachaxantac nallaaqo' ñi ita'a, qam sqai daiỹari' quena na'a' lodegaxat Jerusalén, toco' ma' coñiguit ca nquesaxanaxa chigoxoshiguim.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Juan 14:26

Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

Juan 15:26

Qam ma' novi' cá'maq ỹotauane' chaqai ỹa'ñaxate' qamiri, ca Espíritu cá'maq ichoxot dá'maq ỹaatqajam lliqueta, ñila' ma'le chicqo'ot ñi qota'a, ca'maxare ỹa'xat ma'le aỹim.

Juan 3:33

Qam no'm 'ue ca huelec da'maxare, ca' quedajo, ca' i'taxajñi quiyim ỹaatqajam llic da la'qaatec ñi qota'olec.

Juan 6:27

Mesqo 'ueenataxañii hiñiteguelec ca na'ic tai'a quiyim imeho, ta'ta'a ca na'ic se imeho chaqai chicqaugui ca nca'laxa sqaica lqodoc. Ca chaqaica cá'maq na'ic ỹaanema qamiri najo ỹale llaalec, ma' ñi qota'olec chaqaina ná'maq ỹiquichigui quiyim ỹa'maxarenta.

Hechos 1:4

Ca co'na' ñaq liỹaata'pe so Jesús saua lelaatqa, ca' qatalo quiyim sqai quere'e yi na'a' lodegaxat Jerusalén. Ca 'naapegalo': —Ñaq nauaañi'a quiyim ipaquichigui dá'maq sham ỹaañiỹaxaroma ñi ita'a, dá'maq mashic shi'gue sa'xatema qamiri.

Hechos 13:26

Qamiri ỹaqaỹarolqa, llaalqaipi so Abraham, chaqai ná'ogue ná'maq no'cha'a ñi qota'olec: qomá'ogue taỹauguilo da na'qaatec chicqaugui da nca'laxa.

Hechos 2:33

Ma' ỹahote'e da loic ñi qota'olec ỹaconsop so Jesús, ca qaỹaueguegue da piguim, chaqai icoñiguit quiñi leta'a na Espíritu Santo ná'maq mashic shi'gue ỹachaxantac; ca ná'ogue ná'maq qamiri huañichigui chaqai ná'maq 'xaichigui chicqo'ot ñi'maxare.

Romanos 1:16

Ca' ỹim se ñayiloxonlec da na'qaataxac so Jesús, ma' da'maxare lquesaxanaxa ñi qota'a, ma' ishit nca'laxatec ná'ogue ná'maq huelec. 'Aueta nqai'en na judioipi, qam qai'neeta ná'maq sqai judioipi.

Romanos 4:11

Ca co'na' ime, ca' so Abraham qaỹa'ue so netanec na loshicmaxa, ca 'ec chi netanec quiyim ñi qota'a mashic icoñi'chiguit, ca ỹamata'gue quiyim no'uen ỹale, ma' 'ue da lpi'ỹaxac. Ca co'na' 'neeta dajo, ca' so Abraham chi ỹovireta'a quiyim qai'neeta leta'a ná'ogue ná'maq 'ue da lpi'ỹaxac, 'eno'm sqaica ca netanec na loshicmaxa. Ca' ñi qota'olec icoñi'chiguit qai'neeta na'maxare, ca qai'neeta ỹamata'gue lo'yaxanec ỹale.

Romanos 6:17

Qam 'ue da qana'aachic quiñi qota'a caqamiri, ma' quesom qamiri loiquenatqa na se no'uen, qam nagui ỹaatqajam na'xaỹaxañii'ta dá'maq leloxoỹaxac da napaxaguinataxanaxac mashic qoỹaanema qamiri.

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

2 Corintios 6:7

chaqai dá'maq qara'qaataxanaxac quedá'maq ỹaatqajam lliqueta na'qaatec, chaqai quedá'maq lquesaxanaxa ñi qota'a coqomi'. Chaqai so'goxonaxalo naua lo'goxonqate' dá'maq no'uen chaalataxac, quiyim squepaqataxanaxalo, loqo'm quiyim so'goxonaxalo.

Gálatas 3:14

Ca 'uo' na'le dajo, qaiyi dá'maq lqouagaxa ñi qota'a ỹachaxantac na'le queso Abraham quiyim qoỹaanec quena mesqai judioipi, qam chicqochigui nqohin so Cristo Jesús; qaiyi qomá'ogue seconaxaguit so Espíritu Santo ỹachaxantac na'le ñi qota'a, chicqochigui nqai'en da qarpi'ỹaxac.

Efesios 4:21

no'm ỹaatqajam 'xaichigui dá'maq na'qaatec na'le queso'maxare, chaqai qaỹapaxaguinque qamiri so'maxare quiyim nachiñi'chiguit nqohin dá'maq lliqueta chicqo'ot so Jesús.

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

1 Tesalonicenses 2:13

Ca' chaqaida dá'maq 'em quiyim saanqatacot da qana'aachic ñi qota'a, ma' na' na'xaỹaxañiỹa da sa'xatqatac la'qaatec ñi qota'a, ca' coñiguit, qam mesqai 'ñiita'gue ca chi la'qaatec ca qom, 'ñiita'gue quiyim qota'a la'qaatec. Qam lliqueta quiyim ỹaatqajam qota'a la'qaatec da'maxare, ma' re'oq da lo'ueenataxanaxac caqamiri na' viilec.

2 Timoteo 2:15

Ỹaatqajam nañaañitot ñi qota'a, 'ñiite'm ca no'ueenataxanqajnec ỹaatqajam ỹaqamqata. Ca' qaica ca nayiloxontaque, ta'ta'a quiyim ỹaqamaxateta ỹa'xat dá'maq na'qaatec ỹaatqajam lliqueta.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

2 Timoteo 3:15

Ma' na' ñaqaqami' noctoqui' chaqa'ma' 'yiiñi' naua naneresañi la'qaatqa ñi qota'a, ma' ishite' rapaxaguiñi' chaqai raviquira'guit da nca'laxa dá'maq chicqochigui da qarpi'ỹaxac queso Cristo Jesús.

Tito 2:11

Ma' ñi qota'a ỹachaxanalo qomi' da lqouagaxa dá'maq chicqaugui da lca'laxa ná'ogue na qomyipi.

Hebreos 2:3

¿Huose'queto' qohite' qomi' no'm sqailligueme' ya'ỹoxolec dá'maq llicyaxac dá'maq chalego lecaic nca'laxa? Ma' chaqaiso so qara'gaxala' só'maq 'au ỹa'xato' na'le dajo nca'laxa, ca co'na' ime, ca lotqai qalam só'maq na'xaỹaxantapega so'maxare chaqai ỹaatqajam 'chichiguiñi nqai'en da na'qaatec. Ime, ca lotqai ra'qaataxanalo qomi'.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

Santiago 1:21

Vichiguiño' 'xañiỹac ná'ogue ná'maq ỹo'maqajnac ca qom, chaqai ná'ogue na se no'uen. Qaidaata quiyim ne'xorishiñita coñiguit da la'qaatec ñi qota'a, dá'maq mashic qoỹanlgoto naua re'taxanatahi. Ma' dajo na'qaatec 'ue da lquesaxanaxa quiyim nca'laxaterec qamiri.

1 Pedro 2:10

Quesom sqai ỹalequetauguilo qamiri ñi qota'a, qam nagui, ca' ỹalequetauguilo qamiri ma' mashic qamiri lalamaxarete'. Quesom qaica ca i'xorenta'pe qamiri, qam nagui i'xorenta'pe qamiri ñi qota'olec.

Apocalipsis 7:2

Qai'neeta seuane'ta so piguim le'ec chicqa'gue da lqodoigue, lo'qoota'a aso letanaxanqate ñi qota'a ñí'maq nca'leetauec. Ca' sojo piguim le'ec ỹaualaq, qam ỹaatqajam netenegue da laualaxac quesaua cuatro nelaatqa piguim lase' sauá'maq iconchiguito' na'le da lquesaxanqa' quiyim na'axat na 'laua chaqai ana huaaxai. 'Naacsa':