Eclesiastés 9:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' ná'maq nca'leetauec ỹa'den quiyim ileu ma'le, qam ná'maq mashic ileu qaica quet cá'maq ỹa'den chaqai se rauegaxan, ma' qaỹa'laxate.

Eclesiastés 9:5 Iomraidhean Croise

Job 14:21

Ca no'm na llaalqaipi ỹovira'a quiyim qaimaqachin, qam ca'maxare se ỹa'den; chaqai no'm ỹovirau'a ca le'xoric lodegaxat, qam ca'maxare se retan.

Salmos 6:5

Qaica quet cá'maq mashic ileu, ca ỹo'leenta'a qami'; ¿negue' queto' ca ishit quiyim imaqachin qami' quiyim mashic hueetañigui aca napal lahi'?

Salmos 88:13

Qam ỹim yaualqatacot qami' ỹa'gaxala'; quiyi nete'eta, ca saanot qami' da ñqouagaxainaxac.

Eclesiastés 1:11

Qaicoua'ahi sauá'maq shi'co' quen 'vii, chaqai qaicoua'ahi ma'le nauá'maq ñaqa naate' quená'maq co'uaataxanta qomyipi ma'le.

Eclesiastés 2:16

Ma' qaica ma' qaỹo'leentetaque quet cá'maq 'ue ca ỹa'den chaqai cá'maq qaica ca ỹa'den; ma', ma' ncopa, ca' ná'ogue qaỹa'laxate cá'maq 'deenaxanqachaqaic chaqai cá'maq qaica ca ỹa'den. ¡Caua'que ileue'!

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Eclesiastés 9:4

Paguec da naquitaxac cá'maq ñaq nca'leetauec, ma' paguec la'maxa ca pioq nca'leetauec queca sauaxaic leta'a leuaxaic.

Isaías 63:16

¡Qami' ná'maq qami' qareta'a! 'Eno'm so sachigoxosoxougui Abraham 'ec ỹora'alo nqai'ne' qomi', chaqai so laual Israel se ỹo'leenta'alo qomi', qam qami' qara'gaxala', qami' ná'maq qami' qareta'a; chaqai shi'gom se neme quiyim 'ootaxañiseguelgoto qomi'.

Lucas 20:32

Ca' co'uaataxanta qai'neeta aso 'aalo ileu.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,