Eclesiastés 9:3 - La'qaatqa ñi qota'olec Qota'olec & Qota'olec Novita Na Qomyipi

³ Dajo dá'maq se no'uen quená'ogue ná'maq 'ue quena 'laua: ná'ogue qaidaata dá'maq taỹa'gue. Chaqai da liỹa quiyim da la'deenataxanaxac na qom no'qaachigui quena se no'uen; queeta'pegue' dá'maq quiyim qaica ca ỹa'den quedá'ogue da nachaalataxac; ca quena' ncopa, ca' ¡ỹovita yi napalyipi!

Eclesiastés 9:3 Iomraidhean Croise

Génesis 6:5

Ca ñi qara'gaxala' qota'olec co'na' ỹa'ajantac quiyim paguec se no'uen da loic na qomyipi quena 'laua, ma' na'maxare ỹaatqajam queetalec quiyim ỹa'deentaque ỹo'uet ná'maq se no'uen.

Génesis 8:21

Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Job 9:22

Dá'ogue qaidaata dá'maq 'neetari'. Ca' chaqaida dá'maq sa'deentapega: ñi'maxare ileu nqai'en ná'maq qaica ca lasauaxaset, 'nejem nqai'en na sauaqhuaic.

Salmos 51:5

Ca' lliqueta quiyim chi ñi'qaañi chaqa'ma' ỹim nocqaic; shi'gue ỹim sauaqhuaic na' ñaqai seuetaho.

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Eclesiastés 2:14

Cá'maq 'ue ca ỹa'den ỹouene' naua nqote', qam cá'maq qaica ca ỹa'den queetapougui na napalaxa. Qam na' ime, ca' yitan, ca' sa'den quiyim dá'ogue dá'maq taỹa'gue.

Eclesiastés 9:2

Ma' ná'ogue, cá'ogue cá'maq taỹa'ñi lqodoc: ná'maq huagaxaraic chaqai na sqai huagaxaraic, ná'maq sqai nocqaic chaqai na nocqaic, ná'maq 'maxataxaraic chaqai na sqai 'maxataxaraic, ná'maq ỹaano ca lachitaxanataxanaxat chaqai ná'maq sqai ỹaano; dá'ogue dá'maq 'neete' ma'le ca huagaxaraic chaqai ca sauaqhuaic, cá'maq nallitalta' ỹaanec ca la'qaatec chaqai cá'maq sqai ỹaanec ca la'qaatec.

Eclesiastés 9:4

Paguec da naquitaxac cá'maq ñaq nca'leetauec, ma' paguec la'maxa ca pioq nca'leetauec queca sauaxaic leta'a leuaxaic.

Lucas 15:17

Ca' quiyi, ca ra'deenataxantac, 'naaco': “¡Ỹaatqajam cá'ogue ca ro'ueenataxantac queca la'a' ca ita'a ỹaatqajam se ỹouen na loq, qam ỹim quena seueta'ñi yalauat na ỹoqopaaxa!

Lucas 6:11

Qam só'maq qomyipi ỹaatqajam ro'o. Ime, ca' nenatetecta': —¿Nega'ỹo' ca 'neeta quiyim qaỹa'ue ca qohine'tegue so Jesús?

Hechos 12:23

Ca' quiyi, ca novi' so chicqashiguim qota'a lelaatec, ỹo'uet quiyim ralola so Herodes, ma' pa'aalec da lecaic ñi qota'olec; ca' ileu, qaichiqueta quena ñilo'.

Hechos 26:11

Chaqai 'xoic quiyim ỹim souaxantac, ma' sahotaque ỹaxanñi da lpi'ỹaxac. Da shinta'gue quen quená'ogue na lapoxoqui na judioipi. Ma' ỹaatqajam 'xoic ỹoquiiaxa quena'maxare, vire'ta socanaxañigui quena ỹoqa'a na'aateripi.

Hechos 26:24

Ca co'na' ñaq retaqatac so Pablo ỹa'xatetac dajo, ca naualqashiguim so Festo: —Qami' lecmaxaic nagui, Pablo, paguelec da napaxaguinaxaqui', ca releguemaxachi'.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

2 Pedro 2:16

Na' ỹo'uet da lasauaxaset, ca' qanelaxa caso 'ashina sqaicaua la'qaatqa, qam na' retaqa, ca ỹahota'ahi naua qom la'qaatqa. Ca' se ỹasenegue quiyim queetalec da leualoxonqaishic so'maxare.