Eclesiastés 9:2 - La'qaatqa ñi qota'olec Qota'olec & Qota'olec Novita Na Qomyipi

² Ma' ná'ogue, cá'ogue cá'maq taỹa'ñi lqodoc: ná'maq huagaxaraic chaqai na sqai huagaxaraic, ná'maq sqai nocqaic chaqai na nocqaic, ná'maq 'maxataxaraic chaqai na sqai 'maxataxaraic, ná'maq ỹaano ca lachitaxanataxanaxat chaqai ná'maq sqai ỹaano; dá'ogue dá'maq 'neete' ma'le ca huagaxaraic chaqai ca sauaqhuaic, cá'maq nallitalta' ỹaanec ca la'qaatec chaqai cá'maq sqai ỹaanec ca la'qaatec.

Eclesiastés 9:2 Iomraidhean Croise

Génesis 24:3

Ca' 'ỹaañitem ca ra'qaachiqui' ñi qara'gaxala', ñí'maq qota'olec quena piguim chaqai quena 'laua, quiyim sqai ỹaxanegue ñi ỹaalec Isaac ỹa'ue aca loua na'ñi najo 'laua Canaán.

Job 9:22

Dá'ogue qaidaata dá'maq 'neetari'. Ca' chaqaida dá'maq sa'deentapega: ñi'maxare ileu nqai'en ná'maq qaica ca lasauaxaset, 'nejem nqai'en na sauaqhuaic.

Salmos 73:3

Ma' 'ue da ipa'guenaxanaxa quiyim noquiiquetashiguim na nemaqajnaxairipi chaqai na hualoxonyipi.

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!

Eclesiastés 3:19

Ỹaatqajam lliqueta quiyim na qomyipi dá'ogue da llicyaxac: ná'ogue dá'ogue dá'maq 'neeta ileu, chaqai ná'maq lacat dá'ogue dá'maq no'ueenataxac. Qaica quet cá'maq ỹapacauec ca no'ueenataxac quena qom chaqai quena isecỹac. Qam ná'ogue qaica quet cá'maq 'neeta,

Eclesiastés 7:18

Dá'maq paguec la'maxa quiyim ỹaatqajam qanolliichiguiñi dajo, qam se qoỹaxanec queda nqai'laxat dajo liỹa. Cá'maq imaqachin ñi qota'olec, ca no'uen ca 'neeta quená'ogue najo.

Eclesiastés 9:3

Dajo dá'maq se no'uen quená'ogue ná'maq 'ue quena 'laua: ná'ogue qaidaata dá'maq taỹa'gue. Chaqai da liỹa quiyim da la'deenataxanaxac na qom no'qaachigui quena se no'uen; queeta'pegue' dá'maq quiyim qaica ca ỹa'den quedá'ogue da nachaalataxac; ca quena' ncopa, ca' ¡ỹovita yi napalyipi!

Jeremías 43:6

ỹalliripi, 'aallipi, na ñaaqaipioqui', so llaallipi so nashi chaqai sá'ogue só'maq qomyipi quiyim so Nabuzaradán, só'maq lashi na neloxoỹaripi, so'maxare ỹamaxalec so Gedalías quiyim reloqota'a, vire'ta so Jeremías chaqai so Baruc.

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.