Eclesiastés 9:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca ná'ogue ỹaatqajam ñapaxaguina, ca sa'den quiyim dá'maq lo'ueenataxanaxac na huagaxaraiquipi chaqai na 'deenaxanqachaqaiquipi ỹoiquentac ñi qota'olec. Na qom se ỹa'den da ne'xorenataxanaxa chaqai da neuelgaxanaxac, 'eno'm richa'am re'qoota.

Eclesiastés 9:1 Iomraidhean Croise

Job 5:8

Queta' ỹim qami', ca sopilot queta'le ñi qota'olec, ca ñañaanot queta'le. (5.9-14 So Elifaz queetalec da letaxaỹaxac queso Job.)

Salmos 31:5

Sañiguilo naua napoquenalli' da ñachaalataxac; ¡coñira'ñigui aỹim, qami' ỹa'gaxala', qami' qota'olec queda lliqueta!

Salmos 73:3

Ma' 'ue da ipa'guenaxanaxa quiyim noquiiquetashiguim na nemaqajnaxairipi chaqai na hualoxonyipi.

Eclesiastés 7:15

Dá'ogue dajo seuana quedá'maq qaica ca 'negue ñachaalataxac: quiyim ileu na huagaxaraic 'eno'm 'ue da leuagaxaric, chaqai na hualoxonyipi quedá'maq leualoxonqaishic, qam ỹovireta'a lqo'xo.

Eclesiastés 8:16

Ma' na' ỹaatqajam sahotaque sa'den chaqai quiyim seuana ná'ogue ná'maq qaỹo'ueetetac quena 'laua, vire'ta na' tot qaica ca ilaxac quiyi pe chaqai quiyi na'xa'a,

Eclesiastés 9:6

Quiyi, ca' lqodoc da le'xorenataxanaxa, da lauelgaxanaxac, chaqai da le'xoric, chaqai tot qaiconape'oga quecá'maq qaỹo'uet quena 'laua.

Jeremías 43:6

ỹalliripi, 'aallipi, na ñaaqaipioqui', so llaallipi so nashi chaqai sá'ogue só'maq qomyipi quiyim so Nabuzaradán, só'maq lashi na neloxoỹaripi, so'maxare ỹamaxalec so Gedalías quiyim reloqota'a, vire'ta so Jeremías chaqai so Baruc.

2 Timoteo 1:12

Ca' chaqaida dá'maq 'em 'ue da i'xoric. Qam se ypocoqotac, ma' sa'deenta só'maq hueeto'ot da ñaquitaxac. Chaqai ỹaatqajam sa'deenta quiyim so'maxare 'ue da lquesaxanaxa quiyim netela'a aỹim quedá'maq pataxailec, ỹovireta'guit nqai'en cá'maq pa'aatec na'xa'a.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

1 Samuel 2:9

Ñi'maxare cochiỹalo caua lqauaxaqui' cá'maq qamaxaraic quiñi'maxare, qam na hualoxonyipi ileuaugui nqai'en na napalaxa, ma' qaica quet cá'maq doxonaxan chicqochigui cá'maq chi lquesaxanaxa.