Eclesiastés 8:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ ca' paguec yitan quiyim na qom se ishit ỹa'den dá'maq ỹo'ueetetac ñi qota'olec chaqai ná'maq 'ue quena 'laua. 'Eno'm chalego ca na'ñaaqataxac idaantaque ca leloxoỹaxac, qam se ỹanata; 'eno'm cá'maq 'deenaxanqachaqaic 'naac ỹa'den, qam dá'maq ỹaatqajam lliqueta quiyim saqa' ỹanata ca leloxoỹaxac.

Eclesiastés 8:17 Iomraidhean Croise

Salmos 104:24

¡Ỹaatqajam 'xoic na ro'ueenachiqui', qami' ỹa'gaxala'! Ná'ogue na'maxare chicqochigui da ra'deenaxanaxa'e'; ¡ná'ogue na 'laua no'qajlec quená'maq ro'ueenachiqui'!

Salmos 40:5

Qami' ỹa'gaxala' chaqai qota'olec caỹim, 'xoic ná'maq imaqachin qami' quena ro'ueenachiqui' chaqai quiyim 'yiiñisapegalo qomi'. ¡Qaica ca 'nejem qami'! Sahotaque quiyim sa'xat da'maxare, qam ỹapaquerauec quecá'maq sa'xat quet.

Salmos 73:16

Ca' chalego da shinta quiyim sahotaque sa'den dajo, qam chalego da lqalaic caỹim.

Eclesiastés 1:13

Ca' ỹaatqajam ñomatalta' quiyim sa'ajan chaqai ñapaxaguina queda chi ỹa'deenaxanaxa ná'ogue ná'maq qaỹo'ueetetac quena 'laua. Ca' ¡chalego lecaic dá'maq ñi qota'olec illaalec na ỹalliripi, qaiyi nemanachit nqai'en na qomyipi!

Eclesiastés 3:11

Ma' ñi'maxare na' ñaqai chita'gue ỹo'uet, ỹaatqajam lo'yaxanec nqai'en ná'ogue; chaqai illaagui yi la'deenataxanaxac na qom quiyim ỹa'deentapega ná'maq sqaica lqodoc, 'eno'm na qom se ỹovi' quiyim ỹa'den quet da lecaic ñi qota'olec quená'maq lo'ueenatec chaqai quecá'maq ỹo'uet ma'le.

Isaías 40:28

¿Mashic 'eco' sqa 'yiiñi'? ¿Se ỹauano' quen 'qa'ita? Ñi qara'gaxala', ñí'maq qota'olec sqaica lqodoc, ñí'maq ỹo'uet ná'ogue na 'laua, se nco'teuec chaqai se isot; da la'deenec sqaica lqodoc.

Romanos 11:33

¡Ỹaatqajam chalego lecaic da lqouagaxa ñi qota'olec, chaqai da la'deenaxanaxa, chaqai qaỹaataq ca ỹa'den! Chaqai se sa'deenaq quiyim sa'xataxe' naua na'deenaxaco, chaqai vire'ta se sa'deenaxe' naua nayicyaxaco.