Eclesiastés 8:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ma' na' ỹaatqajam sahotaque sa'den chaqai quiyim seuana ná'ogue ná'maq qaỹo'ueetetac quena 'laua, vire'ta na' tot qaica ca ilaxac quiyi pe chaqai quiyi na'xa'a,

Eclesiastés 8:16 Iomraidhean Croise

Génesis 31:40

Quiyi na'xa'a yalauat quen na npa'ỹaaxa, chaqai quiyi pe yalauat quen na no'oomaxa. ¡Vire'ta quena' sqaica ca ilaxac!

Salmos 127:2

Qaica quet cá'maq 'negue quiyim na'xa'alom ro'ueenataxantac ca qom, chaqai quiyim chalego lesoochi qaiyi 'ue aca lauegue lqui'ỹaxaqui, ma' ñi qota'olec ỹaanem ca loq quena' laqatam ná'maq nqo'ta ñi'maxare.

Eclesiastés 1:13

Ca' ỹaatqajam ñomatalta' quiyim sa'ajan chaqai ñapaxaguina queda chi ỹa'deenaxanaxa ná'ogue ná'maq qaỹo'ueetetac quena 'laua. Ca' ¡chalego lecaic dá'maq ñi qota'olec illaalec na ỹalliripi, qaiyi nemanachit nqai'en na qomyipi!

Eclesiastés 1:14

Ca' yitan quiyim ná'ogue ná'maq qaỹo'ueetetac quena 'laua, qaica quet cá'maq 'negue, 'ec qaỹahotaque neconecsec na nonot.

Eclesiastés 2:23

'Xoic da le'xoric queda nachaalataxac, ỹaatqajam qaica ca lo'daqa'; vire'ta quiyi pe se nco'majñi, ra'deenataxantac. ¡Ca' dajo qai'neeta qaica ca 'negue!

Eclesiastés 5:12

Cá'maq ro'ueenataxan, 'eno'm cocho'qui' ca ỹa'ic loqo'm 'xoic, qam ỹaatqajam 'te'tegue ca lelaxac; qam ca nesallaxanec da lesallaxa sqai 'tegue nqai'en da lelaxac.