Eclesiastés 7:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Mese ỹapacauec ca neuagaxaric, chaqai se qaỹapacqajnauec ca na'deenec. ¿Chi'negue queta' nqa'viinteguelta' ca qom?

Eclesiastés 7:16 Iomraidhean Croise

Génesis 3:6

Ca' aso 'aalo iuana quiyim aso qo'paq chalego loyac. Ca 'uo' da lishoxo quiyim ỹa'ic, qaiyi 'ue ca la'deenec. Ca' naqato' na'le aso la, ca' ỹa'ic, ca' ỹaanem qai'neeta so loua. Ca so'maxare ỹa'ic.

Job 11:12

Cá'maq na'xa'a quiyim na 'ashin neuec ỹaxanñi cá'maq 'neetari', ca' quecajo na'xa'a, ca no'uen ná'maq qaica ca ỹa'den.

Proverbios 23:4

'Neeto' 'xoic ca reuogoxo'e' quiyim qami' nesallaxanec; totaxan 'yiiñisapega dajo.

Proverbios 25:16

No'm huañiterelec ca rapic li'i, 'neeto' paguelec ca 'qui', ma' no'm 'xoic ca 'qui', ca' sqoue resalli'.

Eclesiastés 12:12

Ca' quiñi 'óna ỹanata yí'maq chalego lecaic naqataxac. Qaica ca lqodoc quiyim qaỹo'uet aca 'xoic lere, chaqai quiyim 'xoic ca paxaguinaxac resotqataxan.

Mateo 23:29

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qamiri no'xoñishiguim ana lahi' so letaxaỹaxanqajanqaipi ñi qota'a chaqai viitaque na lemaqatet na qaripi netanaxaset so huagaxaraic qomyipi.

Mateo 23:38

Ca' ñaqa 'ajñii, co'tejlem ma'le na ra'aari.

Mateo 23:5

Ca' quená'ogue ná'maq ỹo'uet, ỹahotaque qaỹa'ajantac quena qomyipi. Ma' ỹaatqajam nqo'ta quiyim 'ue ca hueetalec na latap chaqai quenaua lqai'laqate' quiyaua naneresañi la'qaatqa ñi qota'a, leca'gue nqohin ca nerec, chaqai quiyim ỹañiñi naua noho paguec ladocqa' naua lauollaxa' quena liỹa qom.

Mateo 9:14

Ca' saua nale' so nachilaxanataxanaq leenaxat Juan noquiicra'a so Jesús, ca renataxane': —¿Chi'neco' qomi' chaqai na fariseoipi ỹaatqajam 'xoic quen ñqopaaqachitaq, qam naua rapaxaguinataxahi' se nqopaaqachite'?

Lucas 18:12

Ỹim dos pilac quiyim ñqopaaqachilta' quiyaua siete na'xata', chaqai ỹim soỹoote'oga añi 'óna quiyaua diez quená'ogue caná'maq ỹauegue, ca' saanot qami'.”

Romanos 10:2

Ỹim shinac dajo, ma' ỹaatqajam 'xoic da lishoxo quiyim ro'ueenataxanot ñi qota'a. Qam dajo lishoxo sqai chicqaugui dá'maq ỹaatqajam llic na'deenaxanaxa.

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Romanos 12:3

Ma' quedá'maq lqouagaxa ñi qota'a caỹim, ca yilarelec dajo ỹo'ueenataxanaxac, ca shinac dajo caqamiá'ogue quiyim qaica quet cá'maq ỹoiquentac quiyim napacqajan queca chi la'deenataxanaxac. Ta'ta'a quiyim quiñi 'óna ỹa'maxate'tegue ca la'deenataxanaxac quecá'maq laloqo' ca lpi'ỹaxac qoỹaanem quiñi qota'a.

1 Corintios 3:18

Qam qaica ca nayinteguelta'. Quiyim 'ue ca ipeeta'a quiyim ỹa'den da llicyaxac da na'deenec huelecna, ca'maxare no'uen quiyim naconaque quiyim 'ec qaica ca ỹa'den, qaiyi ỹaatqajam llic 'ue ca ỹa'den.

1 Corintios 3:20

Qai'neeta 'naac: “Ñi qara'gaxala' ỹa'deene' naua la'deenataxanaxaco ná'maq 'ue na ỹa'den quiyim qaica ca 'netegue.”

Filipenses 3:6

Ỹaatqajam 'ue da ñapacqajnaxac, ca vire'ta quiyim socanaxantapigui ná'maq mashic huelec so Cristo. Chaqai quedá'maq na'maqataxac da chaalataxac sqaica ca ishit quiyim 'ue quet ca ỹa'xat, ma' qaica ca ñapacalec quena naqataxaquipi.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

Colosenses 2:23

'Nesa ma' llic quiyim ná'ogue najo 'ec quiyim ỹaatqajam 'ue ỹa'den cá'maq qom ỹo'uet. Ma' ilarelec da nqouagaxainaxac, neneequesenaxac, chaqai ỹo'uet da le'xoric na loshicmaxa. Qam na'maxare se ỹotauan quiyim nollaalta' queda lamaanaxanqachic na loshicmaxa.

1 Timoteo 4:3

Najo qomyipi se ỹa'maxaren quiyim 'ue ca 'on, chaqai 'ue na se ỹasen quiyim qaỹa'ic quena na'ic. Qam ñi qota'a ỹo'uet najo na'ic, ỹauaaque quiyim ỹa'ic ná'maq mashic icoñiguit da na'qaatec chaqai ná'maq ỹa'deenta da leloxoỹaxac ỹaatqajam llic, ca ỹaantecshiguim da na'aachic quena' que'e.

Apocalipsis 18:19

Ca nemeetese'e naua lqahigo' quena 'laua, noỹentagui, rapooteseguelec, 'neracsa': —¡'Agai, ỹaatqajam chalego le'xoric yí'maq chalego lecaic na'a'! Ma' queda lesallaxa resalligui ná'ogue ná'maq 'ue ana looỹac qom lahi' huaxaỹaqse cana huaaxai. ¡Qam ne'laqataxanto quiyim ná'ogue na'laañi!