Eclesiastés 7:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Dá'ogue dajo seuana quedá'maq qaica ca 'negue ñachaalataxac: quiyim ileu na huagaxaraic 'eno'm 'ue da leuagaxaric, chaqai na hualoxonyipi quedá'maq leualoxonqaishic, qam ỹovireta'a lqo'xo.

Eclesiastés 7:15 Iomraidhean Croise

Génesis 47:9

Ca' so Jacob 'naaco': —Mashic sovite' yaua ciento treinta ñaxari quiyim ñamaqategueri' saachi'ñalo. Sqo vite', qam se no'viiñi naua seuetauguilo ñaxari. Ma' saqa' sovite' nagui caua ñaxari ỹovite' yí'maq 'auaxaic ita'allipi.

1 Reyes 21:13

Ime, ca ỹovirero nqohine' saua dos ỹale' quiyim chi ỹo'ueete' ca ỹa'xate' se no'uen queso Nabot, 'qaatac nqohin sá'ogue so qomyipi, quiyim so Nabot noquiaatapega na'le ñi qota'olec chaqai so nashi Acab. Ime, ca' qaỹauegue'uegue da lahi yi na'a', ca qainaqatac quena qa' chi qaỹalauatetañi.

Eclesiastés 2:23

'Xoic da le'xoric queda nachaalataxac, ỹaatqajam qaica ca lo'daqa'; vire'ta quiyi pe se nco'majñi, ra'deenataxantac. ¡Ca' dajo qai'neeta qaica ca 'negue!

Eclesiastés 3:16

Ỹim seshit seuana ná'ogue quenajo 'laua 'ue na namaanaxanqachic chaqai na se no'uen, ná'maq hua'ñi 'ue quet ca na'maxa chaqai ca 'maqataxac.

Eclesiastés 9:9

Chita'gue lotqai 'viichi' cá'maq vi'saque cacá'maq rqo'chita 'aalo, queda nachaalataxaqui' qaica cá'maq leloxoỹaxac ỹaañiraxarom ñi qota'olec quena 'laua; ma' chaqaidaata dá'maq naqachi' ma'le quedá'ogue dá'maq ro'ueenataxanaxaqui' quena 'laua.

Isaías 65:20

Ca' quiyí ma'le, ca' qaica ca ñaqai noctoqui', ca' ileu, chaqai ca qo'xoic quiyim saqa' ỹovita ca laloqo'. Cá'maq ileu quiyim ỹovite' caua cien ñaxari, ca ñaq ne'necoqui', ca' ileu; chaqai cá'maq se ỹovite' caua cien ñaxari, ca' ileu, ca qaretan quiyim ỹim sa'ue ca nouaxanaxaset.

Juan 16:2

Qamiri qaro'yiỹauec ma'le cañi lapoxoqui na judioipi, chi ỹovireta'a quiyim canchaqaica 'ue ca ỹalauat caqamiri, ca 'neetapigui lauel quiyim 'maxaraic da ỹo'uet quiñi qota'olec.

Hechos 7:52

¿Nega'ỹo' ca quesaua qota'a la'qaataxanqajanqa se qaiqa'viỹa'gue queso 'auaxaic qata'illipi? Saua'maxare ỹalauate'o' sauá'maq ỹa'xatesa'guit da loviraxac só'maq ipacqajanchigui ỹo'uet da la'qaatec ñi qota'a. Ca nagui novi' so'maxare, ca qamiri chaqai coñijlec, lauachii.