Eclesiastés 5:8 - La'qaatqa ñi qota'olec Qota'olec & Qota'olec Novita Na Qomyipi

⁸ 'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.

Eclesiastés 5:8 Iomraidhean Croise

Salmos 95:3

Ma' ñi qara'gaxala' chaqaiñi ñi qota'olec lodegaxat, chalego lecaic lashi ná'ogue na nashiilqaipi nqolaquipi.

Proverbios 24:12

Ca 'eno'm 'taxachisegueñi quiyim sqa 'yiiñi', qam ñí'maq imitac na nasauaxaset qaiyijim retan qami'; qam ỹaatqajam ỹa'deenta ñí'maq ra'ajñisac qota'olec, ñí'maq ipaquichigui nqai'en ca re'xoriqui' cá'maq ro'ueenataxanaxaqui'.

Eclesiastés 3:16

Ỹim seshit seuana ná'ogue quenajo 'laua 'ue na namaanaxanqachic chaqai na se no'uen, ná'maq hua'ñi 'ue quet ca na'maxa chaqai ca 'maqataxac.

Eclesiastés 4:1

Ca lotqai sa'ajan dá'maq 'neetari' ná'maq pataqatañi na qom quena 'laua. Ca' seuana quiyim ná'maq qaipataqatañi noỹentagui, qam qaica cá'maq lo'daxachigui lauel; ỹaatqajam 'ue da lqa'viic ná'maq pataxasoxontac, qam qaica cá'maq lo'daxachigui lauel.

Eclesiastés 5:9

Ca' ¡dajo qohinac nqo'neuec da lesallaxa ca 'laua qoyintalec, chaqai ca nashi paguec quelola na no'ueenaxa!

Isaías 5:7

Yi lanaxanqa' ñi qara'gaxala' ñí'maq qaica lqalanec, yí'maq lqo'itaxat lanaxanqa', chaqaiyi yi 'laua neetalec na llaalqaipi so Israel, chaqai na lauo' so Judá. Ñi qara'gaxala' 'neetapega quiyaua'maxare se napaqueralec da naqataxac, qam qainaata iuantapega na nalauataxanaxac; nauaantaque ca 'maxaraic 'ueenataxac, qam qainaata 'qaataque na naualaxac queda nqui'ic.

Ezequiel 18:18

Ca' só'maq leta'a quiyim pataxasoxonaxai chaqai rocachi chaqai ỹo'uet dá'maq se no'uen queca lauo', ca' ileu chi nouaxanaxaset quecá'maq lasauaxaset.

Miqueas 2:9

O'yiỹauec na 'aallipi quenauá'maq lauochaqate' lomaate' chaqai tot qaica ma' liỹa quiyim 'viichii dá'maq lemaqachic saanem na llaalqaipioqui'.

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Lucas 1:32

Ma' ca'maxare ỹaatqajam lodegaxat, chaqai qaỹamata'gue ma'le llaalec ñi qota'olec maq lodegaxat. Ma' ñi qota'olec ñí'maq qara'gaxala' ỹano ma'le ca'maxare quiyim nashi, 'nejem so chigoxougui nashi David,

Lucas 1:35

Ca' so nelaatec 'naaco': —Ca Espíritu Santo ta'ñigui qami' ma'le, ca' da la'ñaxac ñi qota'olec ma' lodegaxat ỹapolec qami', 'nejem ca naueguelec. Ca vichiguiño' cajo noctoqui' ma' ne'qaañi, ca'maxare ỹaatqajam qoỹaanot quiyim hueeto'ot ñi qota'olec. Ca' qaỹamata'gue llaalec ñi'maxare.

Lucas 1:76

Qam qami' ỹaalcolec, qaỹamata'gue ma'le quiyim qami' letaxaỹaxanqajnec ñí'maq qota'olec ma' sqaica nqai 'nejem da lquesaxanaxa, ma' qaỹaqatqajanta'gue qami' ma'le ca llic ñi qara'gaxala' qaiyi ỹa'maqatañi ca llicyaxac,

Hechos 12:23

Ca' quiyi, ca novi' so chicqashiguim qota'a lelaatec, ỹo'uet quiyim ralola so Herodes, ma' pa'aalec da lecaic ñi qota'olec; ca' ileu, qaichiqueta quena ñilo'.

Romanos 11:33

¡Ỹaatqajam chalego lecaic da lqouagaxa ñi qota'olec, chaqai da la'deenaxanaxa, chaqai qaỹaataq ca ỹa'den! Chaqai se sa'deenaq quiyim sa'xataxe' naua na'deenaxaco, chaqai vire'ta se sa'deenaxe' naua nayicyaxaco.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

1 Pedro 4:12

Qamiri ỹaqaỹarolqa, 'neeto' lotqai la'lliỹa'guit da lquesaxanaxa da ne'guenaxaguii taatalgoto qamiri quiyim 'ec sqai viriỹau'a quet.

1 Juan 3:13

Qamiri ỹaqaỹa', 'neeto' re'laxahi quiyim noquii'alo qamiri ná'maq qomyipi ỹo'ueetetac na se no'uen hueetalec ana 'laua.