Eclesiastés 4:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca lotqai sa'ajan dá'maq 'neetari' ná'maq pataqatañi na qom quena 'laua. Ca' seuana quiyim ná'maq qaipataqatañi noỹentagui, qam qaica cá'maq lo'daxachigui lauel; ỹaatqajam 'ue da lqa'viic ná'maq pataxasoxontac, qam qaica cá'maq lo'daxachigui lauel.

Eclesiastés 4:1 Iomraidhean Croise

Job 6:29

Nauá'maq sqai llico ra'qaataxahi, ca ỹoochihe'ogalo, ca' retañii quiyim ỹaatqajam llic da sa'xatetac.

Job 9:24

Ca ñi'maxare ỹaanec ná'maq hueetalec na 'laua, qaiyi ỹoiquentac na hualoxonyipi, ca' na loico lo'o', ca ỹaxachiguilo naua nqote'. Ca no'm sqai 'ne'tegue dajo ñi qota'olec, ca ¿negue' quet cá'maq liỹa ỹo'uet dajo? (9.25-35 So Job queetalec da letaxaỹaxac quesaua nauochaxaua'.)

Salmos 42:3

Quiyi na'xa'a chaqai quiyi pe 'ec sa'queeta'pe naua ỹachi', qam se neme quiyim qayinatetac: ¿Hueeta'gue ca qota'olec caqami'?

Salmos 42:9

Ca' shinac quiñi qota'olec ñí'maq ro'ootaxanteguelec aỹim: ¿Chi'negue ma' coua'ire'e aỹim? ¿Chi'negue queta' sachicota chaqai quiyim ypataqatañi na ñpa'guenaxauaripi?

Éxodo 1:16

—Ma' 'ue aca cochiỹa cana 'aallipi hebreo lase, ca' 'yiiñita ca llaalec. Quiyim ỹale, ca' lauachii. Qam no'm 'aalo, ca' nca'laxachitauec.

Éxodo 1:22

Qam so Faraón 'naaco' quesó'maq chi lauo' laseripi: —No'm 'ue ca ne'qaañi noctoqui' quena hebreo lasellipi, ca qainaxe'ogo' ma'le aso lachiugue. Qam ana nocto'lli' ne'qaañi, ca' qanca'laxatetauec.

Eclesiastés 3:16

Ỹim seshit seuana ná'ogue quenajo 'laua 'ue na namaanaxanqachic chaqai na se no'uen, ná'maq hua'ñi 'ue quet ca na'maxa chaqai ca 'maqataxac.

Eclesiastés 5:8

'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.

Isaías 5:7

Yi lanaxanqa' ñi qara'gaxala' ñí'maq qaica lqalanec, yí'maq lqo'itaxat lanaxanqa', chaqaiyi yi 'laua neetalec na llaalqaipi so Israel, chaqai na lauo' so Judá. Ñi qara'gaxala' 'neetapega quiyaua'maxare se napaqueralec da naqataxac, qam qainaata iuantapega na nalauataxanaxac; nauaantaque ca 'maxaraic 'ueenataxac, qam qainaata 'qaataque na naualaxac queda nqui'ic.

Isaías 59:7

naua lichil ta'chiguita quiyim ỹo'uet ca se no'uen, 'ue da lquipitqachic quiyim ỹocoraxata'pe caua leuo' ca qaica ca lasauaxaset. Ỹa'deentaque ca lalauataxanaxac, ca quecá'maq que'tegue, ca' nopoxoỹaxajñi chaqai na'laxatañi.

Amós 3:10

Ñi qara'gaxala' i'taxajñi da la'qaatec: Yi'maxare se ỹa'den ỹa'maxate'tegue da lo'ueenataxanaxac; ỹa'maxatetac quenaua lauooto' ná'maq locataxat queda lqa'viic.

Amós 3:9

Vii da la'xaỹaxac na nashillipi quena 'imqaipi leta'allipi quiyi na'a' Asdod chaqai quena 'imqaipi quiyi 'laua Egipto, 'ñiỹac: Naguipegue' ana qa' ladocaipi quena Samaria; ñaqai 'ajñii ná'maq se no'uen 'ue quiyi'maxare chaqai da nqa'viic 'ue quiyi'maxare.

Malaquías 2:13

Qam qamiri paguec lecaic dá'maq 'viichitac: ma' 'paxanaxachiijlec ada ncopatoxonaxalate quiñi qara'gaxala' quena rachiripi quena' noỹiñitac, ma' ñi qara'gaxala' tot netooñi'chiguit quena' 'ue ca rachitaxanataxanaxachii.

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Mateo 26:56

Qam 'neeta dá'ogue dajo, qaiyi ipaquichigui dá'maq 'naaco' na'le so letaxaỹaxaquiripi ñi qota'a ỹa'xat quenaua naneresañi na'qaatqa. Co'na'le, ca 'eet so lapaxaguinatqaipi, no'ueenaqchichiguiñi so Jesús.

Santiago 5:4

Añí'maq rishiuetenaxanqachii se ipaguigui nqai'ñii quena qomyipi quená'maq ro'ueenataxantac naqatetac na la na qadañicshiguii, chaqañi añí'maq ro'laxanta'pegue' caqamiri. Ca' ñi qota'a ma' la'gaxala' ná'ogue na piguim laseripi, ca ñi'maxare 'qaatapega da laualaxac na 'ueenataxanaxairipi.

Jueces 4:3

Ca' so nashi Jabín novecientos aso lahoglena fierro nalauataxaqui. Ca' so'maxare ỹovi' veinte ñaxari quiyim qaica ca 'nejem da lqa'viic queso Israel llaalqaipi, chi ỹovireto'o' quiyim so Israel llaalqaipi liỹa ne'xoresene'tot ñi qara'gaxala' quiyim qaỹotauan.