Eclesiastés 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ 'Ue yi laloqo' quiyim nqo'data' na qom, chaqai 'ue yi laloqo' quiyim noquiaata'ta'. 'Ue yi laloqo' quiyim 'ue ca lauataq, chaqai 'ue yi laloqo' quiyim qaica ca lauataq.

Eclesiastés 3:8 Iomraidhean Croise

1 Reyes 5:4

Qam nagui ñi qara'gaxala' qota'olec ñí'maq ỹashiilec ỹaanema qomi' da qareuagaxa quená'ogue na qouoraripi. Ca' nagui qaica ca qanpa'guenaxaua chaqai ca se ỹa'maxata'que qomi'.

Salmos 139:21

Qami' ỹa'gaxala', ¿se yoquii'o' quen ná'maq qami' loquiiaxat chaqai se yqo'ta ná'maq queetapegueu'a qami'?

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Lucas 14:26

—No'm 'ue ca nacpegue' aỹim, qam no'm se ỹamaqa'gue ca leta'a, aca late'e, aca loua, llaalqa, caua lqaỹa' ỹale' chaqai caua lqaỹa' 'aalo, chaqai vire'ta dá'maq chi nachaalataxac, se ishit quiyim ỹapaxaguinatec.

Efesios 3:19

Sashiilatac ñi qota'a, qaiyi 'yiiñii dajo ne'xorenataxanaxa, ma' da'maxare napacalec ná'ogue ná'maq seshitaq sa'deenaq, ca' qaiyi ma'le, ca' no'qaachiguilo qamiri queda no'ueenataxac ñi qota'a.

Efesios 5:25

Chaqai cá'maq ỹale mashic 'on, ca' ỹaatqajam i'xoren aca loua, ca 'nejem so Cristo ỹaatqajam i'xoren ná'maq mashic icoñiguit da na'qaatec, ca' ỹaanec da nachaalataxac ileualec na'maxare.

Tito 2:4

quiyim ỹapaxaguinegue na saqa' qo'xoi 'aallipi, quiyim nqo'ta ca loua, chaqai nqo'ta na llaalqaipi,

Apocalipsis 2:2

Ỹim sa'den ná'ogue ná'maq 'viichi'sac, chaqai seuana dá'maq na'ñaaqataxaqui', chaqai da reualaxaviqui'. Chaqai sa'den quiyim se ỹa'ñaxachigui qavilli' na loic na hualoxonyipi. Sa'den qai'neeta quiyim 'guiñi' ná'maq 'naac lelaatqaipi so Jesús, qam sqai llic, ca' 'yiiñi' quiyim na'maxare 'maatqaiquipi.